قـــــنــــصــــة الــــبــــنـــشــــر

اللي مايعرف باللهجة الحايلية نصيحتي له يديور

[align=center]أبو عفرا - أبو جملا - أبو عكاش - النني - جمران

5 أخويا على طريق القرادة يقنصون
أبوعفرا راعي الجيب , أبوجملا أقرد ماخلق ربي على وجه الارض , أبوعكاش انا يامحاتسيكم هكا الحييييين , النني هذا واحدٍ لازعل ثقل لسانه ويقعد يعبّصهن مثل وشـنن نن ننن نن ن وحك , جمران أخس سلوقي وانتم بكرامة وضحية القنصة:D

أقبل علينا وحنا متجضعين عند البقالة هكا الجيب البيج موديله 84 ربع (عشة) وياقف ولا هذا أبوعفرا كابس العقال علة الطاقية والشماغ على كتفه:eek:.
مااااااشاءالله يابوعفرا متى انت شاريه؟؟
يتعنفص ويطلع ابوبس من مخباه ويطقه من تحت والا الزقارة ناقزة ,يحطه بيده (ولايولعه) ويرد بثقلللل : والله اليوم يابعد حيي طلعتووووه
هه وتتن يابوعفرا:eek:
يرد بإستهتار : يارجال والله انك وغد!!! انت وهالكلمة
أبو جملا بهالاثناء ينقز لثلاجة الببسي وطرخخخخخخخ يفك تيم <---- (كان اخر طابق بالاسواق عام 1413:D) يابوعفرا طال عمرك (لزوم المصلحة)
أبوعفرا: هذا لك ولاشكالك ولاانا غير أشقر الكيف ماعرفوه (الله واكبر يالظرنط امس قبل هالجيب نبلش بريال زود عشانك انت وطويبق حليب النستلة ابوريالين) .... يارجال والله انك بهالحركة وغد!!!!
ونقعد نتعلل ونسولف وابوعفرا كل شوي يتأفف وهو قاعد على رفرف الجيب , وش بلاك يابوعفرا؟؟
قال : هالديرة وغثاه!
قال ابوجملا كوه نفر مع اللي يفرون . قال : الفر لك ولاشكالك ولا حنا اهل بر وقنص!<---- سبحان مغير الاحوال يالدجاجة
الا وش رايكم نقنص بس ؟
قلنا والله مهي شينة قال دبرو السلوقي والبارود
ومنييييييييييين منييييييييييين منيييييييييين قال ابوجملا بسسسسسسس النني ماغيره
عند اخوه سلق وبواريد ينطلهن لنا يوم والمهم يطلعهن ولارجعنا للديرة بصفق وماهر هو واخوه
ونروح للنني ونحاول بوه الذروق لمين فرينا مختوه والوعد يالنني باتسر الصبح عند البقالة معك السلوقي والبارود بفراشك نطلع ونستانس ولاجا الليل قنصنا وجينا قال تمام .( طبعاً الكلام كان لابوعفرا لأننا مانتجرأ نحتسي)
وننام هكا الليلة حدر كبري الاديرع بعد الحاح من ابوعفرا بأن نومة المكيفات ماهي لاهل البر ولانقوم الامن باتسر المغرب|513|<---- لا عزالله طيور بر
و 140km طبلون الموتر للبقالة والا هذا النني متوطيٍ عامل البقالة من القهر ,, لاهو اللي يقدر يرجع لبيتهم يوطى وجهه ولاهو اللي يقدر يدبر نفسه ومعه هالسلوقي والفراش اللي بوه البلا
وهو يقعد يزابد علينا شوين وهو يخرط ابوعفرا هكا الخرطة يقول : وصلت رفحا يارجال اتشوف الشوازر وحصل لنا طردي ... وهو يفصل السالفة تفصيل ممل (والقهر اننا نسمع|8|)
والله ونرتسب الموتر جميع وهو يحط السلوقي قدام وحنا ورا ابن التلفس ويقعد يمتر شوارع حايل شارع شارع يبي يوري روحه الناس :mad:
ونمسك طريق العش وكل ماسوالفنا سالفة قال اسكتوووووووووووووو واسمعو ووش نسمع ياربي لك الحمد
ابن سعيد ولا بشير شنان ولا استطرب الرجال قال صفقه شباب ونقعد نصفق من ورا خشومنا ... يالربع حتى السلوقي كل شوين يلتفت لنا ناقد:( الين طبح الموتر صحرا وعندك وعندك وعندك الياما طبينا حروة الوصف ونقعد نستدير ندور الخزز . اللي معه البارود واللي مولم الكبس واللي يتلفت مع ابوعفرا السواق
ويطول ليلنا وحنا على هالحال الييييييين نفجت هكا الارنب وجمراااااااااااااااااان اليوم يومك ياجمران
بوز مع الباب بهكا البرد ووراه ووراه ووراه ويااااااااححححح ياااااااااااااااااحححححححح جمران وين انت ياجمران؟
قال النني ماعليكم انتم اتبعوه بس وخلو جمران يشوف شغله
وتطول الطردة قال ابوعفرا عندكم له بالشوزر... وكل مااقبلنا عليه اعترض بالجيب وثار الطلق
واعرضوه بهكا المرة وارم يابوجملا الا معالم وجهه منتثرة بمتسان الرجلين بالموتر:D
أثريه مع الحماس حط عتسب البارود قبال فرتوه واطلق الا هي لوه
وازبني يالارنب الضلع وننزل نراعي لابوه جملا ونتعلم طب على وجهه....وهه!
هذا ذنيب جمران عاض بالباب لحاله؟؟!!:eek:
وننكس مع طريقنا ولا هذا هو منفرش بالخط بلا ذنب ونقشة الكفر خاطتوه خط.. اثرينا يوم نجدعه صكينا الباب على ذنيبوه:D
والله ويقوم ابوجملا يهزئنا واحد واحد (يبي يحطه بنا) ونرتسب الموتر راجعين , ابوجملا وابوعفرا قدام وانا واالنني ورا فوق الفرش والعزبة ومع مشي الجلد نمنا حنا ياللي ورا من التعب.
يالربع وانا نيم تسن الدنيا صار به زلزال . طع طع هذا قدر يمسح وجهي ,وهذي رضمةٍ تدق سنوني ... العلم اني مدري وش انا عليه ولااقدر احتسي من الوجع
أثري الباب اللي ورا انفتح وابوعفرا طاير ولا دري من قرشة الموتر وابن سعيد ,ويوم وصل الزفلت التفت واليا البيبان مبرهجة ولاحولك لاعزبة ولاابوعكاش ولاحتى النني:D وابوجملا ماينشره عليه , من الشوزر انتهى مفعوله:D
وهو ينكس مع طريقه والا هذا:
:
:
:
V
قدر أم ابوجملا:eek:
:
:
:
V
عفريتة الجيب|513|
:
:
:
V
حطبة:cool:
:
:
:
V
ابوعكاش مثولث بالارض|8|
:
:
:
V
بطانيتة
:
:
:
V
دلة النني المصدزة|501|
:
;
;
V
النني|8|( المسكين خاطٍ 5 امتار بوجهه الارض )

