السلام عليكم ورحمة الله وبركاته
كالعاده يااخوان انا لااتيكم بجديد انما هو عمل بسيط اتمنى انه يرقى الى مستوى رضاكم واي خطأ موجود فهو اجتهاد مني
تذكرت الشاعرمحمد بن جدوع الرشيدي يرثي قتلى الرشايده في معركة الصريف ويمدح قبيلة شمر ويقول :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اليوم لا عاشق ولاني بمكار = العب كدر من ضد ضيم الهواجيس
من واهجن بالكبد للقلب جمار= يشدي لبن حرقته المحاميس
على ربوع يوم سو البلا صار = لهم من شوبات المعادي دوابيس
بالذوهم اللي بالقبايل لهم كار = كبار الرباع محوله بالملابيس
قطيع تبيع على الموت صبار = هدامه الجمع الموالي سناعيس[/poem]
تذكرت قصيده للامير حمود الرشيد يرد به على مرته ومرة ولده وبنته :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ماهبل مني إلا ثلاث سئلني =حسبن لي عقل يدلن ويورين
وعقلي دفنته في ليال مضني =دون القويس وفوق نقالة الطين
يامنتهى شكواي واش محني =داي ٍ مداخلني ولا الناس دارين
اني عضيض الغلث وأن سلت عني=ماضي من العده اثنين وثلاثين
قلبي الياشاف المقابر يحني =حنين خلج شايفات بعارين[/poem]
تذكرت قصيده الشاعر صالح الدويش التي قيلت بعد معركه ام رضمه (المسعري) بين شمر ومطير والتي انتصرت فيها شمر وكانو بقياده ابن مساعد امير حائل انذاك[poem=font="Simplified Arabic,5,white,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
و(مطيـر) استـاف الله منهـم=ضـاع الـدايـن والديـانـي
جاهـم شـي مـا عرفولـه=مـن خـي وسلـة صبيانـي
واجموع مـا يحصـى عـدة=كنـه صـولات الكتفـانـي
معهـا ابـن مساعـد يقداهـا=غــدا للشـوبـة دنـدانـي
يـوم ان عزيـز جــا وارد=حاديـه الـلال وعطشـانـي
يبـي المـارد والا هـم لـه=هـل العـادات الظفـرانـي
صيـارم نـجـد القطـاعـه=كـل يركـض قـدم الثانـي
ماصـح انـه يشـرد عنهـم=صكوبـة مثـل الحيطـانـي
يـوم بسـروا باهـل الـردة=والهنـدي جـالـه ميـدانـي
خلوهـم مـثـل الضحـايـا=طعـم لسـبـاع الخليـانـي
سبعميـه بـام رضـمـة=نقـوة علـوى والبرهانـي
وتمامتهـم راس عـزيـز=عشـوه السـبـع الجيعـانـي[/poem]
تذكرت قول احد شعار الويبار من عبده من شمر ويمدح فيها فرسان من عبده وهم مفيز العفر ودوشق بن سنيدان ومشاري الشقيق الذين قتلو حجاب العواجي وحسن المرتعد وطرحو عقاب ليقتله الفارس هايس القعيط وذالك قضاء لأبناء عمهم على الثار للفارس هذلول الشويهري فرحمة الله على الجميع :[poem=font="Simplified Arabic,6,orange,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
ومرو على عبده وركبوا ثلاثـــه = جهيل ياحلو الجهل بوقــوت
دوشق بن سنيدان واحد مشاري = ومفيز العفر الي بهم مبخوت[/poem]
تذكرت مغزى شمر على الحويطات وانتصارشمر عليهم والتي كانت بأمر من ابن مساعد وكانو شمر بقياده الفارس الصنديد برجس بن عردان من السلمان من الزميل من سنجاره من شمر وكذالك الفارس الصنديد ضحوي بن دهمي (ابو هادي) من الاسلم من شمر اللذي وقعت عليه فرسه اثناء القتال فأصابته عرجه بسبة الحادثه هذي توفي 1406 فقيلت فيهم هذه القصيده :
[poem=font="Simplified Arabic,6,orange,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
