((.. الشـــدايد____مـــــواقف..))
[poem=font="Simplified Arabic,6,blue,bold,normal" bkcolor="white" bkimage="" border="ridge,10,deeppink" type=2 line=0 align=center use=ex num="0,black"]
دار فكري تصاريف الزمن..وانشغل= بين حسرة محب وبين فرحة حسود
والليالي توالي والقمر ..ماكتمل= نوب ضوه يقل.. ونوب ضوه يزود
كل ماقلت هانت عودت..بالفشل= تنقلب في طريقي بيض الايام سود
وكل ماقلت جرحي يازمان..اندمل= جدد الجرح مطوي الجفا والجحود
يازماني ابصبر لو لحقني..زمل= مالحق اللوم صبري لو تعدى الحدود
ايه ابصبر على الشدات مهما..حصل= الشدايد مواقف.. والمواقف صمود
ايه ابصبر وجاهد واحتزم..واحتمل= عزة النفس تكره مبهمات القيود
عزة النفس ماترضى المذله..بدل= كل نفسٍ عزيزه عن حماها تذود
لايمي شدّ حيلك لا يصيبك..ملل= فالعواصف هبايبها تشيل النفود
كل شياً مقدر والعمل.. بالمهل= شي يشهد عليه. وشي ماله شهود
شلت حملٍ ثقيلٍ مايشيله..جمل= ولا تثنت عزومي في نزول وصعود
لا يمي مابقالي غير بارق..اّمل= يمكن انه يغيب ويمكن انه يعود
وسالف العصر الاول كان يضرب..مثل= لا وقع بيت ابوك وطاح خذ لك عمود[/poem]
