محاورة سعود بادي و ناصر المطيري ( منقول )

[align=center]والله يا الربع الود ودي إني واحد من المشاركين هنا

مار حيل الله أقوى مالي بالشعر نصيب

إلا المتابعه والمتابعه فقط :)

محاورة أعجبتني وحبيت نقلها لكم بين شاعرنا سعود بادي والشاعر ناصر المطيري



سعود بادي

سلام الله على الساحر رفيقي ناصر المنصور
.................... سلامٍ يرتكز بين الضلوع ويشتعل فيها
لـو ان السحـر ماقره كتاب ولادخـل دسـتـور
.................... لكن الله يخـلي للـديار الجدب اهاليها



ناصر المطيري

هلايامرحبا ياصاحبي بالفعل انا مشكور
.................. هلابالدعوه اللي تفتخر من طيب راعيـها

انا مانيب ساحر بس اعرف اعالج المسحور
....................وانا ياسعود لو مااقدر بحاول كيف اهديها



سعود بادي

انا ياصاحبي لاجيت من باب الونس مسرور
..................... ذلولٍ جابتك شفت السعد ينقل مواطيها
قنع من يشربه حلو الزمان ويشتكي ممرور
..................... وانا بعض السوالف لو سرت مانيب راضيها



ناصر المطيري
انا ماني من اللي ينـتظـر حتى يجـيه الدور
................... ولاودي ابين لك امور عنك مخفيها
يخالف سيري الطيب نفق مظلم وبعض جسور
....................ولا ودي اخربها ولا ودي اسويها



سعود بادي

تبي تبني من اشباه الحقيقة يارفيقي سور
..................... ومثلك عارف اللي يثبت الدعوى وينفيها
لو ان البندق اللي علقوها في الشعيب تثور
..................... تبين لك من اللي شيدو واحـيوا مبانيها



ناصر المطيري

يقولون الحقيقه ماتبين في العيون العور
.................... وانا اقول الدعاوي ثابته في قول داعيها
وانا بانصحك قبل انك تمنى وصفةالدكتور
..................... تجنب شر من وسوس لنفسك في بلاويهـا



سعود بادي

عسى هاك العيون اللي تطَرا ماتشوف النور
........................... الاعـوَد نـظـرها فالليـالي ما يقـديـها
اشوف اليوم غير امس ورحاها يطحن ويدور
........................... وانا بانشدك عن ناسٍ موثق فعل اياديها



ناصر المطيري

قريـت وصفـحة التاريخ ماتبنابقــول وزور
..................... وانــا مانـيـب جاهـلها بحـاضرهـا وماضـيـها
مابين القوس والرامي تركتك والفكر محصور
....................... عسى ياصاحبي رميت عدوي ماانت راميها



سعود بادي

غريبه كيف مررت الكلام اللي عليه حـضور
.................. وانا اشوف البحور وموجها يلطم شواطيها
حقيقة ويش عذرك وانت مدك يغني المعسور
.................. الا جات السوالف واشتكت من صدر راويها



ناصر المطيري

غريبه كيف عدت ياحبيب والخصم مستـور
....................انا وشلون امررها عليك وكيف اباريها
تشيل من السوالف لين تكبر ماتضيق صدور
.................... واناابريك من تهمة غريمك وانت عديـها



سعود بادي

ماقول تحـرم الجايز ولاقلت ارتكب محـظــور
................. ذنوب الخلق بارقاب المشايخ من فتاويها
تشوف الصمت دمه في شوارعنا غدى مهدور
................. وصـدور الناس فـيـها يارفيـقي مايكـفـيها



ناصر المطيري

تركت المذهب السني وبشرنا شهر عاشور
.....................وابشر كربلاء واهل النجف في قول مفتيها
مصير الوقت والدنيا تلف وتبترم وتــــدور
.................... حسب توقيت ساعات الدهر نحسب ثوانيها



