مشل وطفله وحالة الحزن

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,5,blue" type=2 line=1 align=center use=ex num="0,black"]
واقلبي اللي كل هم لجابه=متحمل في دنيته كل ممرور
متحمل جور الزمان وعذابه=ومصايب الدنيا بعد ماخذه دور
آمنت بك ياواحد يلتجابه=منك العفو نرجيه والذنب مغفور
يارب أنا عبد شقى الهم صابه=في وسط قلبي وأودع القلب مخطور
لاهوب جرح وإيتداوى صوابه=ولاهوب كسر ويتجبر ومقدور
وحيد في غرفه ووقتي تشابه=كل ساعة فيها تساوي لها شهور
أسلاك قيدي وإكسجيني عصابه=وعيني تجول بظلمة مابها نور
ماغير صوت الأجهزه كالذيابه=وإليا نزل ضغطي تعاوت على الفور
وماكنه الأ الموت عمري زهابه=وكني قضيب عداي والدم مهدور
أضحك ليا جوني ربوع وقرابه=وقت الزياره وأترك الهم مستور
ولا همني بالراس لأعلن غيابه=ياكود ورعان صغيرين وبزور
مشل وطفله يا إلاهي غلابه=توهم صغار ولابهم حمل للجور
يطرون كلٍ ملتهي في العابه=وطفله تلاغيني وكنها من الحور
مشل وسيفه قاضبه من نصابه=وأشيلله عرضه ويضحك ومسرور
وليا ضحكت لطيفهم ياهلابه=معها تجيني غصة تمسك الزور
وأضيع بالهوجاس كني بغابه=وأنا أدري أن الوقت مظلم وديجور
أمشي طريق كم غيري مشابه=همي كبير وفوقه العمر منذور
يالله ياللي مايضيع الرجابه=تحفظ عيالي لايجي فيهم قصور
لين الجهاز يصيح (ياهي طلابه)=ممرضه مناك وإهنيه دكتور
وقامت تناهشني الأبر والبلا به=الضغط هابط وأودع القلب بحدور
الله يعين القلب مما لجابه=دامه سكن به هم والغم له سور
يالله أنا طالبك تحسن مآبه=ويالله عساه الذنب ممحي ومغفور

اخوكم ماجد بن محمد العايذي[/poem]

مايشوووف شر .. والله يقومه بالسلامة

.
.

صح لسانك يا الدبلوماسي

على القصيدة اللي من القلب للقلب

لاإله إلا اللـــــــــه


قليل جدا ماأقرأ قصيدة كهذه

مدميه موجعه تقهــــــــــــر


الحمد لله والشكر ياخوي

الله يلبسك لباس العافيه

ويستر عليك ويحفظك لمشل وطفله

وعقبال ماتلاعب عيال عيالهم


يــــــــــــــــارب



قصيده رائعه بروعة صدق نبضها وإحساسها


تصوير واقعي رائع



بارك الله فيك

[poem=font="Simplified Arabic,5,white,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وحيد في غرفـه ووقتـي تشابـه=كل ساعة فيها تساوي لها شهـور
أسلاك قيدي وإكسجينـي عصابـه=وعيني تجول بظلمة مابهـا نـور
ماغير صـوت الأجهـزه كالذيابـه=وإليا نزل ضغطي تعاوت على الفور [/poem]








متصفح ينزف الم



ودمعه دم




اخي الدبلوماسي شفاك الله واقر عينك بابنائك ورزقك برهم


\\


لا اراك الله مكروه



قصيده مبكية ..



صح لسانك وسلم لنا هالرقي منك...

سلامات ماتشوف شر
ماجور ان شالله

صح لسانك على القصيده المعبره والمؤلمه بنفس الوقت

والله يطول بعمرك ويخليلك مشل وطفله


اتمنى لك الشفاءالعاجل
تحياتي لك
اختك

لا بأس طهور ان شاء الله




الله واكبر


قصيده تجلب الاحزان من كل مكان





عافانا الله واياك من جور الدنياء وعذاب ألاخره




معافاء ان شاء الله


والاعمار بيد الله
يقول الشاعر


فكم من صحيح مات من غير علةٍ= وكم من سقيمٍ عاش حيناً من الدهري

الله يجعلك ماتشوف شر وعسى الله يحفظك لعيالك واهلك ويصلحهم ويبارك لك بعافيتك ومالك وحلالك واهلك وعمرك

بسم الله الرحمن الرحيم

السلام عليكم ورحمة الله وبركاته

اشكر كل من مر واخجلني بدافئ رده

شكراً من القلب

اخوكم

ماجد محمد العايذي

(( الدبلوماسي ))

ماجد العايذي

لاباس طهور ان شاء الله

الله يشفيك ويطول بعمرك ويخليك لعيالك ولا يحرمهم منك




rooose2

ماجد صح لسانك واللجوء لله قمه العز والقو ه اسال ان يشفيك ويصلح حالك وحال اولادك ومن رجا الله ماخاب