أفزعوا لي يا أخواني

بالخير يالربع

وشلونكم


طيبين



تعاليلوه ممنوع التقليد:smileyb: :smileyb:







يالربع السافة ومافيها

أنا كنت من شوي بمجلس شيبان
وكانوا يتكلمون عن القصص القديمة والأمثال ومن هالنوع

عاد واحد من الشيبان قال مثل

واللي يعرف قصتوه له جائزة


وبصراحة أنا أول مرٌه أسمع المثل
واللي يعرف قصته أعطيه نص الجائزة


هذا المثل

(( من لاتقاضى حي يقمح اليا مات ))


تكفون شوفوا لي قصتوه

اي و الله تكفون شي هالمثل


و اتوقع و الله اعلم انه شطر من قصيدة


و تسلم على السوعال يالرحال

اخوك

الذيب

لوكان السائل واحد غيرك تساان علمتوه بالمعنى
ولاكن انت تبطي عظم مثل ماقال عمك اخو طنخا:(
اقول يالرحال تسوط براعي السطيل المخاوي اغدي راعي الوقيد يعلمك :p:

كالعاده جيت ابشووف وش السالفــه... وللأســف ماعندي افاده..

<-- قليله فوود..

واتوقع يجي بعدي راعي الوقيد او الصـــيرمي او مشعلـــ ويجيبون الحلــ





ღ
ღ
ღ
تحياتي
عشـق القصـيد

الاخ الرحال= كل عام وانت بخيربمناسبه حلول شهر رمضان = ابشر بالفزعه
ماذكرته هو بيت من شعر الشيخ الفارس فراج العماني السبيعي
ياحمود لاشفت اريش العين قله=== عليه مردود البرا عشر مرات
جذبت حبله يوم بيديه تله=== ولاينحكى ياحمود في فايتن فات
انا عذاب ملافخات الاضله=== وزبن التوالي يوم لاذات الاصوات
كلن على فعله وحظه يدله=== واترك علوم مابها صدق واثبات
نصبر على جفواة غلن يغله== ومن لاتقاضى حي يقمح اليا مات
==============
والشيخ فراج هو من نسل الشيخ مفرج العماني السبيعي وجار للشيخ المهادي القحطاني
واخوال عائلته الشيخ محمد المهادي العبيدي القحطاني

الله يعطيــك العافيــه يامرزوق..

وكلــ عام ونت بخــــير وصحه وسلامه ..


ღ
ღ
ღ
تحياتي
عشـق القصـيد

هذا متسانه الى ما يجيك اللي يفزع لك

اقتباس:

---

المشاركة الأصلية كتبت بواسطة مرزوق الشمري

الاخ الرحال= كل عام وانت بخيربمناسبه حلول شهر رمضان = ابشر بالفزعه
ماذكرته هو بيت من شعر الشيخ الفارس فراج العماني السبيعي
ياحمود لاشفت اريش العين قله=== عليه مردود البرا عشر مرات
جذبت حبله يوم بيديه تله=== ولاينحكى ياحمود في فايتن فات
انا عذاب ملافخات الاضله=== وزبن التوالي يوم لاذات الاصوات
كلن على فعله وحظه يدله=== واترك علوم مابها صدق واثبات
نصبر على جفواة غلن يغله== ومن لاتقاضى حي يقمح اليا مات
==============
والشيخ فراج هو من نسل الشيخ مفرج العماني السبيعي وجار للشيخ المهادي القحطاني
واخوال عائلته الشيخ محمد المهادي العبيدي القحطاني

---

لاهنت أخوي مرزوق

والله يبيض وجهك

وياليت تذكر لنا قصة المثل

الأخوان

((الذيب))

أبوغازي

سيدة القلم

راعي الوقيد

ألف ألف شكر على المرور

اقتباس:

---

المشاركة الأصلية كتبت بواسطة الــرحــاااال

تعاليلوه ممنوع التقليد:smileyb: :smileyb:

---

الحيـــــــــــــــــن منهو اللي يقلد .. مع خشتك .. هاه


بعدين انت يا سعد عينك ... فزعت ربعك واستفزعوا لك
بس انا روح شوف موضوعي . .. يهوهي .. مابوه الوالي


ننتظر القصه .. ياصار عرفنا القصيده ..


تعاليل

الاخوان والاخوات المحترمين

ساحاول ان اجد سبب قول الشاعر هذه القصيدة
مبروك عليكم الشهر الفضيل

تعاليل & مرزوق الشمري

ألف ألف شكر

وأبشروا بالقصة




يذكر ان رميزان بن عشام

التميمي كان يضرب به المثل بالذكاء والفطنه

وذكر ذلك لاحد الاشراف وهو زيد بن حسن فطلب مقابلته

عند حضوره للحج،فلما حضر رميزان وسلم على الشريف

ساله الشريف ما احسن وانفع اكل عندكم في نجد ؟

فقال رميزان هو قرص يدفن في النار ثم يخرج منها

ويوضع عليه... فقطع الشريف كلامه ولم يدعه يكمل

وودعه وخرج،وفي العام التالي قدم رميزان على الشريف

وسلم عليه قال الشريف: ماذا يوضع عليه يارميزان ؟

قال:السمن والعسل ياطويل العمل.

ثم قال رميزان :انتم عندكم خيل اصايل ولو تخرج معنا


الى نجدوتاكل من اعشاب نجد لتغيرت حالها .فقال الشريف

اعطوه عشر من الخيل يذهب بها لمدة سنه واذا اتى في

العام القادم ياتي بها ،ذهب بها رميزان وحين عاد

في العام التالي لم يحضر الخيل معه ،ساله الشريف

فقال رميزان:لماخرجت من عندك وذهبت بالخيل ظنوا اصحابي

واهل نجد انها هدايا وتناقلوا الخبر فتركتها فماذا ترى ؟

قال :هي هدايا.فانتصر عليه بدهائه وقال قولته المشهوره

من لاتقاضى حي يقمح اليا مات

000

تسلم اخي العزيز

|--*¨®¨*--| المحروووم |--*¨®¨*--|

لاهنت

ولاخلا ولاعدم

لك التحية والتقدير

عاشق الشوق

اقتباس:

---

المشاركة الأصلية كتبت بواسطة عاشق الشوق

تسلم اخي العزيز

|--*¨®¨*--| المحروووم |--*¨®¨*--|

لاهنت

ولاخلا ولاعدم

لك التحية والتقدير

عاشق الشوق

---

هلا و غلا أخوي عاشق الشوق
ومشكوووور على المرور