سعود بادي

يذكرك الوعد بكره وعد هاك السنة بلفور
.................... وللسنة رست هاك المراكب في موانيها
توسد صوتي الليلة ونينه والتحف مقهور
.................... ذبحـته والمشاعر يارفيـقي عند داعيها



ناصر المطيري

تهد من الونين وينبني لك في الضلوع اقصور
.................. يشيدها غلاك اللي تعلا وانت عاليـها
ترانا يالعتيبي والخبـر في المنتـدى منشـور
..................على طيب ونقاء نلعب من اولها لتاليها



عشت وانا اخوك
وعسى
ماقلناه ..... له صدى طيب
شكرا لك





وأنا بقول بعد قول المطيري

عسى أن أكون وفقت فيما نقلته لكم

لكم محبتي وإحترامي

دمتم بخير[/align]

[align=center]صح الله لسان اخونا المطيري
وصح الله لسان اخونا
سعود بادي
وسلمت الانامل على هالنقل الرائع
واكتشفنا ان اخونا سعود مبدع الى جانب النظم مبدع بالمحاوره
بالتوفيق دوم ان شاء الله
دمتم بخير
اختكم 00 المهرة[/align]

[align=center]عبدالله المهيني

لاهنت ياعبدالله على هذا النقل والذي يدل على أنك صاحب ذائقه رااائعه ..

محاوره جميله تتسم بالنقض والفتل والنديّه .. بالفعل تستحق هذه المحاوره أن تكون هنا ليتابعها الجميع .. وشكراً لشاعريها الممتعين بالفعل ..

تحياتي [/align]

[align=center]أحسنت يالمهيني

والله محاورة جميله جداً






مهو معقول ... عندك الذوق الجميل

أكيد لك محاولات

وشرايك تجرب هنا ؟؟[/align]

عبدالله المهيني
ماتقوم به اكثر من رااائع
ويتحدث عن نفسة
اجد الشكر عاجزاً امامك
دمت كما انت
.
.
هنا لابد ان اشير الى وجود الكاتب الكبير والشاعر المبدع ناصر المطيري وارحب فيه هنا ولو ان الموضوع منقول ولكن لابد من الاشارة واعطاء كل ذي حق حقه كما اشكره على تشريفي بهذه المحاورة .
.
.
.

بسم الله الرحمن الرحيم


[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اولا

ياالله حي عبدالله حقيقه مضيف المحاوره نور

موضوع اكثر من رائع تحياتي لك الاخ/ عبدالله[/poem]



[poem=font="Simplified Arabic,4,white,bold,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
يامرحبا بك ياالمهيني وحييت=باسم المضيف وباسم كل المضايف[/poem]

اخوك القديمي

[align=center]بعد إذنك الاخوان

للقديمي


النور نورك طال عمرك

والله لا يهينك


[poem=font="Simplified Arabic,4,white,normal,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
تبقى وتسلم ياالقديمي على البيت=طيبك يسوقك يا عديم الوصايف[/poem]


عديم = عديم الاوصاف الشينة شرواكم [/align]

[align=center]مشرفتنا العزيزة

المهـ ـره


الف شكر لتواجدك الرائع


دمتي بخير أختي[/align]

[align=center]اخي العزيز

بعيد النظر


الله لا يهينك

الف شكر لحضورك الجميل


دمتي بخير أخي[/align]

[align=center]الأصيل


ياهلا والله ومرحبا

نور الموضوع بتواجدك أخي


الف شكر لحضورك


دمتي بخير[/align]

[align=center]شقيق البياض

سعود بادي


لا تقول شيء أبد


اللي بصدر واعرفه



دمت شامخاً [/align]

[align=center]
شاعرنا العذب :)

عبدالله المهيني


اختيار موفق لشاعرين غنيان عن التعريف

سلمت لنا الأنامل

و صح لسان الشاعرين


الدهور[/align]

[align=center]أختي الدهور

الف شكر لحضورك


بس ما تلاحظين إنها كبيرة شوي العذب :)


لكي الاحترام مني

ودمتي بخير[/align]

يعطيك العافيه ياعبدالله خوش اختيار ياملا العافيه