[poem=font="Arial,6,burlywood,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحب والكره
الكره جرح ٍ والمحبه علاجه = واللي يحب مره ولاعاد يكره
والرجل تمشي كان للقلب حاجه = والعمر مهما طال تاليه سكره
والمؤمن الاسلام فلة حجاجه = ماهمه الشيطان لو سل مكره
والكافره روحه تخاف المواجه = متشتت ٍ بين الهواجيس فكره
المؤمن السلطان والدين تاجه = ياكثر حساده ليا حل ذكره
والكسر يجبر كان ماهو زجاجه = واليوم يشكي من نهاره لبكره
بين الركود لخافقي وارتجاجه = للزله ابليس ٍ تربص بوكره
أثر الجسم ظلمه وقلبي سراجه = واثر البصر يستاهل ان ( غض ) شكره
ماكل من مر أزرق القلب هاجه = ولاكل فكره تقدر تشيل فكره
ماكل جرح ٍ بالمحبه علاجه = ولاكل منهو حب ماعاد يكره
فيصل اللويش[/poem]
