(( الحاضر .. الغائب )) أول مصافحه ،،
[align=center]بسم الله الرحمن الـرحيم
أخواني وأخواتي في هذا الصرح الشامخ ، في مضايف شمّر ،، مضياف الطيب والكـرم
للأمانه يشرفني ويسعدني أنضمامي لهذا االمنتدى المميّز والمتميز باعضائه وأقسامه الجميله ،،
ووجود نخبه من الشعراء المميزين ، وأقسامه الشعريه والتراثيه ... وأتمنى أن تنال هذه
المصافحه الأولى رضاءكم .. والعذر والسموحه ،،
[poem=font="Simplified Arabic,4,darkblue,bold,normal" bkcolor="skyblue" bkimage="" border="ridge,4,blue" type=1 line=0 align=center use=sp num="0,black"]
يالحاضر الغايب ، على درب الاطـلال = زارت طيوفـك درب عابـر سبيِـلـه
أكابدْ الخطـوه علـى ضيقـة َ البـال = ياغاية الغايـات ،، شوقـي وسيلـه
جاك المعنّـى يسكـبْ الدمـع همّـال = ماعاد له فـي عالـم العشـق حيلِـه
ياصاحبي ، منكـم ، وفينـي ، ولازال = الهـمّ بـارق والمحـانـي مخيـلـه
اسطتْ رماحك راكـزه كنّهـا جبـال = وادمتْ خفوقً شاكـي البعـدْ ويلـه
اصبح على مـوّال وامسـي بمـوّال = واغـازل البسمـه بـيـومً وليـلـه
اطرد سحاب الهجر فـي زرع الامـال = واعانق اشباحـه ، بذكـرى جميلـه
وأرَبت على كتفي ، مع الدرب رحـال = وامشي على جـال الهمـوم الثقيلـه
ياغايتـي ، والعهـد سايـر ومنـوال = على الوفا ، نبض المشاعـر صميلـه
مابين "شِمتة عاذل" و "كذب محتـال" = سلْـم الفـراق لهاجسـي مرتكيـلـه
النفس ضاقت بي على القيـل والقـال = و"كيف" الحزن مثقل على " كمّ " شيله
تعبَت يدينَ العشـق تكبيّـل الأغـلال = وتِعبت اهوجس فيك "وش تنتهي له؟"
باقي على عهدك وباقي علـى الحـال = تعال افيّض شعـر مـن غـبّ سيلـه
تعال وأشرب لك مـن القلـب فنجـال = العشـق كيفـه وانـت بنّـه وهيلـه
اقِهر مسافات الهجـر وأنـت تختـال = وأروي ضُمى هالعشق من سلسبيلـه
#
ولا صار درب العشق أشواك ومحال؟؟ = وصارت حبال الشوق معنـا بخيلـه؟؟
#
احلى الاماني ،، أصدقت فيها الأمثال؟ = (( من قال قلب المهتوي هو دليله ؟ ))
ماعاد يعني لي سوى الكبـت مدهـال = ارقى على احزانـي وأجـرّ الطويلـه
تبّت يدين العشق فـي كـل الأحـوال = دام المعنّـى ضـاع وأنهـدّ حَيـلـه
ياهاجري ، يقصر لك العمر أو طـال؟ = فضل القمر يرجع على " عتـم " ليلـه
[/poem]
وسلامـتكم جميعا ،،
أخوكم // عـادل الـسـلـطان[/align]
