[poem=font="Simplified Arabic,6,white,normal,normal" bkcolor="transparent" bkimage="" border="none,7,white" type=0 line=0 align=center use=ex num="0,black"]
باقي على اغسطس يجي أربع شهور
وانا رصيدي خالي(ن)مابه ريال
والدين ذابحني وانا منه مخطور
ايجار شقه مع فواتير جوال
وشلون اسافر معكم لديرة الحور
بيروت من جاها يجي عقله خبال
لا مااتشكى والله الحال مستور
مشكاي للي للصعيبات حلال
ياليتني تاجر ولو مثل منصور
واشجع الاتي واصفق للابطال
ان كان اجي كازا وباريس وادوور
بين المصايف كلها واطرب البال
واعرس وأثث بيت لا وابني قصور
وش زينة الدنيا بلا مال وعيال
بس الفقر ياخوك شيدله جسور
بيني وبين المال آلاف الاميال
كم مجلس(ن)متصدر فيه طرطور
وان جيت تسأل ليش؟قالولك..ريااااال!!![/poem]