يالبيض يامخضبات الخمس= شومن لبرجس وابو هادي
يوم جرى للرمك قبل امس= مع ايمن العرق من غادي
الجيش يحمس علينا حمس= والخيل للرمي تنقادي[/poem]
تذكرت قصيده تكتب بماء الذهب وهي تنسب للامير الفارس حمود الرشيد :
[poem=font="Simplified Arabic,5,black,bold,normal" bkcolor="orange" bkimage="" border="double,medium,black" type=4 line=0 align=center use=ex num="0,black"]
لك الحمد ما دام السما تحته الوطى=وما دام الليل ليل والنهار نهار
نشكو عليك الضلع غارت مياهه=وسآءت مدافع حايل وقفار
حنانيك أغثنا مرة بعد مره=لتحيا سوام عطلت واعشار
من الحرة السودا الى الشط مشملا=الى ماتشا من قرية وقفار
كذلك أرجو أن تقر عيوننا=بنصر على من بايعونا وبار
فلله منات علينا ا كثيره=تطول شرحا ان تعــد كثار:
ألم تر أن الله قال" بقد سمع "=تبا لمن والى وولاه كفار
فدونك ثمودا عوقبت هي وحجرها=بذنب قدار عوقبت وديار
اذا مرت الركبان منها توحشوا =مما يروا من عبرة ودمار
أبوء بذنبي واعترف بخطيئتي=وأستغفر الله من ذنوب واوزار
وما كنت نحويا ولست بشاعر=وحتى عروض الشعر مالي بها كار
فان كنت لحانا فهـو من جهالتي=بالنحو وعروض عليــها امدار
ولكنني والله لا حب شاعرا=وابغضهم من كان بالشعر بيطار
فمن عاب خلقا كيف يآتي بمثله=ولكن أمور هيجتنا واقـدار
فياليت شعري هل أرى بعض من نوى=ولو كنت مصلوبا على جذع نجار
أحن لقبريين ثووا ما رأيتهم=وقبريين عندي لايردون أخبار
فان كانت الدنيا دهتنا بفقدهم =فانا على ما قــدر الله صـبـار
حريون بالتقوى بعاد عن الخنا =اذا ناب خطب ما تغيبناه باسفار
فبالسلم يغشاهم وقار وهيبه=وبالحرب قلما يولون الادبار
نمتهم الى العليا أصول كريمه=بهم حائل تفخـر على كل الامدار
فان قال احد من هموا ؟ فقل هموا=عبيد وعبد الله بعـيدين الاذكار
فدونك أصلنا ودونك فروعها =بهن كل خير للمقلين الاقتار[/poem]
تذكرت قصيده للشاعر الكبير رشيد بن طوعان السويدي الشمري التي قالها يتوجد على أمراء حائل الاميران عبدالله وعبيد العلي الرشيد عندما رحلوا من حائل إلى الشمال باتجاه العراق هربا من ابناء عمّهم ال علي وكان يخاطب إبنه سيف ((وفي ناس يقولون اسم الولد عيد)):
[poem=font="Simplified Arabic,5,black,bold,normal" bkcolor="burlywood" bkimage="" border="solid,medium,black" type=1 line=0 align=center use=ex num="0,black"]
يا سيف بالله لاتنـادون لرشيـد=الله لا يبلـى بـيـوم جـرالـي
أمس الضحى جتنا علوم تواكيـد=شيخ الجبل من نقرة السمرة شالي
وأودع مع الخل الشمالي براريـد=وأخذ على جال الحزيـزة ليالـي
دار جفت ريف المراميل وعبيـد=تعطي الخراب ويذهبون الرجالـي
وش لي بكثير الملقحة والقواويـد=لا راح عبدالله وعقيـل القبالـي
العي كم يلعي رضيع على الديـد=لا بات مكروب عليـه الزمالـي
من قلط العبد الطفامة على السيـد=يجلس بصلو الشمس عقب الظلالي
تولّمو بالبال.. يا أهـل المعاويـد=ومن ساق إمعيده يحتفظ بالريالـي
صيّور ما ينزل غنيم علـى فيـد=ونشوف من ينحى العدو بالقتالـي[/poem]
ان شاء الله الجزء الرابع قريب بإذن الله واعذرونن على القصور ,,وللي ذكرنا لهم الرحمه ولكم طوله العمر بإذن الله
