### منــــــازيل باسكـــــال ###
[align=center]حياكم الله
لاشك ياخوان القصيد جميل ولايكون اجمل الا بمناسبة
مناسبة هذه القصيده باختصار لكي تكون القصيده مفهومه
طلعنا مجموعه من الشباب ايام المطر اللي مضى على حايل
وكان معانا واحد اسمه فهد ماهو من اهل حايل
قال واحد من الشباب ياحلو حايل بالمطر
قال فهد والله الحلوه ديرة باسكال>>>يقصد لبنان
"الرجل ماينلام لانه ماتربى بحايل ولاجرب غلاه"[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
سر ياقلم سجّل على راحة البال=خل الحبر يصبغ على البوك ياخي
امس العصر في ساحة البيد نزّال=باطراف حايل طالع(ن) يابعد حي
شبيت ناري وارتكت فوقها دلال=ومعنا موارث سربة(ن) اصلها طي
بارض(ن) خلا مابين شعبان وجبال=من السحايب ارتوت "يافهد" ري
انا احمدالله يافهد ضلعها سال=تلقى مناقع ديرتي كلها مي
اخير عندي من منازيل "باسكال"=واغلى علينا من وطن تسكنه هي
دار(ن) بها سربة صناديد وابطال=صارت فعايل لابتي للبشر ضي
ياوي والله ياهل الجود مدهال=مدهال عز(ن) يافهد ماهو شوي
تمشي شرف بين المناعير ورجال=وتجلس شرف في مجلس(ن) بالكرم حي
اخير من جلسة "جوانا" "وميريال"=بين الصبايا جلسة(ن) كلها غي
انشهد انه معربة جد مع خال=كنه هنوف(ن) بالبشر مالها زي
من الصغر ياما توشحت انا عقال=مرباي باطرافه وفضا ساحته لي
نوب(ن) بها نقدر على الطيب بالحال=ونوب(ن) بها امشي وانا مامعي شي
ان جتلنا الدنيا تساهيل واقبال=اقول ياقلبي عن الطيب لاتعي
وان شانت الدنيا تحدك على الجال=ماهو ردا لاشك وقته غدر بي
نصبر على وقت الغرابيل لو طال=باطرافها نصبر على لدغة الكي
مشـــــــعل الغفيلي[/poem]