متفرقين على طول خمسمية متر بالخط |8|


ويقشنا بالموتر وحنا ولايشٍ ماندري وش الدنيا عليه ونكمل طريقنا الين اقبلنا على المحطة
وننزل نغسل وجيهنا بالمسجد ويوم نكسنا للموتر الامبنشر (واعزي لحالي|8|)
ونراعي للموتر ولامن استبنة ونطق على عمال البنشر لمار تقل مامن عمال بالمحطة
والمهم انه ذالفين والله اعلم وين اراضيهم
ونقعد بالبنشر نردد مواويل آه آه من شيٍ نوجسه حنا يالثلاثة وابوجملا يستدير الياما ركب ددسن مخلفات البنشر ونخش دقمته والله وهي تشتغل|513|
وقم يابو جملا راااااااااااااااااااااااااااااااايح جااااااااااااااااااااااااااااااااااااااي على هالخجما
واما جاي بجلنط ولا رايح يظبط حركة ريوس <---(ياقدمه:D)
وحنا على اوجاعنا تنشطنا وقمنا نصفق .. أحلاااااااااااااااا ابوجملا , ايواااااااااا ابوجملا مع كل روحة ولا جية
وبحدى هكا الروحات انتقم لنا هالعزيز الكريم:D
مادريناالا والددسن تستعرض بالهوا والكفرات وبراميل الزيت بحوضه يبرمن برم بالهوا هنااااااااااا وهنااااااا وأركزي على التندة بالارض وابوجملا طالعن منه يوم هي تبرم ولايرد خشمه الا اكياس الشعير بالمحطة وانتم بكرامة:D

