[align=center]على ماعتقد اني وقفت يوم نمنا الساعه 10 الصبح يوم الخميس
وقمت الساعه وحده ونص الظهر والى هالفتره مادري وش اللي صار
بس اخونا بشير اللويش يبي يعلمنا وهو تعهد بهالشي
وانا مثل ماتعرفووون عندي ذمه ولا اقدر اظلم احد ولابي احط شين بذمتي
( ياعمري يالاخلاق النبيله )
الوكااااد ويوم قمت الساعه وحده ونص وانا اركض للخيمه ( المجلس ) قبل اغسل
وجهي ( مابي شي يفوتن )
وليا والله هكا الشويب اللي دزدامي وعندوه واحدن منصف بالعمر
قالوا الشباب هذا خلف الرويتع ( الشيبه ) وسنجاااار ( المووووسط )
الوكاد قاموا يعلقون علي شوين وانا ساكت ( يحسبوني محترم ) وانا اقول هين
الوعد بالمضايف انما فضحتكم ما اكون شبيثاااااان .
مالكم بالطويله الربع بغوا يتقاضبون الشوش بسبت فتوا بالجمع والقصر
والاطراف المتنازعه هم ابو فارس وشمالي وفيصل اللويش وابو سلطاااان وعايش العنزي
وخلف الرويتع وسنجاااار الوكااااااد طلعوا كلهم غلط ( طلع ديننا وسط الله يستر )
وعقب هاللجه والغداء قام نوارة المخيم فيصل اللويش وقال يالله يا شباب نبي نركب
الدبابات وهم يتقامزون كلهم ( لا يغرونكم ويقول احد اني مارحت معهم تروهم كلهم ركبوا )
ويوم وصلوا الدبابات وهو يقمز فيصل اللويش قال والله ماركب ليما يركب شبيثاااان معي
( هو لو هو سالمن منوه لوه رزق الطير ) وهو ينقز شبيثااان معوه واول مامشوا وهم
يصدمون سيااااارة الغثه وهم يتكومون هم ودبابهم ويالله ياخذونوه نوبتن اخرى ( بغى يعيي
الزووووووووول )ويوم رتسبوا وهو يمر من عندهم اليم يفحط قال فيصل نبي نسوي مثلوه
واول مافره وهم يتكومون هم ودبابهم نوبتن اخرى بس هالمره حصل لهم دقشااااات
وخصوصا فيصل اللي يوم فهت الغبره ليمار للحين يتدربا اما الشبث لوه ونين
والربع قالوا هذا ماااات ويوم جوه ليمار يقول ( حسبي الله عليك يافيصل اللويش انا من يوم
شفتك وانا حاس ان نهايتي على يدك )
الوكااااد ركبو وراحوا كلهم للمخيم وصار فيها تفحيط ونجش ( تسحت ) .
ومن المواقف الطريفه بهاللحظات موقف اخونا الوبير يوم تجشم الشبك ويالله يخلصونوه منوه
وموقف سرحااااان بيك يوم جاء يبي يصدم اليم وهو يتكوم هو ودبابه
والاخ عايش العنزي بعد جاء يبي يتفنن وتسني مامثلي وهو يتعلق بالمنقل ( العيال حاطينه
قائم للمرمى )وهم يفزعون ويخلصونوه واشوا ان الحارس بهكا الحظه مهو بالقوووول
ولا تسان علوووووووووووووووووووووووووووووووم .
الوكاد ان الربع حولوا للكوره عقب الدبابات وتم تقسيم فريقين
الفريق الاول محارش ( صخرة الدفاع ) والغازي ( ياعمري يالدعيع ) والكاسب (هداف الفريق )
شنقل ( دايم مطرررررف على الاكتاف ) الشبث ( مهو يمهن يدوج بالملعب ولا يدري وين الله حاطوه )
بركات الشمري ( صانع اللعب وصاحب المهاره العاليه )
اما الفريق الثاني خلف الرويتع ( يالله حسن الخاتمه لعب اربع ثواني بس وجاه شد عضلي )
سلمان النبهان ( صخرة الدفااااع واللاعب العنيف والمقرود اللي يمر من عندوه ) ابو سلطااان
(انا اول مره اشوف دفااااع وعليه لمسات فنيه عاليه ) سنجار ( خذالوه شوين وطلع مجامله
ومسانده لخلف الرويتع ) سرحاااان ( هاللاعب عجست اعرف مرجزوه نوبن قدام ونوبن ورا
والله يالربع اني عجست لا ابرق بوه ) قاسي الباس ( احلا يالاشدف وصاحب القطاااات القنان
وصاحب مهاره عاليه بس الوزن لك عليه ) فيصل اللويش ( نجم النجووووم بدون منازع وليا منوه
مسك الكوره مايطلدزه الا بكفيل ) اخو سعدى ( مهندز الوسط ويوزع الكوره نوبن يمين ونوبن
يسااااار بس اربثبوه الكاسب طير شلوا ) الاصمعي ( المحور الدفااااعي للفريق ولا تاخذ منوه الكوره
وانت تعرف الناس قولوا ماشاء الله ) الوكاد ان هالفريق لعب معضم فترات المباراة بدون حارس
مرمى ومعتمدين على فزعه من هنا ولا من هنااااااااااك .
نجي عاااد لحكم المباراة الحكم الدولي الاخ فهد المويهي ( واهني اللي ماشافك ) تسيف
ماشيف الا في بداية المباراة وغيره ماذكر لوه اثر ( لاذ بالفرار )
ويوم قبست في منتصف الشوط قالوا وين الحكم ويوم راعوا ليمار يلعب بالدبابات
( بس الشرهه مو عليه على اللي حط الثقه فيه وخلاه يحكم وهو نفسه بالدبابات )
الوكااااد انتهت المباراة بكارثه انسانيه وهي سقوط اغلب اللاعبين على ارض الملعب
بسبب الشد العضلي دون معين ولا مساعد ( لين فك الشد لحالوه ).
وعقب هالمباراة راحوا الشباب يغسلون ويتنظفون ويستعدون لصلاة المغرب
وانا بعد ابروح هالحين واخليكم تتخيلون المباراة
اما الدبابات فابيكم تشوفون هالصور اللي حدر
http://www.shmmr.net/upload/up/up/dabbab01.jpg
http://www.shmmr.net/upload/up/up/dabbab02.jpg
http://www.shmmr.net/upload/up/up/dabbab03.jpg
http://www.shmmr.net/upload/up/up/dabbab04.jpg
http://www.shmmr.net/upload/up/up/dabbab05.jpg
http://www.shmmr.net/upload/up/up/dabbab06.jpg
http://www.shmmr.net/upload/up/up/dabbab07.jpg
http://www.shmmr.net/upload/up/up/dabbab08.jpg
http://www.shmmr.net/upload/up/up/dabbab09.jpg
http://www.shmmr.net/upload/up/up/dabbab10.jpg
ومهو بس كذا
انتظروا الجزء القادم قريبا ( السامري والعرضه والخطبه هههههههه )
وتقلدوا تحية اخوكم ومراسلكم الشبث[/align]
