": يــانيـــــّة الخير..عيّـــنتي عبــــاتي!!:"؟؟
[align=center]نيّة الخير..قد تنقلب وتصبح شؤماً على من قام بها..وذلك حينما يقصر إدراك أو فهم من تودّ أن تسدي له جميلا..أو تصنع له معروفا.. عما تريد القيام به..أو حينما تكون تلك النية (راداراً ) تقوم أنت بتشغيله على أن ماتقوم به هو جزء من المسؤلية التي أُنيطت بك.. في نفس الوقت الذي يراه غيرك ممن تسبب له نيتك الطيبة الكثير من المتاعب..:148r::148r:
بلاءً لابد من دفعه..ومتمرداً لابد من ردعه..!
من تلك المواقف:
1-يقول واحد من الشباب كنّا في سلاح الحدود..ومجتمعين بعد المغرب بحوش المركز..والليّ مستلم الخفارة على الباب مرّة يجي يجلس عندنا..ومرّة يلزم الباب..
يقول: خذينا شوي..يا ولله لا هو عندنا..ولا هو عند الباب..استغربنا وين راح الرجال؟!:confused:
ما من بطا.. ياهو جاي.ن. يكبع ويصيح..يقول: قمنا..وش فيه؟ وش بلاك؟:135r:
قال: وش الليّ ما بلاي..! لقيت لي مصيبة.ن. بالنثيلة الليّ شرقي المركز..قوارير خمر.ن.مدفونات
وطول رقبة الوحدة منهن..طول رقبة (.........)<<<واحد.ن.من الحاضرين تقل رقبة زرافة<<على ذمة الراوي..وأخبر ذمتووه وسيعة الله يجزاه بالخير:)
يقول: قلنا: وين هن..؟إمش خلنا نشوفهن!
خذانا الرجال يوم جينا يا ولله صادز..وعلى ماذكر..وبالمتسين الليّ يقول!!!
يقول بسرعة وهو يخطف الجهاز..ويراسل الضابط المستلم هكالليلة..ويعلموه بالسالفة..ويشرح لوه القضية بحذافيره..<<<أيضا على ذمة الوليد السابق ذكروه آنفاً:cool:
يقول(نفس الرجال الليّ لقى القوارير)..استغربت من رد الضابط..!وقال: لا تجي شيء :232r:.. ولاتلمس ولا قارورة..دقايق وأنا عندك..وحسيت إني مثل الليّ حرثت عن مذبحه!!!!!:150r::112r:
يقول:جاء الضابط: وعلى طول يفتح تحقيق مع الرجال الليّ لقاهن..
وش موديك هناك؟؟إنت مسؤليتك الباب ولا ّ تنبش بهالنثايل؟؟وليش؟ وليش؟
الرجال خوينا..(أكل..تبن)- محشوم.ن.من يقرأ- مايدري وش يقول!:135r::frown:
وجميع ما عرض من مبررات بين يدي الضابط مصيرها الرفض والتعنيف..
المهم: توّقف الرجال..ويجيبون من الواسطات..ويا لله تنتهي القضية..بتعهدات.ن.سبقه حب خشوم:448r:
أثري: القوارير الليّ حصّل خوينا..قوارير.ن. للضابط وبعض الأفراد من الفرقة الثانية هم الليّ داسينهن ويسكرون هم والضابط إذا استلمت فرقتهم...
وخوينااااا..على نيتوه..مادري إنهن للضويبط اللعين!!وتلك الفئة الخاثرة..!:315r:
- - - - -
2-من مواقف العسكر أيضا..وانقلاب نية الخير..
يقول واحد:كنت مستلم على المدخل الشمالي للبلد..وعلى غفلة ..وبدون سابق إنذار
ويزهم علي الضابط :257r:بالجهاز..قال: يالدورية المستلمة منطقة مدخل البلد..فيه راعي مرسيدس متجاوز السرعة المحددة..وقفوه وأعطوه مخالفة وشوفوا وضعه..
