الشبث ومردخاي والعصور القديمه
[align=center]حدني عمي راعي الوقيد واخوي المخاوي يوم قالوا انهم يبون مني موضوع
وانا عاد ماوي لروحي الله يجيركم
وانا اكرب روحي حما حيلي
وانا اقوم افكر باللي اكتبوه
قلت ياولد يا شبث خذ عمرك ورح للبر عشان تفكر بالموضوع
وانا اخذ تريمس شاي وفرشتي
ويوم جيت البر ونزلت وزينت الفرشه
قلت ياولد مابدهاش قم تمش سو نفسك من هامثقفين
عشان يجيك التفكير
وانا اقوم اتمشى حول فريشي
ويوم راعيت ليمار هكا البريدز الغريب قلت ياولد خذوه تحربثبوه
ويم جلست على الفرشه وهو يطري علي البريدز السحري اللي بافلام كرتون اللي يحكونوه
ويطلعلهم ابو الشباب اللي يخدمهم
قلت انا ليه ما افركوه
ويوم فركتوه وهو يطلع هكا الهامه قلت بسم الله انت وشو قال انا خادمك مردخاي
قلت وش تبي قال انا ابوديك الى اي مكان تبيه
قلت ماني رايح قال اوديك رحلات سياحيه قلت ماحد طلب منك
وبعدين مامعي جواز قال مايحتاج جواز
قلت انا ما اسافر لحالي
قال انا معك
قلت البلا انك معي انا لو اسلم منك لي رزق الطير
قال شف انا ابوديك رحله غريبه
قلت ياعلك ماتفيد وين تبي تقلعن
قال انا ابوديك للعصور القديمه
قلت ياعاصرتك تريله تبي تغيب شمسي
قال انت ماعليك خاوني وتبي تستانس
وابوديك اي عصر قديم ودك تجيه
قلت يالله مشينا
قال انت اي عصر تبي ؟
قلت انا ابعصر وجهك قم اخلص علي ( ابو الشباب قط الميانه وقام يتقهوا )
قال يالله غمض ويوم فتحت عيوني ليمار عند هالناس القديمين
واراعي ليمار حرب وضرب
قلت مردخاي ياعلك ماتجيب الفود انت قلللت عليك العصور والاوادم الا هاللي يتذابحون
قال تعال خلنا نشوفهم ( الولد ماشاء الله عليه اخر وناسه )
الوكاد وحنا نقرب لهم ليمار واحد منهم صويب ولوه ونين
وانا اجيه قلت سلمات يابو الشباب عسى ماخلاف
قال ماذا تقول يا فتى ؟
قلت فتى بعينك ماتشوف هالطول وهالعرض
قال اني مصاب
قلت منهو اللي صوبك
قال انه الزير سالم
وانا اقوم ارتعد
قلت وينهو الزير سالم ؟
قال ذاك هو
قلت ايهم فيه واحد طارح واحد مطروح ؟
قال انه الطارح ثكلتك امك
قلت لا تغلط يامنا الماحي اللي يمحاك
وانا اروح للزير قلت بالخير يهالولد
وهو يعطيني نظره قال خذوا هذا الصعلوك من امامي
وهم يجون ربعوه يبون ياخذوني
قلت اقهرك بالله اصبر شوين يافلان قال ماذا تريد
اذا كنت تريد الصلح فلن اقبل
قلت اي صلح الله يهداك انت حيلك بهم
قال اذا ماذا تريد ؟
قلت بس ابي اخذ معك صوره ولا ابي توقيعك اذا سمحت
قال اغرب عن وجهي ياهذا
قلت امرك بس ترى الحلقه الاخيره شفته ياويلك من ابن عباد وانا علمتك
وهو يسحب سيفوه
وانا اهرب انا والغبر مردخاي
وتتابعون في الجزء القادم مسيارنا على عنتر بن شداد
ويوم واجهنا جنكيز خان
وعذرا على الاطاله
وتقلدوا تحيتي[/align]
