[align=center]تحية طيبة للجميـع
في مضايفنا جميعاً ,, مضايف شمّر ,,
"
"
في خضمّ . الشوق والذكرى . وحزني . وارتحالي
______________ وانكساري , بين .. غاياتي .. والأيام ..البخيله
صحت يا أحلى ( تعاليلي ) .. تعالي لي .. تعالي
______________ لا . تخليني .. وانا ظميان .. والرحله .. طويله
والتفتّ .. ولا لقيت الاّ ..القصيد اللي .. سعى لي
______________ حرفي . اللي خابره .. لامن نخيته .. جاب حيله
من نخيت الحرف ( يوصفها ) تحيزم وانتخى لي
______________ فز لي .. فزة شجاعٍ .. فـزّعه .. شيخ .القبيله
قال لي غالي .. وتبشر بالطلب .. لو كان .غالي
______________ قلت له بيـتين .. للقلب الشقي .. تروي غليله
في هنوفٍ .. ترسم البسمه .. على سود الليالي
______________ ماتشبّه .. غير بالغزلان .. والخيل .. الأصيله
طاهره مثل النوايا .البيض .. في قلب الشمالي
______________ حالمه . مثل انعكاس .. النور في شط المسيله
من وقع في سحر نظرتها من اصحاب المعالي
______________ من سلم من سحر نظرتها من اصحاب الفضيله
كل حكمٍ غير حكم .. ( عيونها ) .. حكم انتقالي
______________ كل غايه غير شوف ( عيونها ) تصبح وسيله
زينها , أثبت بأن الزين .. اصلاً ( رأسمالي )
______________ وباحتكاره , أثبتت ان .. ( الشيوعيه ) هزيله
شكّلت في داخلي من حبها ( جيش انفصالي )
______________ ثار , واستولى على عرش الخفوق بظرف ليله
هاه .. ياحرفي علامك ؟ ليه ساكت ياحلالي ؟
______________ ليه , وش علمك بديت تخاف من وصف الجميله
قال دام وصوفها هذي فنا اعلنت اعتزالي
______________ ابك , هذي , وصفها ياشيخ ... حاجه مستحيله
لو تطل بحسنها الطاغي على القطب الشمالي
______________ كان من .. جمرة شفايفها ... غدى مثل المليله
:
:
مودتـي واحتـرامي ,,,[/align]
