^^ مــفتـــــاحيـّـــــــــــــــــــــــات ^^
[align=center]
قبل نبدأ..
/////////......................................................................../////////
هذا الموضوع اهداء الى كل من بخاطره شي علينا.. وسااامحوووووووووونا
/////////........................................................................//////////
(((( بشـــــــار ))))
ماذنب شلتن تعقدوا من عاملن.. باستراحتهم اسمه بشّار ..؟؟
ذات مساء وعندما وصلت سيارة المطعم لتوصيل الطلب..فزّ صديقنا له وخرج ليستقبل العشاء بنفسه ومن زود شفقته على العشاء ( او شفاحته لاندري:) ) فقد طلب من
(بشار) ان يستريح ويقوم هو بالمهمه شخصيا !!
دخل علينا ولعابه يكاد يلامس الارض لولا انه سحبه ببراعته المعهوده:) وشفطه ايما شفطه لدرجة ان احد الجالسين علق بخبث على المنظر قائلا: ياربي حتى هالسعبول غامضوه مايبيه يقع بالقاع:) )
قهقه الحاضرون وفسروا عن ذرعانهم وقاموا بتجهيز السفره بانفسهم..والهندي مازال جالسا يرقب مايحدث عن كثب ولكن كتوف احد المتعافين حجبت منظر الوجبه الدسمه عن عيون بشار فاراد ان يمتع عينيه بها فكر بطريقة للاقتراب ولكن يبدو ان غباءه المستفحل لم يمكنه من التوصل لحل..وبينما هو كذلك فاذا باحدهم يصرخ (بشااااااااار وين الببسي؟؟) فقام على حيله مرعوبا وفرحانا بنفس الوقت ..اقترب منهم -وهو يرمق الدجيجات رمقا اقشرا- وقال: مافي معلوم!!..فصرخ في وجهه اخر قائلا: (يالله رح للسوبر ماركت جب لنا 3 ببسي واثنين بيبسي (دايت) ) .. اخذ خمس ريال ولوّح على سيكله واطلق كفراته للريح..وماهي الا ثواني وقد لوّذ عليهم تلويذة واحدن يطردونه الجوازات ..ومن سرعته كاد ان يرثع بهم هم وعشاهم ولكن الله لطف :) .. نزل من على ملويّه وجاء يدودل كيسه فخطفه احد المطفوقين واخرج مابه فوجد 3 ببسي و..
.
.
.
اثنين (تايد)!!!! :):)
************
((((الحتسي بالتفطن))))
عرفته انسان اخلاق وحبوب..تقول له نكته يقول لك عشر:) تسطره يضحك :) تسرق جواله.. يروح يشتري جديد ..طيب القلب لدرجة انه ما يجي بباله انه انت اللي سرقته حتى لو انك اخذته من قدامه :)..
ولكن الزين مايكمل بوه عويب فهو الله يسبع عدوّه بوه الشطفه..فقد يجحد سالفتك وانت تتفرج:mad: ويدخل بسالفتن ابعد ماتكون عن سالفتك.. ومع هذا فعندما اشوفه جازم على الجحده فاني احاول ان اجد له عذر ولو من باب( الحتسي بالتفطن ).. ولكن الشي اللي ما اتحمله منوه ولا يمكن ان يمر مرور الكرام هو ان يشطف سالفتي ويبدا يغني (حبيتك تا نسيت النوم) معتقدا ان كل من ردد اغاني فيروز اصبح من هواة الطرب الاصيييل..حينها لا املك الا ان اصفقه باكبر ماعندي هو والطرب الاصيييل والا وش تبوني اسوي مع هالهبيييل :)
**************
(((( تكراااار))))
يبدوا ان بعضهم لايمل من تكرار سوالفه على نفس الاشخاص..ولايحس بان ذلك هو قمّة المصاله والبثاره..مما يشعر الذين حوله بالملل منه ومن سوالفه..وربما ينعتونه بلقب لا يحبه ولايشرفه أن يحمله وهو (المغبّر)..
