قصة الوقت

بسم اللّه الرحمن الرحيم

[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="none,4,gray" type=1 line=0 align=center use=sp num="0,black"]


البــارحــه صارلي قصـــه وجــالــي خصـيــــــم

من عــقب غــرّبت نفســي ثم شـــرقتــها

سقت الهـواجيس فـي علـم السميـع العليم

حتـى علـى باب وقت الــــذل لبــقتـــــــها

ووقفت قـــدام وقتـــي مثــل شيــــخ ٍ يتيـــــم

ونـزلّـت عنـــي عبــاتـــي ثـم طـرقتــــــــها

ونظـرت لـه من غبن نظـــرة غريــم الـ غريـــم

وبحــــلق عيــونه وانا العيـنيـن بحلقتــــها

قال اقلــط اقلــط وانا خـابـرك لاحــقك ضيــــم

تقــــهو من دلة ٍ من شــانــك احـرقتـــــها

قلت العفـــو يا زمـانــي خـل عـقلك حكيـــم

كيــف اتقهــوآ بعــد ما نفسـي اشرقتـــها

ماجيـت ادوّر قــهاوى عنــد ساقــي حميــم

لو جـبت عـشـرين دلـه قمت ما ذقتــــــها

قال انت مجنــون يابـن النــاس ولا سـقيــم

قلت انت تــدري بعـــد مالـروح علـقتــــها

قال اشتبــي قلت ابيـك اتردلــي شوف ريم

من عــقـب مافــارقت عينــي وفارقتــــها

قال انت شــاعر غـزل فـي كـل وادي تهيــم

بعــدين هــذي بختــم الحــظ وثـقتـــــــها

قلت أسـئلك بسـم خالقـك العلـيّ العظيم

بالله يـا وقـت ليــه النـــاس فـــرقتــــــــها

ويقــول يـا لابس ٍ ثــوب الهـــوى يا قديــــم

الــحب موضــه قـديمه وانتهـى وقتـــــها

مالك ومال الهـوى اللـي من عرفـته وخيـم

بالله وشلــون نفســك فيــه لصـقتـــــها

قلت انت تدري وش القصه وخلك حشيـم

لا تحسب انك علـى شـرواي مرقتـــــها

حسيبك الله خـالــقك الحكيـــم الحليــــم

وراك يا وقـت نفســي منـك ضيقتــــــها

واتلومني وانت في قلبي تشب الجحيــم

وطـمــوح قلبـي ولا مـــرّه وحقـقـتـــــها

قال انت وشبك عليّه وانت بأحسن نعيـم

والنفس وشبك على الآيـام عشقتــــها

يا آدمـي خـل دربـك دايــمـا ً مستــقيــم

وش ينفــعـك لو رواية قيـس طبقتــــــها

وأن كان زعــلان روح اطـلع لروضة خريـم

ابعتــــذر لـكــن الأعـــــــذار غـلـقتــــــها

وترى بروضــة خـريــم اليـومه الجـو غيــم

انهــــج ولا تصـبـح الآ وانت عانـقتــــــها

قلت اسكت اسكت خلاص الحال عوّد هشيم

لفقتــها كيــف مـدري كيـف لفقتــــــها

ثم انتهى الليــل وأنا مــعه في سين جيـم

ويوم اصبح الصبح درّجها وانا سقتــــها[/poem]


تحياتي لكم : اتمنى لكم وقتا ً ممتع في قرآئة القصيده .
الا اللقاء

[align=center]قال اشتبي قلت ابيك اتردلي شوف ريم
من عقب مافارقت عيني وفارقتها


فهد الروقي

صح لسانك

قصيده جميله وعذب

لاهنت[/align]

[align=center]فهد../

ايوه كذا يامبدع ..

مترفه جدا ومغدقه ../ كلمات عذبه وسلسه ومتسلسله


رااائعهــــ يابعدي


الله لا يهينك ../

وانتظر القادم

اخوك[/align]

[align=center]صح الله لسانك 00 وصاخب حضورك

نشرت شراعك هنا فأبحرنا
مع حروفك
وانغامك
هنا عطر
وصفٌ يتبختر على أنغام
مستحيلة الأوصاف
و نداء لا يجيبه سوى ترديد الزهر

هناحالة مربكة 00
حروف لايمكن إطفاؤها
تحت اشجار الزان الفضية الملأى ظلالاً
وانعكاسات 00تستظل
حروفك

دمت بخير
اختك 00 المهرة
[/align]

[align=center]ويقول يا لابس ٍ ثوب الهوى يا قديم
الحب موضه قديمه وانتهى وقتها

ويقول يا لابس ٍ ثوب الهوى يا قديم
الحب موضه قديمه وانتهى وقتها

الله الله الله الله

روعــــــــه ماشاء الله عليك

أنشهد انه ماعنده سالفه وظلم حظّه هالزمن


بارك الله فيك اخوي وصح لسانك

وعزالله اننا استمتعنا بعذوبة القصيدة وتصويرها الرائع


شكرا لك اخوي فهد[/align]

ص[align=center]ح بدنك اخوي الغازي

والله لايهينك ومشكور اخوي

على هالكلمه الجميله

تحياتي لك :[/align]

[align=center]شكرا ً لك اخي نبراااس

والله يسلمك وان شاء الله اقدم مايرضيكم

بأذن الله

تحياتي لك :[/align]

مشكوره اختي المهــــره وصح بدنك

وصح لسانك على الكلمات الرائعه

والمختاره سلمت يديك

واتمنى بأذن الله ان اقدم ماهو يرضيكم

تحياتي لك :

[align=center]تحاتي لك اختي ام نوااف ومشكوره:

وصح بدنك وسلمت يديك

وشكرا ً لك على نقل البيت

تحياتي لك :[/align]

صح لسانك

صــــح بـدنـــك خالد

[align=center]
أخي الفاضل

فهد الروقي


ألف صح لساااانك

أمتعتنا شعرا أيها الفاضل

لا تحرمنا مزيدا من العطاء

دمت بخير


الدهور[/align]