[ ترى الخطأ .. وآرد !! ] مصافحة أولى ...
[ALIGN=CENTER]الإهـــداء إلى : عموم أعضاء ومشرفي وزواّر ـ شبكة شمّر ـ
و اخص ( مضايف شمّر )
ــــ ولمن قرأ هذا الإهداء ـــــ
بهذه القصيدة ـ المصافحة الأولى لي من خلال ومع منتداكم الموّقر
برجاء أن تحوز على بعض أستحسانكم ......[/ALIGN]
[ALIGN=CENTER] [ ترى الخطأ .. وآرد !! ] [/ALIGN]
[poet font="Simplified Arabic,5,orange,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=sp length=0 char="" num="0,black" filter=""]
البارحه ما فازت العين بنعاس=محرومةٍ والنوم من حجرها طار
ما كنّي الأّ في دجا الليل حرّاس=مجبور والمجبور .. وشلون يختار
على الذي حبّه .. نبَت نبْت غراّس=في مهجتي وأثمر بلا مزن وأمطار
اللّي زها زينه بلا حدْ وقياس=واضفى على معاجم الزين قنطار
بياض نحره يجهر عقود الألماس=وفي وجنته صبغه من ورود وأزهار
وحمرة شفاته والجدايل من الراس=لين الردايف كنّها الأّ له أستار
مدعوج فيه الملح والعود مياّس=اقفى وخلاّ صاحي الفكر محتار
لا نوم .. لا راحه وفي القلب هوجاس=كنّ الحشا من فرْقتّه تشتعل نار
ذكراه تفزعني مثل قرع الأجراس=و لامن ذكرته سلوتي منْه تنهار
ساعة قريت اللّي كتَبْ لي بقرطاس=اتلا العهد .. يوم الوعد عمدْ واجهار
قال انتهينا لا تضايق وتحتاس=واختم مراسيم المْفارق بمزمار
البعد نقطع به رجا كل بلاس=ونحطْ بعيون الحساسيد مسمار
ليته درى بأنّه قطعني عن الناس=لا علم يآتيني ولا موجز اخبار
صرح الغلا حوّل ابكْبره ليا السْاس=يوم اعتمد هجره .. وصار الذي صار
وأمسيت اردّدْ بالخفا قول لا باس=لا باس يا خلٍ عرفناك بواّر
وأن ضاق صدري بحْتسب جر الأنفاس=ما ضاق حقٍ عند علام الأسرار
ولا تعتقد فـْ اللّي حواليك جلاّس=تفرح بضحك السنْ وتقول زوُاّر
ترى الخطا .. وآرد ولا هوب مقياس=والأّ الخطيّه تسبق الظلم بأصرار
هبّت على الغتره ذعاذيع نسنْاس=وهيّض ضميري قبل يبْدي لي أنذار
ومشاعري من قلب مرْهف وحساّس=ترجتمها يومٍ لقا القاف معْبار
[/poet]
رد : [ ترى الخطأ .. وآرد !! ] مصافحة أولى ...
[align=center]فيصل اللويش
المهلي باقي طال عمرك
صح الله بدنك
وهذا من ذوقك
وتحلق خير أن شاء الله
كل التحايا لا عدمتك ،،،
عبدالله فهد الخالدي[/align]