يقول: قلت: عُلِمْ..وفعلا يامارهذي (الزلمكة) اللي هو يذكر بين السماء والوطا.أوقفت صاحب السيارة..
ياهذا المصري دكتور الأسنان اللي بالمستوصف اللي بجنب البيت..وكل ما هذا إجيه ..وضروس الوالد(الله يرحموه) تم اجتثاثهن على يديه المباركتين وبيننا معرفة.ن.ماهي بسيطة..وهو يحول المصري:
أهلين ..ياسعادة الباشا..أيه يا أستاز(أستاذ)..حصل حاقة(حاجة)..؟؟
يقول: قلت:أبد ..سلامتك.. بس شفتك وحبيت أسلم عليك وآخذ أخبارك وبغيت أقول لك:
ترك مسرع ولو سمحت خفف السرعة..وأنا أنصحه ماعندي نية إني أكتب عليه مخالفة أوحتى إعيقوه
وهو يزهم الضابط:police:: هاه وش صار على الرجال....؟؟
يقول(بزعمي أبي أنفعه وفازع.ن.معوه) :قلت: أيه هذا الدكيتير حقنا..والمسيكين مامعوه نور ..ومستغل إن الشارع فاضي..يبي يدخل منطقة النور..ويــ....
يقول:ماكملت حتسيي..ولاّ هو قاطع.ن.واردي من قبل أمس..
وكان ضابط.ن.حجازي ..قال: خلاص يابويه أدّيه بدل المخالفة مخالفتين مخالفة نور ومخالفة سرعة..:mad:
والليلة المخالفتين تدخل الحاسب الآلي!!
يقول: أنا إنفشلت..والمصري قام لوه لعلعلة:pullhair:..ولسان حالوه يقول:ليتن سلمت من فزعتك ياشيخ!:lol::lol:
- - - - -
3-رجل (دمثة رحمان) أو كما يقال: (دابة.ن.سليمة)..يقول وقفت جنب محل على طلعة ليا مار السيارة الليّ بجنبي تبي تدحدر وعلى وشك الانصلاقة..وترجع ورى دقة..دقة..يعني معشقة.ن.على
نص نمرة!<<<كنت أبي أنشدوه لياقضت السالفة وشلون(نص نمرة) بس أُنسيت..!!:nerd:
المهم..أخونا وانطلاقا من دافع (الفزعة) ركب بالسيارة يبي يشوف وش وضعه..! يقول ما أمدانن ركبت إلا وراعيه على راسي..يقول: قال: لا يالخاسي..سرقة عيان بيان..جابك الله وأنا لك وأنا أخو فلانة!:gun2:
يقول: قلت: يا بن الحلال..عيّن خير..هذا وجه واحد.ن. نطول..وبعدين سيارتي أحسن من سيارتك يعني أنا ولد نعمة..ولا ترد نفسي على قرنبعك!!:clap::clap:
يقول:قال: وتنكت بعد..وهو الليّ يرتسب راسوه..مافيه إلا يبلغ الشرطة..:police:
يا بن الأجواد..والله العلي العظيم إني ما قصدت إلا الخير..الثمرة..
يقول بعد ما نشف ريقي و إندبلت تسبدي وشرشحن دزدام الرايح والجاي..وتدخل بعض الوجيه الفليحة من المارة..ولاّ بعضهم..يقولون لاتطلقوه إلا عند الشرطة<<<عساهم بالطلق اللي يجيهم جميع
تقل إقتنع..وهداه الله..وإنحلت القضية بستر<<<أي ستر وهو يتلتلوه يبي يوديه الشرطة!!:punk::g:
..ومن هالسويلفة يقول حرّمت الفزعة وتبت عن نية الخير!
ولو أشوف أبوي زاخينوه لوه ثنين.ن.مع هالشارع ماأقول وين إنتم داوين.ن. بووووه! :mf_wink::sleep1:
ولو أشوف نية الخير متوجهة.ن.يمّ مطلع الشمس..قضبت أنا جهة مغيبه..:smoke::boxed:[/align]
