روحي بحايل ما تفارق جبلها ....
[align=center]سامرية بحايل ...[/align]
[poem=font="Simplified Arabic,5,blue,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]
روحـي بحايل ما تفارق جبلها = حبي لها عيـّا على كل الأوصاف
افـرش حصاها واتوسّـد سهلها = وارقـد بحضن جبال سلمـى ولا اخاف
اسمح واراضيها واداري زعلها = واشتاق له شوق الطنايا للأضياف
او شوق سمر جبال حايل لاهلها =جاوزت من حبي لها حد الإسـراف
عينـي بإجاء ماتسمع اللي عذلها= وخشـوم سلمى مثل شذرات الأسياف
قصة غرام تراب حايل نقلها = تحكي على التالين من ماض الأسلاف
اجاء تهضّم عبـرته وإحتملها = ولا هي بعادة عبـرت الحـر تنشاف
وحـوّل على سمر الجبال ونزلها = عن دار ذلٍ عقب ما شاف ما عاف
سلمـى تغنـي له قصايـد غـزلها=على الـوفاء والود وسلوم الأشراف
وحاتـــم زرع عـود الصخى في جبلها = واوقـد بشامخ ضلعها نارالأضياف
وعنتر على عبله كتابه عقلها = شحوا عليه عيال سلمى بالإنكاف
داربها الشلقان صاغوا مثلها = خويهم شالوه من فوق الأكتاف
وقصـة معشي الذيب محد جهلها = يا من يعد الذيب من عـرض الأضياف
وراع اللبـون اللي علينا نزلها = ترعى لبونه بالقـريه والأرياف
ما لوم من روحه لحايل بذلها = وارخص لها قلب من الود ينلاف [/poem]
[align=center]وسـلامتكــــــم ...[/align]
