** سلة بوحي ** عبدالله الجعيثن

هذي هذيك ونفس هذي هاذاتي && وانا مع التيار ماشي واسلّك

ادري بأن الدق يكسر حصاتي && طبعي واعرفه ما أحب التملّك

من عادتي ماقد رفعت العباتي && طرد المقفي لالحقته يذلّك

يالله تعيد العيد يافارض العيد && عسى الفرح ينعاد ويعود عيده

في كل عام تزود نسبة مواليد && وترحل من الدنيا بشر من عبيده

عسى السلام يعم واسلامنا يزيد && ويعود عز الدين لامّه مجيده

شف فرحة الاعياد ماعادت تفيد && مادامنا للذل صرنا نزيده

قربك يسل الحال..ومفارقك عيد && واضحيت حاير بين بعدك وقربك

العيد دون معايدك ماهو سعيد && لاشك تاقف عزتي دون دربك

كبّ التمسكن ماتجرّعت يكفي && هي مرّتين ولا طرالي اعوده

هذا ملفّك وانت عطني ملفّي && وامسح مواثيق الغرام وعهوده

اسق الغصون اللي لها عام يبّاس && ياللي معاك الماي لاتقطع الهوز

مال المصايب ياسعد غير اهلها && وبعض البشر يترك هله ويتبلاّك

متى تحس بلوعة الحب قللي && ياصغير يامدلع يابو رمش فتان

ايوالله اني في غرامك مولي && اطرد سرابك وانتظر منك هتان

لوهو حصل لك يالغلا ماحصلي & ماكنت تتركني مع الليل سهران

اماننا من طيبة الشعب يافلان && ما أمنونا لابسين العطايف
وافراحنا ماهي اهازيج والوان && ارخوا على عيال الوطن بالوضايف

تدري وش اللي يمغث الكبد ويحوس المرير && انّي اجمّع كل حكيي..واذا شفتك اضيع

باقي على العشره من الطاش للطاش && حتى ولو طوّل غيابك رجيتك

مهما نويت انحاش وانحاش وانحاش && القى رجولي واقفه عند بيتك