رحـلـة الـضـيــــــاغــــم
[poem=font="Simplified Arabic,6,silver,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رحلة الضياغم
من جبل خولان سرنا باتجاه جبال طـي = اسمها رحلة ضياغم اعرفوها يارجـال
كل وادٍ له حدرنا نبتغي عشـبٍ ومـي = يالها من رحلةٍ من الجنوب إلى الشمال
يوم سرنا وانتشرنا ضاق فينا كل فـيْ = انحدرنا من الجبال وامتلت فينا السهـال
واستدرنا بالجزيرة مثل استديار الرحـيْ = وكلٍ جنّب عن خطرنا عارفٍ ماله منال
واللي يصير بنحرنا ماحسبناه أي شـيْ = ماهو حقران وتكبر لكن من كثر الرجال
كل أبوهم عزوتلي ضيغمـي من ضيغمـيْ = فوق صهوات الاصايل مايهابون القتـال
والتقينا بجيش مارد . ويا لمقابر افتحي ْ = شيخهم سلطان مارد. راح وطياً للنعال
دزه حميدان منّا . اصقهٍ مـا يسمعـيْ = انفجر عرقٍ برأسه اخو ميثا يوم قـال
يوم قاله اخو ميثا مااعطي ميثا وأنا حيْ = لوتجينا الترك كله النساء هي والرجال
و استوينا بالجزيرة ويالمجاهيم ارتعـيْ = ماقصدناها غزاةٍ قصدنا مرتـع حـلال
واستقرينا بدارٍ فيها فـيْ وفيهـا مـيْ = بين أجا وما بين سلمى دائما عليه ظلال
وقلنا لأهلْها تنحوا ماهي لكم هذي لـيْ = هذي دارٍ للضياغم وانتم روحوا للشمال
راحوا اهلْها وتنحوا والمدامـع تذرفـيْ = ياقشر غدر الزمان ويـاصعب غلب الرجال
والله ماراحوا جبانه لكن شياً يغطى شيْ = الزمن هذي سواته بين حلٍّ و ارتحال
واستقرينا بـ(عقدة) والبنـات. تزغرتيْ = والجبـال النايفات زادن جماله جمال
ديرةٍ يا حلوها ميً عذب وطلع حليْ = الصبح بظلال سلمى العصرمناجا بظلال
قلنا يالله . يالله نبني قصرنا ألمشيـديْ = قصر برزان الذي حايـلٍ بيـن الجبـال
وقمنا ننشد و نتغنّى. بالسـلام الوطنيْ = يابعد حيي لحنّا وشعارنا ميْـل العقـال
اسعدي يادار حاتم . بالسناعيس اسعديْ = شوفي عيال الطنايا صايرينٍ لك عيـال
واسعدي بسلومهم اجودي من اجـودي = وان حصل يوم الملاقا مثل هدير الجمال
سطم فهد ال خليل
ابو فهد
[/poem]