في احد المرات وباحد سوالفه المكرره كان يقول: تصدقون انا من عادتي اذا كنت مسافر للخارج..ما ادق الا على امي)..
فما كان من أحد الجالسين بجانبه الا ان خزه بعينن قشرا بعد ان ضاق ذرعا وقال متهكماً : (وش صايرتن عاد امك ام القرى؟؟!!) :):)
***************
((((تقليد أعمى ))))
اتصل علي واحد من الشباب يقول: مادريت باللي صار لابو سعد؟؟
قلت وأنا على اعصابي: لااا وششش صااااااااااير؟؟
قال: تراه منوّم بالمستشفى ..:(
ولأني اخلاق وقلبي على كل الناس ماشاء الله علي فقد انتفضت انتفاضتن نصفه يكفي وصفقت البريدز ياهو <<( أو بريد ياهو :) ) .. المهم ياهو بحضن رفيدزي.. المشكله الشاهي حااار :)
قلت :باي مستشفى بالله؟
قال... الصراحه ماقال الا تناول غطاء البريّدز ياهو لي بين الكتوف..بعد أن تغانمت روحي وولّيت هارباً :)
انتظرت كم ساعه ماقدرت اصبر..
ويوم هقيت ان مفعول الحراره خف:) اقتربت منه ثاني وقلت بصوت واحدن حاس بالذنب: بالله هو باي مستشفى؟ وليه وش صايرن معه؟؟
قال ابد تخبر خوينا كل يوم وهو بهالملعب يطرّد الكوره.. وجته اصابه يوم جاء يبي يطبّق حركة رونالدينهو..هذي كل السالفه!!
http://shmmr.net/upload/up/up/Ron.jpg
الحركه المذكوره..واللي سببت لابو سعد انزلاق غضروفي :)
***************
((((الحلال ))))
قلت مساييره.. وصار مايجي مثل أول.. وحتى الجوال بعض المرات مايرد عليه..واذا قابله احد وساله عن هالغيبه..قام يتعذّر بالحلال وانه مايقدر يخلّي الغنم ومشغول ليل نهار بهن..
كل مايجي طاريه نتعزّز له وندعيله.. الا واحد منّا اذا سمعنا نتعزز له ضحك:)
استغربنا من هالضحكه اللي يبدو انه تخفي وراه سرّ غامض!!!!
وبعد الحاحنا عليه بالسؤال( عزالله بالالحاح خذ من عيال:) ).. قال:
يالربع وانتم مصدقين عاااد؟؟ <<- مفضّح:)
الرجال متزوج زواج مسيار..أما الحلال مامن حلال.. هن عنزين ومايتكالمن !! :)
**************
(((( صح اذنك))))
الاجنبي.. وخاصة الهندي ..قد يكون من مفاتيح البهجه والترويح عن النفس (تروني كاتبن هالجمله وأنا واقف .. احس اني بحديقه:) ).. وذلك متى ماحاولت التواضع لهم وتبادلت معهم اطراف الحديث (أو اطراف الفلفل) لا فرق :)...وقد يكون من مفاتيح النكد ورفع الضغط والسكر وسعر البنزين.. واللي حنا بغنى عنهن..;)
الرابط التالي مثال على النوع الاول..لايفووووتكم ;)
ملاحظه/ امتداد الملف 3gp.. لأنه مصور بكاميرا جوال..وماقدرت احصل برنامج يحوّله الى صيغه ثانيه(وما اظنه موجود:( )..
لكن تقدرون تشوفونه بعد ماتنزلون البرنامج التالي (حجمه 8 ميقا بس :) )
واللي عنده برنامج ريل بلاير النسخه الذهبيه 10 المحدثه تكفي..
رابط فيديو الهندي:
http://shmmr.net/upload/up/up/Hindi.3gp
رابط البرنامج اللي يشغل الملف:
http://soft.vip600.com/modules.php?n...getit&lid=4001
مع أجمل تحيه
[/align]
