بلكي ألاقي مطلبي فيه بلكي "منازيل باسكال"
[align=center]قصيدة تجنبتها بسبب العنوان عدة أيام ، ولكن وياللمفاجأة السارة حين دخلت عليها ووجدتها قصيدة شامخه عكس ما يخطر بالبال حين قراءة العنوان,,
مفاجأتي بمعناها المغاير لما توقعته من عنوانه ولإعجابي بحسن سبكه ومعناه دفعني لمجاراته بهذه الأبيات:-[/align]
[poem=font="Simplified Arabic,4,royalblue,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
جيت لمضايف شمرٍ عاقد آمال=على شعر للهم يطرد ويجلي
ولقيت أشعار الهوى والتغزّال=مْضيف النبط منها يالأصحاب مملي
كلٍ شكا من عشق الأحباب غربال=وكلٍ يقول القلب بالشوق يصلي
وأنا هجوسي مبعده عن كذا حال=لا شاكيٍ فرقى ولا شح وصلي
عندي هنوفٍ ما أدور به أبدال=حبلي عقد فيها وحبله عقد في
مذربه ومعربه جدٍ وخال=هي لي سكن وأنا لها بالمثل في
وحست المضيف أدور حكمة مع أمثال=بلكي ألاقي مطلبي فيه بلكي
لقيت عنوانٍ وِلا فيه بسكال=قلت ايه! مثل الربع يشكي ويبكي
ومن الفضول "أشوف وش فيه؟ وش قال؟"=الا قصيدة غير معنى وسبكي
قصيدةٍ ياصف بها أوضاع وأحوال=ويقارن بها دار الكرم وبعلبكي
شجاب البياض الناصع لأسود الشال=وش عاد لو قالوا ترى حسنها شي
اهنا المشارب عذبةٍ ما به أدغال=وهناك فيه وفيه ما ودي أحكي
أي القراح الصافي وأي الأوحال=وأي السليم وأي عيَّّان يشكي
فرق الطبوع وفرق الأشكال وأزوال=والتربية تفرق وكذلك الزي
حتى الكلام الي يردد وينقال="يا بعد حي" أبرك من الخي والبي
والختم أصلي عد ما هل همال=على رسولٍ وضح الحق والغي[/poem]
