[align=center]كثر الدق يفك اللحام
^
^
^
هالمثل ياكثر ماأسمعه خصوصا بين الحريم :) وبالأخص المتزوجات :) :)
نمت مرة عند واحد من محارمي :) >>> على بالي مابيكم تعرفون منهو :)
وزوجته الله يجزاها خير كانت متحمسة وحاطتني فوق راسها ,, ويوم جاء العصر قالت وش رايك نروح للسوق ؟؟ قلت عادي براحتك :) هالكلام طبعا على أساس إنها متفقة مع زوجها وموافق :)
بس طلع ظني ماهو في محله :) اثرها توها بتطلب منه يودينا :)
المهم قالت له وحنا على الغداء :) قال : ماله داعي خليها بعدين :)
قالت : لا ودي الحين مادام ان ريم عندنا :) عشان تروح معي :)
قال : لا مايناسبني اليوم خليها يوم ثاني ونمر على ريم عشان تروع معتس :)
قالت : بس اليوم أنسب لنا ومضمون لو أجلناها يمكن ظروف ريم ماتناسبها >>>>ياعمري ياأنا طلعت موضوع الحوار وأنا مالي صوت :)
قال : لا مايخالف مرة ثانية ان شاء الله :) >>> الله من العناد بعد هو :)
قالت : طيب ريم ودها اليوم :)
هنا ماقدرت أتحمل قلت : هيه لا ماودي لاتحطينها فيني ,, خلاص يابنت الناس خليها يوم ثاني ,,
قال : هه هذي ريم تقول خليها يوم ثاني :)
المهم خلصنا من الغداء وجابت الشاهي وهي ناشبتن في حلقه وأنا طاح وجهي عنده بيحسب الفكرة فكرتي :)
المهم الرجال لبس ثوبه بيطلع وهي وراه كنها ظله :) وتكفى ودنا ,, الله يخليك على الطريق ,, جعلك في الجنة فرصة اليوم ووووووووووووووو إلخ ,,لين ما صك الباب في وجهها :)
بصراحة حامت تسبدي :) قلت لها : تصدقين عاد اني كنت متوقعة في أي لحظة انه يعطيتس طراق معتبر على كثر حنتس ورنتس :)
قالت : عاد وش رايتس اننا كل يوم على هالحالة :)
قلت : منتب صاحية !! ياشيخة ماتحوم تسبدتس من هالطريقة ؟؟
قالت : لو حامت تسبدي تسان مافيه أمل تشوفيني طالعة من البيت ولا حتى شبر ,, ياحبيبتي الرجال ماينفع معهم إلا كذا ,, والا أبشري بالتطنيش والقعدة لحالتس في البيت :)
قلت لها : بس ماتتقرفين من نفستس وانتي ناشبتن له في حلقه :) ياشيخة يكفيني اذا قال (( لأ )) خلاص ماله داعي أحرج نفسي وأنا عارفة انه رافض :)
قالت : ياحليلتس ,,(( لأ )) هذي لازم يقولونها حتى لو كانوا موافقين :) يعني تقدرين تعتبرينها مثل (( الو )) للتلفون :) >>>> الله من زين التشبيه بعد :)
وبعدين كثر الدق يفك اللحام :) يعني حتى لو كان رافض مع كثر الطلب والحنّة والرنّة :) يلين ويوافق :)
قلت والله مايلين الا بيفتك من الصجة المسكين :)
معقولة كل الرجال كذا مايمشون الا بهالأسلوب :)
أذكر وحدة تقول : أول ماتزوجت على بالي مؤدبة إذا قلت له توديني للمشوار الفلاني وقال لي(( لأ ))خلاص ما أطلب منه مرة ثانية ,, المهم مع كثر اللأآآآآآآآآآآت تقول جاء ذاك اليوم وطلبت منه يوديني عند أهلي لأن عمومتها متجمعين وهيصة وزنبليطة :) طبعا كالعادة قال(( لأ )),, وطلع :(
يوم رجع آخر الليل قالت له : حرام عليك وش استفدت الحين انت انبسطت وسهرت برا وأنا انحرمت من اجتماع أهلي وسعة الصدر والوناسة ,, وش قال هالمملوح :) قال : لو انك حريصة كان ألحّيتي !!!
يقطع ابو القهر :(
بصراحة ,, عالم غريب :)
وش رايكم أنتم بهالنظرية يامعشر الرجال :) ,,خلوكم واقعيين وصريحين :) ترى مافيها شيء الاعتراف بالحق فضيلة :)[/align]
