غـد ر الصحـيب وطـمعة الشاه فـالذّيب
[poet font="Simplified Arabic,5,black,normal,normal" bkcolor="transparent" bkimage="backgrounds/3.gif" border="double,8,gray" type=0 line=200% align=center use=ex length=0 char="" num="0,black" filter=""]
اخوتي واخواتي في
مضيف شمّر للشعر النبطي
اسعد الله جميع اوقاتكم امام انظاركم
وعقولكم هذه القصيده ارجو ان تنال
ولو بعض رضاكم
مع اعتذاري عن الابتعاد الاجباري
للفتره السابقه
غدر الصحيب وطمعة الشاه فالذّيب=صارت وهذا يا فوادي زمنها
الوقت لزم اهل الوفا بالتلابيب= واهل العلوم الهينات احتظنها
ولاحق تحت قدر الرخوم المشاهيب= ونار الوفا غيّم عليها دخنها
وساوى مقام الثايره بالمكاذيب= وصلّى على روح الحياه ودفنها
يالله ياسامع دبيب الدباديب= يامن سفينة نوح فالما وزنها
تعين من يمشي على منهج الطيب= وتمكنه من حاجةٍ مامكنها
هذي سنه وانا اتحرى المناديب= واخيل بارق شامها مع يمنها
واحوز عن محبالة الشك والريب= والمشكلات احلها وامتحنها
ون دندنت بين الضلوع الهناديب= وضعفت هدايتها وقويت فتنها
وتكدرت من زوبعتها المشاريب= والخوف خيم فالمعاليق منها
احترت.. والانسان مايعلم الغيب= وخفت اني اشريها ولااقدر ثمنها
ولجيت للمولى مجيب المطاليب= اللي مقاسيم البنادم ظمنها
ثم للعقول اللي بنتها التجاريب= اعقول قومٍ مالها مافتنها
والشور ماهو لاجهاله ولاعيب= حكمة رجال ومن تعومس زبنها
تحط لك فالجال الاملس مقاضيب= ولحية ابليس اتلّها وتحسنها
لاخذتها من مكملين المواجيب= اللي بدين الله تامر وتنها
والمعرفه حظ ونصيب ومواهيب= ومجلس رجالٍ جهلها ماسكنها
والعبد ذيبٍ والخطايا مراقيب= ماله ليا سلم الصواديف عنها
والرجل بيتٍ والمراجل مناسيب= لاصانها وبطاعة الله قرنها
وللشيخ ضيف وللهزالا معازيب= ولايقني الخلفه محرّم لبنها
وام الغصون المورقات الرواطيب= لاظمي واردها تهاوت شبنها
وسيل المخايل سحّ واللا مساريب= كم من شعوبٍ شالها من وطنها
وصلاة عبّاد الريا فالمحاريب= تهفيه لاجت جثّته في كفنها
واللي ربت بين الضلوع المحاديب= غنيتها وش رايكم في لحنها؟
وسلامتكم
[/poet]
