السلام عليكم
*********
بالخير يالصايمين:001b:
بالخير يالصايمات
********************
يالربع مضايفكم به بلا ...:eek:
يعني مهو معقووول القراده اللي ساكنه بالمضايف
وامتد نفوذها إلى خارج المضايف !!!!!:a:
سيرت على مضيف الاقتراحات والشكاوي
كتبت موضوع ... طلع لي أبوخليف .. (يابعد خشمي هكا الخشم ):hala1:
كتبت موضوع آخر ... طلع لي المشرف العام:good1:
صعدت فوق ..
وشاركت بمسابقة المطبخ
ونخسر خساره مابعدها خساره:150r:
قلت أبي أجرب بالمحاوره
وهم يجون المحترفين ... وقظّبوني الباب
وصار لي حروة الشهر ماشاركت ببيت واحد:winking:
قلت مالي ألا الأدب العربي
وما يحتاج أشرح
للحين جنوبي يوجعني :359r:
وين أرووووووووووووووووووووح:g: :g:
*******************
آخر أخبار القراده ..
البارح .. اتصل بي رفيدزن لي .. قال : العشا ( عندوه تمايم لولدوه )
قلت : الله يقويك
قال : ترا نقلط الساعه عشر .
عقبوه بعشر دقايق .. اتصل بي واحد من الربع
قال : عندنا عشا بالمخيم .. ضروووووري تجي
قلت .. اسمح لي معزوووووووم
المهم
تروشت ..
قالو أهلي ... هم أعلنو العيد ؟؟؟!!!!:biggrin:
( خبركم مانتروش ألا بالعيدين ):656:
مالكم بالطويله
دقيت الشبح ( الكامري ) سلف
دخلت من عند مصور العنزي ... وأول دخله يمين
البيت قبل الأخير على اليسار
قريبين من بيت المطنوخ
دخلت .. سلمت .. جلست .. تقهويت
شوي وهم يقلطون عشاهم
تو ... سمينا
وهو يدق جوالي ..
ليوالله واحد من الغالين بالحيييل
قال يافلان ... عندي عشا .. وأبيك تجي
قلت طيب ... عشر دقايق ونا عندك
لهذا ... قلت يابو ثوب .. لاتكثر بالعشا
قمت آكل من العويشات
وانا أكف يدي
يوم قامو الشيبان .. قمت ...
وركض على المغسله
قلت .. كرمكم الله
قالو .. اصبر يابو ثوب تطيب تطيب ...
قلت : مستعجل
قالو .. البخور جاي بالطريدز
جلست حول ثلث سااااعه ولا جا البخور
المهم ... هنااااك وهم يجيبون الدخون
تطيبنا .. ونا لك أقوم
وكانت النكبه الأولى
مالقيت نعولي ( ونتم بكرامه ):359r:
دورت يمين يسار ..
راعي البيت انحرج ..
قال : عزمناك وضاعن نعولك
قلت : فدوتن لك ..
وهو يجيب مركوبوه ويعطيني إياو
قال خوذوه لك ..
وأنا لك آخذوه لأني لازم أروح على اللي عازمن
بهالحتسي صار لي فوق النص ساعه من اتصالوه!!!
وصلت لمعازيبي الجدد
سلام عليكم السلام
يالله حيوه الله يحييك
وهم لك يستلموني بالفناجيل
شوي ..
وهو يقوم هكا الرجال .. قال : كرمكم الله !!!!
أنا أخو العيااااااااال
دريت إنهم تعشو .......:eek:
لا وا حلولات ياتمايم هكا الرجال !!:d:
مالقيت دزدامي ألا صحن سمبوسه وكنافه ولقيمات
قلت : العوض ولا القطيعه
وأنا أحط يدي بالصحن يما انحمرت من كثر الحلا:good1:
صارت الساعه 11 ونص
ونا أستاذن وأقوم
وبوجهي للسووووق
لقيت سوق الموعد فاتح
نزلت بسررررعه
وشريت لي نعل ( الله يكرمكم )
وبسررررعه إلى أبو التمايم
رجعت لوه نعولوه
ومما زاد من الحسره والمراره
إني مريت من عند بيت المطنوخ
ولقيت سياره (( كنتاكي )) وادزفه عند الباب
المذهوب طالب سطل كنتاكي
ولا قال خل أعزم أبوثوب على كنتاكي
والمثل يقول : سطل كنتاكي هنيه تكفي ميه
رجعت للبيت ونا جوعاااان
دخلت
لقيت ولدي بيدوه صمونة جبن
قلت ... إلحق حبن
وهو يجي الوغيد
الصراحه أنا أبي الصمونه
يوم جا وهي يرمي صمونتوه بزعموه علشان مايوصخ ثوبي
( لأن الثوب عندنا لوه مكانه تسبيييييره )
وصل عندي ... قال ...حبن يبه !!!
قلت ...
قراااااااااااااااااااااااده
عقبه ... تحظنت المخده وحطيت راسي
وللحيني جوعاااااااان
أختم بمقولة نيوتن : عصفور باليد خير من ثمنطعش على الشجره:goooood:
مع تحيات
أبوثوب:315r: :315r:
