والتقينا ....

نص يخيط من الشعر الاعذب رداء، لمساء محملا
بكل ما هو استثنائي وتغريد خارج السرب،
وعلامة مميزة في رحلة الشعر النسائي...!

جيتني من فصول الحر والزمهرير
والتقينا تحت عرش الفرح والحزن
كنت احسب الهوى كاذب وعمره قصير
لين شفتك بنيت بداخلك لي وطن
كنت اردد وراهم حب؟ لا مايصير
لين كف المشاعر هزّ غصن الجفن
انتشيت وتعافى كل حسٍ ضرير
والفرح صار يبني في خفوقي مدن
وصرت احس بوجودي وان غفيت استثير
كل حلمٍ يراود في منامي حضن
في وصالك جبرت إحساس قلبٍ كسير
كل ما تنبت أوراقه يطيح الغصن
اجتمع طيش طفل وعشق أنثى تغير
لو تجيب العذارى سيرة اسمك تجنّ
قلت لي لحظة الاشواق وشلون اطير
واسرج رياح وقتي والأماني رسن
ومعك شفت الحزن وشلون يصبح اسير
وكيف احطّم قيودي لاحتواني سجن
وانت علّمك قلبي كيف تعطي بضمير
ياحبيبي جزاك القلب جنّة عدن
لا تصافحك غربة ولا يمسّك هجير
ولك خلود المشاعر مايصيبك وهن
راح تبقى بخافق مريم انسان غير
لو تدور الليالي أو يجور الزمن
وان تمادت فصول الحرّ والزمهرير
نخترع فصل خامس ما بجوّه حزن.!

اتمنى ان تروق لكم ايها الاعزاء.
لمريم الزعبي.

انتقاء مختلف ورائع ابو يوسف

تسلم ولاهنت

ابو يوسف بصراحة كنت مشكك اول بس هالحين تأكدت:a::)

يسلموا يسلموا ع الاختيار المنتقى والمعاني الجزله

رائع جدا اخي عبدالرحمن


حضور جميل بقصيده جميله




صح لسان شاعرتها

وصح نقلك وبدنك


لاعدمتك

رائع مانقلت أستاذي

لاهنت الله يحفظك

الشكر لك القديرة ام طلال

لا لا تشك يابو عمر تأكد قبل الشك بعدين شك!
وبعد ان تأكد من شكك شيك على الشك !
الف شكر لك الغالي متفائل.

قرأتها مراراً ولم اكتفي


أختيار رائع و جداً

عبدالرحمن



لازال الشعر النسائي بخير




ومريم الزعبي



شاعره ومبدعه




صح لسانها



ويسلم ذوقك وكلك

راح تبقى في خافق اخوك بعد ابن حزمي شكرا على ذائقتك العالية