(( صرت اجامل )) ... مصافحة اولى
[align=center]
تشرفت بتواجدي بينكم في مضايف شمر
وهذه مصافحتي الاولى اتمنى ان ترتقي لمستوى ذائقتكم
[poem=font="Simplified Arabic,5,white,bold,normal" bkcolor="transparent" bkimage="backgrounds/15.gif" border="double,7,gray" type=0 line=0 align=center use=ex num="0,black"]
,,
,,
يامساء الخير ياشفَ الخفوق اللي تعنَا = كل ما زاد اشتياقه ماجداه الا التمنَي
هايم ٍ في الحب لكن بالمحبة ماتهنَا = وان رفع صوته بضحكه بآخرالضحكة يونَي
تجتمع كل الاماني بي والاقيها تمنَا = وصل قلبك.. شوف عينك.. لمس كفينك.. فتنَي
ماالوم اللي تمنى ذقت لوعات المعنَا = يلقط انفاسه بلحظة من امل به يرجهنَي
اعرف انَا بالاماني والتمني ماضمنَا =خاب ضني بالأماني يوم خابت خاب ضنَي
يوم طاوعنا الليالي عاندن ماطاوعنَا=عاندتني وانتخت بايامها اللي عاندنَي
من تصاريف الليالي ضاق بي واسع وطنَا=ضقت من جور الليالي شاغلني واشغلنَي
ان رجيت الحظ..اعرفه.. لو تحريته تونَا=ماوقف.. حسبي عليه الله دايم ممتحنَي
كل ماجيت استندبه واسنده قام يتثنَا=وكل ماجيته بوجهه..عاكسن ويصد عنَي
كم صبرنا,, وانتظرنا,,وانقهرنا,,وانغبنَا=كم تحرينا الفرج وصدوف بقعاءعارضنَي
نكتم العبرات لكن دوم تظهر غصب عنَا=ترجمتها دمعتين ٍ بالمحاجر وافضحنَي
احتظناالحب بدري والعنا فيه احتضنَا=اه من ليل العنى اللي كل ليلة يحتضنَي
تلتقي فيه الهجوس وتجتمع منا ومنَا=اه منهم لاوطنَي في ثواني بعثرنَي
صرت اجامل في كلامي واضحك وقلبي يونَا=واكثر العالم يفكر من حزن لازم يونَي
كم جريح ٍ من زمانه هاضت شجونه وغنَا=وكم سمع صوته خلي.. وردد المغنى يغنَي
يحسبه طربان بارع باللحن وبكل فنَا=مادرى انه يظهر اللي وسط قلبه مستكنَي
ماظهربوح المشاعر غير مما يمتحنَا=الليالي من مناي ..اللي تمنيت احرمنَي [/poem]
,,
وللجميع تحياتي [/align]
