أنــــــــــــــــــــــا....؟
[poet font="Arial,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
اهداء
الى الغالي جداً جداً
فلاح العماش ...
القصيده التي كتبت فهد المويهي
,
,
,
نشوف بوجهك الضحكه نشوفك دايمٍ فرحان = ياحظك يافهد يومك تعيشه وحنا نشقى به
يقولون الحكي عنه ولايدرون هالانسان = ترى يومه يموته الف ويومه مره يحيابه
انا هاك الشعور اللي تعلق به طفل ظميان = وانا نفس الشعور اللي سقيته دم يهنابه
انا ذاك الغريب اللي نسوه احبابه والخلان = وانا نفس الغريب اللي تمنى شوفة احبابه
انا ذاك الجبل لما دموعه غرقت وديان = وانا هاك الجبل يومه تمنى ينتهي ترابه
انا ذاك الشموخ اللي يكسر صرخة الاوثان = وانا ذاك الكسير اللي شموخه حطم انيابه
انا ذاك الطبيب اللي يعالج علة المرضان = وانا نفس الجريح اللي جروحه صارت اصحابه
انا بردٍ غزاه الصيف واصبح خادم الهجران = وانا هاك النحيل اللي كساه الهم بثيابه
انا الحزن الحزين اللي حياته كلها احزان = وانا القلب الذي للهم صدره فاتحٍ بابه
انا بحرٍ بلاساحل بلامركب ولاربان = انا البحر الذي موجه غدربه واطلق صوابه
انا غيمه سقت كل الصحاري واصبحت بستان = وانا ليلٍ كساه الهم واصبح اصدق احبابه
انا ,,
انا ..
انا من هو عسف مهره واطلق في هواها عنان = وانا من هو غدرت به مهرته والروح منصابه
انا من قلبه لضيفه يصير الهيل والفنجان = وانا اللي موقدٍ صدره لضيوفه تعشابه
انا عبدٍ خلقني الله واشكر نعمة النسيان = ومن هو زلته فيني انا ماذكر سوى اطيابه
انا ياللي تقول اني اعيش العمر به فرحان = وتحسدني على الضحكه وتجهل خافقي مابه
خذ ايامي وخذ عمري مدامه معجبك يافلان = وعطني من حياتك اردى ايامك ابي احيابه
وعطني من حياتك اردى ايامك ابي احيابه
[/poet]