وانصفر لوه شوين ولمار الما بالمسجد قريب غسلنا فرتوه ويوم تنبه الاهو مثلنا بس اليد رايحةٍ وطي
والدبرة يارجال ؟
مشينا على موترنا والله لومابوه كفرات ... مشينا؟ ... يالله مشينا
ونقبل على الديرة مع فجة النور ويوم وزنّا بشركة الكهرب مع مدخل الديرة والا هذولا العساكر مسبطين يتحرون الرايح والجاي|8|
وناقف لنا شوين بلشانين وهم يجوننا والا تقل وجيه عطايا
رخصة واستمارة ووش سالفتكم ؟
ويعطيهم ابوجملا الاستمارة .. والرخصة؟ قال مامعي .. طيب البطاقة؟؟ ... وهو يعطيه صورة دفتر العائلة هالوغاد|513|
وأثباتاتكم ياأخوياوه ؟؟.... ولمار مابنا اللي طلع بطاقة |513|
ويسألوننا عن هاللي بوجيهنا قلنا لهم سالفة فتحة الباب وبس:cool:

قالو يالله آبو اللي انتم سرادوه الحجز قدامنا
وقم يابوجملا وانتفض هكا الانتفاضة ودنّه خليلية|8| <---------- هاذا وهو مديتسنا|8|
وحنا وش ينقصنا ؟ ... ونقوم نتراعا ونجاوب ابوجملا بخليلية|8||8||8|
وابلش بنا يالعسكري
قال لاتشوفكم عيني عقب اليوم واسمك يالسواق عندي ان صار بلاغ ولا شي ترنا جريناك بشوشتك وهالوغادين معك والبارود تخلفو الله به (زمطه ابن التلفس)
وقم كل واحدٍ منا يمسح دموعه ويناشق لوه شوين وقل يابوجملا: يارجاااااااااااال ماعليك ماصار الاالخير (بكل عنترية)
ونكمل طريقنا ونصلح كفرنا (برهن الاستمارة طبعاً)
ونتعافى ياربي لك الحمد عقبه باسبوعين الا النني تحراوه اخوه لمين يطيب ويوم طاب عتنوه هكا العتنة اللي خلتنا نعتبر بوه:D

..........................
قصة حقيقية 90% والعشرة دخل به ساسا:p[/align]

ماعندي وقت ارد مشغووول اليا راسي..

ولا تحاتسيني الا من الربوع وورى :D



الموضوع مثبت الله يثبت علينا العقل :D <<-- عزوز وشلونك :p

صدق اللي قال ان الدراهم مراهم :d

تسان تبي اعاونك على هذاك ترمافي مشكل

[align=center]عزوز |13|
عاونن انا خل عنك مفتاح خخخخخخخخخخخخخ|3|:D

اقتباس:

---

, النني هذا واحدٍ لازعل ثقل لسانه ويقعد يعبّصهن مثل وشـنن نن ننن نن ن وحك

---

ترن شايفوووه قبل ههههههههههههههههههه:D

اقتباس:

---

قلنا والله مهي شينة قال دبرو السلوقي والبارود
ومنييييييييييين منييييييييييين منيييييييييين قال ابوجملا بسسسسسسس النني ماغيره
عند اخوه سلق وبواريد ينطلهن لنا يوم والمهم يطلعهن ولارجعنا للديرة بصفق وماهر هو واخوه

---

اقتباس:

---

ومع مشي الجلد نمنا حنا ياللي ورا من التعب.
يالربع وانا نيم تسن الدنيا صار به زلزال . طع طع هذا قدر يمسح وجهي ,وهذي رضمةٍ تدق سنوني ... العلم اني مدري وش انا عليه ولااقدر احتسي من الوجع

---

تصدز القدور وغطيانهن يحبنك يالعزي ههههههههههههههههه :eek:
ياحبك للعزبه خخخخخخخخخخ;)

وهذي اخرته يارفيدز نن ننن نن ن وحك ههههههههههههههههههه:eek:
7
7
7
عاد يازل البرم خخخخخخخخخخخخخخ|17|
خوش مقناص والقصة مفصله ورهيبه الله ينطيك العافيه ونستنا الله يطول بعمرك
تســـــــــلم وربي ضلوعي يوجعنن من الضحتس تقل اشوف كشرة النني ههههههههههههه:D
|15|[/align]

اقتباس:

---

قالو يالله آبو اللي انتم سرادوه الحجز قدامنا
وقم يابوجملا وانتفض هكا الانتفاضة ودنّه خليلية <---------- هاذا وهو مديتسنا
وحنا وش ينقصنا ؟ ... ونقوم نتراعا ونجاوب ابوجملا بخليلية
وابلش بنا يالعسكري

