مــــــرقــاب الاحـــبـــاب
[poet font="Arabic Transparent,6,white,normal,italic" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
رشّيت ملحك فوق جرحي وصدّيت=وقمت آتقلب والدموع فضحنّي
لا ما اتحدّا وانت ياما تحدّيت=والمشكله قلبي معك ممتحنّي
كان التعدّي جرح ياما تعدّيت=وكان الجروح فنون صرت انت فنّي
جيت اتعشّى فيك واثرك تغدّيت=جيت اطعنك ياهيه والقلب ونّي
يومن نزلت ارض الهوى ليه شدّيت=واقفن ركابك والخفوق متعنّي
يومن على مرقاب الاحباب عدّيت=ما علموك ان المحبه تأنّي
كنّي على طول المسافات ردّيت=وانا على طول المسافات كنّي
كنّي طريد الوقت واليوم مدّيت=مديت له ضعفن ضعيفن سكنّي
حاولت انا اكتم عبرتي يوم لدّيت=لقيتك انت وخالف الوقت ظنّي
ياهيه ليه ليا ارتخى الحبل شدّيت=كانك تعاند ياحبيبي تجنّي
ياما لقميصي ياكحل العين قدّيت=ياما سهرت الليل كلّه تمنّي
واليوم انا عن ذكرياتك تردّيت=وصبحت ماضي ليه؟يمكنّ لأنّي
لصعب مواقف حبنا ماستعدّيت=ولا سمعت افكارن العام جنّي
ولحقي المسلوب لا ما استردّيت=سحرن سحرتن بالصدر مستكنّي
حاولت انا اخفي دمعتي يوم صدّيت=لقيتك انت وخالف الوقت ظنّي!!
[/poet]
