الاحداث الاخيره ( قرائه فلاويه )
جلست هكا اليوم اهوجس وافكر بالاحداث الاخيره اللي صارت بهالعالم المجنون
بصراحه انا ما افهم ولا ابي افهم بالسياسه تدرون ليه ؟؟
لانه كله تسذب بتسذب .
هذا رايي انا
نجي للاحداث
**
الدنماركيين
تدرون وش اكثر شي قاهرني بسالفة الدنماركيين اللي استهزاؤ بالرسول عليه الصلاة والسلام
انهم اخس الخلق
بس هذا دليل على ضعفنا
مابقا الا اهل البقر يتكلمون على رسولنا
بس بلاهم والله مهم ذالين من احد
ولاهم شايفين احد بعينهم
ولا تستبعدون ان باتسر تجي دوله ثانيه وتسوي اخس من اللي سووه
فهالله الله يا اخوان تجودو
ولا تساهلون .
**
العراق
ياقردك يابو عدي
قاموا يدزلبونوه من محكمه لمحكمه
ومن قاضي لقاضي وهالقاضي الجديد باين عليه فاضي ( بالخير يالفاضي )
عاد تصدقون وبأمانه مافيه احد يصلح للعراق الا صدام
**
الكويت
بالخيرات يالمطنوخ
سمعت ولا ادري عن صدق هالسالفه من تسذبه ان الكويتيين بلشو بالحاكم الجديد
بعد واة الشيخ جابر الله يرحموه
عاد طرالي اخونا المطنوخ وقلت بنفسي ليه مايخاونوه اميرن عليهم
ياخوي هذولا حنا خليناه مشرف على الفله ولا عندك احسن منوه
واذا هو قادر عن الفله مهو عاجسن عن الكويت
**
ايران
بس لو مهم شيعه تسان والله ارتسب اول طياره واحب خشم ريسهم ( مدري وش اسموه )
ياخيويني انتم شفتو وشلون حشرو امريكا .
ابا الخايبات بوش مهو قادرن الا علينا ياملا الموذي ( بالخير يالموذي )
**
مصر
الاخوان بمصر ثايرتن ثايرتهم على بطولة الامم الافريقيه اللي عندهم
وياقردك يا حسن شحاه لو ماتجيب الكاس .
تصدقون فيه واحدن عندي بالمكتب مصري كل يومن انا وياه خناق
هو يقول نبي نفوز بالكاس
وانا اقول من عند موقق واردينن سميرا
عندكم هالكامرونيين والله يعرشونكم عرش
وكل يوم يزعل علي ويالله اراضيه .
بالمناسبه
سمعت انهم ذبحو عجل بالملعب ويوم سالوهم ليه ذبحوه قالو نبي نتصدق بوه على المحتاجين .
ياخيويني مايخلون قمارتهم
يعني القاهره بكبره مابه مسالخ . ضاقت الا الاستاد ( مثل عرس الولد اللي يبي يعرس بالاستاد )
**
السعوديه
سمعت ان سعر السكر يبي يرتفع
ياعلهم مايقوون الظاهر مايبوننا نشرب شاهي
بس سمعت ان هالزياده على العالم كلوه
منهم اللي يصدرون السكر علموني ابهجم عليهم
تسان البانزين ما ارتفع مابنا بلا
**
تل ابيب
يقولون شارون ميتن وهو حي
الله يجعلوه على هالحال ليما يشوف اللي يسقيه لهالمساكين
ان شاء الله هالكرش اللي ما انتفخت بشرف تنفجر على وجه بوش
**
تشاد
يالربع ماشفتوا خويي شنقل
منذ مبطي ماشفت هيلاهبه الاصفر
**
البيت
هذا بيتنا
يالربع وشو الشفص
كل يوم والوالده تصكن بهالمدعاة
واقوله يا حضرة جناب الوالده ( عزالله مهي صايرتن وزيره ) وشو الشفص
تقول مهو شغلك !
وتقلدوا تحيتي