---

أما هالخليليلة...فكتكم..ولا تساااان تكملون أربعة للربع اللي هنااااا..ههههههه
الغالي..عبد العزيز..
الله لايهينك..إيه هلوووون إدعم الفله بمثل هالتحفة..
***
تحيااااااتي
وسلملي على (أبو جملا)<<<<ياعنك إنه وليدة..وجازلي ..هههههه

هلا ابوغازي
منييييييييييييين بله الحلا
كل ماذكرته أوجعتن فرتي

الشي والله لو انت معنا هكا السنية تقل ابوٍ لنا
عني انك متهلص:D

.............
أبومقرن
ايه بالحيل خوش ولد ابوجملا ماشاءالله . بين عليه
آه لو انت مع العيال يوم هم يقنصون بدون بالمسمى
ثار عليهم وهو يدربل البدوووووووووووون البدووووووووووووووووووون وقم تناول القناصة واجضع الاول وتماكن الثاني واجضعه حوله
ويوم وصلوهن لمار هن حمير وانت بكرامة اللي شطّب روسهن:D

هو لهالحين جايزٍ لك؟:cool:

شاكر تشريفك وتشجيعك يالغالي

اقتباس:

---

اللي مايعرف باللهجة الحايلية نصيحتي له يديور

---

المخرج وينهو معه http://vb.arablocale.net/smile/images/472.gif

مشينا على موترنا والله لومابوه كفرات ... مشينا؟ ... يالله مشينا
ونقبل على الديرة مع فجة النور ويوم وزنّا بشركة الكهرب مع مدخل الديرة والا هذولا العساكر مسبطين يتحرون الرايح والجاي|8|
وناقف لنا شوين بلشانين وهم يجوننا والا تقل وجيه عطايا
رخصة واستمارة ووش سالفتكم ؟
ويعطيهم ابوجملا الاستمارة .. والرخصة؟ قال مامعي .. طيب البطاقة؟؟ ... وهو يعطيه صورة دفتر العائلة هالوغاد|513|
وأثباتاتكم ياأخوياوه ؟؟.... ولمار مابنا اللي طلع بطاقة |513|
ويسألوننا عن هاللي بوجيهنا قلنا لهم سالفة فتحة الباب وبس:cool:

قالو يالله آبو اللي انتم سرادوه الحجز قدامنا
وقم يابوجملا وانتفض هكا الانتفاضة ودنّه خليلية|8| <---------- هاذا وهو مديتسنا|8|
وحنا وش ينقصنا ؟ ... ونقوم نتراعا ونجاوب ابوجملا بخليلية|8||8||8|
وابلش بنا يالعسكري
قال لاتشوفكم عيني عقب اليوم واسمك يالسواق عندي ان صار بلاغ ولا شي ترنا جريناك بشوشتك وهالوغادين معك والبارود تخلفو الله به (زمطه ابن التلفس)
وقم كل واحدٍ منا يمسح دموعه ويناشق لوه شوين وقل يابوجملا: يارجاااااااااااال ماعليك ماصار الاالخير (بكل عنترية)
ونكمل طريقنا ونصلح كفرنا (برهن الاستمارة طبعاً)
ونتعافى ياربي لك الحمد عقبه باسبوعين الا النني تحراوه اخوه لمين يطيب ويوم طاب عتنوه هكا العتنة اللي خلتنا نعتبر بوه:D

اقول عساكم صتدتوا هههههههههههه
اعوز والون بالله ياوالله المقرد بدات بالسلوقي وانتهت بالسياره كع كع كع كع كعك كع
الحمدلله على سلامتكم من البارود ولا انتم وليتوا .

شكراً لك وشكراً لك ايضاء على طرحك هذه المأسات المضحكة
تحياتي لك

أنت يالطّربه

ربّطهن ;;;;;; كخ كخخخخخخخخخخخخ

ماهو تبذّهن علينا كلّهن .. بذ :)
لي عوده بحول الله ابي القط بذبذتك بعدما استرجع ما تنثر من سنوني <<< ياعيني على الفصحي >>> الله لا يضرّن :)


بوح جميل :)

اقتباس:

---

وهو يقعد يزابد علينا شوين وهو يخرط ابوعفرا هكا الخرطة يقول : وصلت رفحا يارجال اتشوف الشوازر وحصل لنا طردي ... وهو يفصل السالفة تفصيل ممل (والقهر اننا نسمع)

---

ههههههههههههه هذا والله اللي مايبحل به ههههههههههههههه

اقتباس:

---

والله ونرتسب الموتر جميع وهو يحط السلوقي قدام وحنا ورا ابن التلفس ويقعد يمتر شوارع حايل شارع شارع يبي يوري روحه الناس

