من يريد ان يصبح شاعرا حقيقيا او كاتبا للخواطر فليدخل دون استئذان !
[ALIGN=CENTER]
قوه يالربع
اللي يبي يصير شاعر حقيقي ماعليه الا ان يمقل عيونه
لان الشعر ذكاء وسعة مدارك قبل ان يكون فن
اللي يحس ان عنده موهبه بس موراضيه تطلع او يريد ان يصقل موهبته برضو يمقل عيونه
اللي معتقد انه شاعر حقيقي فلا يكذب على نفسه برضو يتابع حتي ينمي موهبته ويلحقها بمن سبقوه
شكلي طولت عليكم يالربع
الدرس الاول
اولا :-
ماراح اكون غلس صدقوني ماعليك الا ان تدور لك شاعر ايا كان وتكتب خمس من ابياته او مقاطع من خاطرته بورقه خارجيه بخط يدك
وتتفنن في كتابتها والكلمه اللي تعجبك في قصيدته كررها اربع مرات بعد الانتهاء من الكتابه
واحفظ الورقه معك
واقرأ ماكتبته كل نص ساعه وتفنن في القراءه
واذا احسست بأنك اندمجت اجلس لوحدك وهات براد الشاهي وعشر ورقات تسألون ليش عشر اوراق لانك تبي تكثر التشقيق وتربح من وراك المكاتب هااليومين لكن ماعليه سوف تتعود
وبعد ان تجلس اصرخ بصوت عالي انا شاعر واحس انني استطيع الكتابه ومافيه احد احسن من احد ومافيه انسان خلق متعلم
واكتب اي شي موزون غير موزون المهم ان تكون جمل مفيده بالابيات
وقطع من الاوراق ماشئت واذا افلست كلمني راح اساعدك واشتريلك اوراق
المهم اكتب وبعد ماتكتب بيت او بيتين ايا كانت اعرضها هنا ونتناقش انا وانت حتى نظبطها
ماعليك راح نظبطها
انتظركم
وترى الكلام للجنسين
اخوكم000 فيصل اللويش[/ALIGN]
واذا احسست بأنك اندمجت اجلس لوحدك وهات براد الشاهي ;);)
اللي بيشرب الشاهي بيصير شاعر لو ماهو شاعر<<< الاخ سواق تريله:D
احيي الاخوان واحيي الاخ فيصل اللويش
عنوان الموضوع صراحة يحتاج لتعديل لأن مافي احد بيصير شاعر وطبعاً كلامي عن الشعر اما الخواطر فانا ارى انه مثل شعر الحداثه مستقاة من شئ ليس له قاعدة
اما الشعر فلا يافيصل واسمح لي اني اقوله لك
ياخي تبي تخلي الناس شعار
حبيبي لا تحسب ان الشعراء اللي يملكونه من ملكة الشعر ممكن يمتلكه غيرهم من الناس وبعدين اذا كان هذا اسلوبك في شعرك فهناك نظر في المسألة
لأنك تكون انسان ما تكتب القصيدة إلا بطلعت الروح
ولا انك تسمح بالمساعدة في القصائد
لكن ارجو ان تجعل اللي عنده ملكت الشعر موجودة اصلاً وليس الرغبة واسمع كلمة الرغبة لأن الرغبة لايمكن ان تجعلك شاعر إلا بالفلوس ;) كما نسمع في الساحة اليوم فلا تشد الناس على حساب الادب والمواهب ترا كلامك محسوب وانا شاورت شاعر بهالسالفه وقالي كلام ما ودي اوردة حفاظاً على المشاعر لأنه ما يعرفك وانا قلت ان واحد قال كذا وكذا وش رايك ولم اذكر اسمك بس قلت انا ممكن هالشي لأني ودي اصير شاعر لكن يا حسره لله في خلقه شوون وعلشان كذا قلت ادخل عليك هالحين بحرته لأني ما ابي الناس تتعب وبالنهاية يبغضون الشعر واهله وانا احب الشعر واهله اللي شعرهم يدل عليهم وتحس انهم شعراء بكل ما تحمله هذه الكلمه من معنى
اسف اطلت لك الشكر على انك جزمتن على الكتابه مع اني ناوي ما اكتب إلا بعد رمضان لكن ان اتصفح بس ولا هو دايم
والسلام ختام