---

افااااااااااااا قدّم السلق عليكم.. ماهي هي :)

اقتباس:

---

ونمسك طريق العش وكل ماسوالفنا سالفة قال اسكتوووووووووووووو واسمعو ووش نسمع ياربي لك الحمد
ابن سعيد ولا بشير شنان ولا استطرب الرجال قال صفقه شباب ونقعد نصفق من ورا خشومنا ... يالربع حتى السلوقي كل شوين يلتفت لنا ناقد

---

ههههههههههههههههه لا اجل معوه حق يوم حط السلوقي قدااام :)

اقتباس:

---

وتطول الطردة قال ابوعفرا عندكم له بالشوزر... وكل مااقبلنا عليه اعترض بالجيب وثار الطلق
واعرضوه بهكا المرة وارم يابوجملا الا معالم وجهه منتثرة بمتسان الرجلين بالموتر
أثريه مع الحماس حط عتسب البارود قبال فرتوه واطلق الا هي لوه

---

عزالله انه المقرووووووود.. هذا مثل رفيدز ( ابوفيصل) اللي رما بالبارود يامار هو شاقن ( تندة الجيب) ;) :)
هههههههههههههههه ان تخبر اكالسويلفه؟;)

اقتباس:

---

النني( المسكين خاطٍ 5 امتار بوجهه الارض )

---

وجهن يستااااهل :)
<<-- مادري وش بلاي عليه..بس احس انه بثر :)

اقتباس:

---

قال لاتشوفكم عيني عقب اليوم واسمك يالسواق عندي ان صار بلاغ ولا شي ترنا جريناك بشوشتك وهالوغادين معك والبارود تخلفو الله به (زمطه ابن التلفس)

---

الا وش معنى التفلس؟؟ |513|

اقتباس:

---

قصة حقيقية 90% والعشرة دخل به ساسا

---

وهالساسا وين بالضبط باي جزء من السالفه

<<-- اهم شي عنده ان طيحة النني ماهي من الملح :)







داري انه جرالك من المشاكل والكسافه ماالله به عليــــم
مار هاتهن بهاااه بسرعه وتعوذ من الشيطان الرجيـــــــم :)

تستاهيل وكمان برضوة تستاهيل

ياما نصحتاك لاكين مبتطعنيش امال التور اللي في الزريبية مالوة

مش اولتيلاك اؤنص علية داة تمان سيليندار ياقدع

معليش ملحؤاة

لما بأولاك حاقية تاني مرية اباء طيع شوري

أم قرينات
أنا المؤلف والمنتج والمخرج بعد نعم آمري:)

متفائل
ماصدنا الاالكوبة |8|
وش نصيد يارجال وحنا وجيه صيد وهاذي دبرتنا

الله يخلي لي هالطلة يالطربة

مهراس الاياملا اللي ... لانكست لي معك شغل

مفتاح
هو بثر وبسسسسسسسس
نتيفةٍ طول اصبعي الصغيرة وماهنا اشين من نفسوه
والمسكين الى يومك خشمه منعفج من هالمفحط:)
آه لو انت بداله
اما التفلس هاذي غلطة مطبعية والصحيح التلفس ولاتسألن عن معناه رحم الله والديك:cool:

ساهر الليل
واجلينن عندك يوم اني اقنص على ثور يهالثور الادرع:)
عوذا منك ومن شورك يهالمصري

اقتباس:

---

بصفق وماهر هو واخوه

---

هههههههههههههه
هذي مثل اللي يقول اثنين في واحد :eek:
عزوز
اخبرهم يقولون بصقر وماهر
بصفق هو واخوه خخخخخخخ

اقتباس:

---

مااااااشاءالله يابوعفرا متى انت شاريه؟؟
يتعنفص ويطلع ابوبس من مخباه ويطقه من تحت
والا الزقارة ناقزة ,يحطه بيده (ولايولعه) ويرد بثقلللل :
والله اليوم يابعد حيي طلعتووووه
هه وتتن يابوعفرا:eek:

---

هههههههههآآآآيي
والله ان عدي اشوفه هو وخشمه
وزين اللي عطاكم وجه احمدو ربكم..
الغالي.....
عندي سالفة زقرت قنصوا ولهم مواقف ماسااااويه
ولكنها بنفس الوقت مواقف طريفه،،،
لي عودة اتفطن للسالفة زين وانكس لك :)

تحياتي

دق الريوس باسرع ووقت وصفق وماهر هاذي اللي اسمعه من الشيبان .. عاد صفق وماهر ولا صقر وماهر ماتفرق ..عديها:)