...
..
الله يجيبك ياحبيبي على خير
وآشوف في عودتك .. عز وسعاده
مليت من بعدك كثير المعاذير
وملـّيت من زود الاسى والنكاده
الراسي
عرض للطباعة
...
..
الله يجيبك ياحبيبي على خير
وآشوف في عودتك .. عز وسعاده
مليت من بعدك كثير المعاذير
وملـّيت من زود الاسى والنكاده
الراسي
.....
..
يالله وانا طالبك يا الله
تحقق لي اللي تمنيته
الراسي
،،،
،،
،
يا سيدي عطر القصايد تنصّاك
بسمك قصيدي ريح مسك ٍ وكادي
ما قلت لك : يلعن ابو ليل فرقاك
حبك بوادي // والخلايق بوادي
الراسي
...
..
التوته / اللي يهز القلب طاريها
ياسعد قلبي ليا منـّه لفت يمـّه
اكذب على نفسي ليا قلت ما بيها
والشعر لعيونها ،، مستعذب ٍ جمـّه
الراسي
..
.
وتقول ،، وينك ؟ يا هوى البال وينك ؟
وآقول عندك من زمان الطفوله
الراسي
،،
،
راحت وساعات الزمن تمشي على دقاتها
مدري تحسّب بعـْضها / مدري تحسّب نبضها
الله يعين اللي وقف يوم رحلت خطواتها
تقطعت اصواتها ،،، ولا بقى لو بعضها
الراسي
،،،
،،
الاسئله ماتت على صمت الكلام ولا لقيت
الا السكوت اللي يهز القلب في حريّته
ياخي علامك ماتحس الا اذا انك بكيت ؟
اقلط على قلب معك من اولّ ٍ ملكيّته
يكفيك شاعر مخلص ٍ في واقعه لك مستميت
لو تزعل العالم عليه // ما همّه الا فيّته
الراسي
الراسي
..
.
الشاعر اللي ما يجيب الجزايل
وقت اللزز ،، لادرهموا بالاصايل
يا ليت لو حوّل ويعقل ذلوله
لاصار ما يعسف مهار الجزايل
..
.
سترى النور قريبا
..
.
الراسي
...
..
البعد يكوي خافق ٍ هدّه الخوف
وانت تناظر ... لوعتي واشتياقي
اقبل علي لاتشغلك عنـّي ظروف
مليت صبري في مسار التلاقي
الراسي
...
..
الوقت طال / وشمس الآمال بغروب
آلوذ بسكاتي ... وانا في سكاتي
وين الفرح ياناس واحزاني دروب ؟
ومن وين ما وجهت .. حزني جهاتي
الراسي
،،،
،،
عادت علي بعد البطا .. والشوق فيها والوله
ماله وصوف ٍ بالعمر لو ينخسر كل العمر
من فرحتي من لهفتي ضاعت حروف الاسئله
يا كيف اوصّف لحظة ٍ تسوى عيوني والنظر ؟
هذي ضلوعي شاهده كانت وعاشت مقفله
لعيونها عيـّا الخفوق لا تقرّبه كل البشر
الراسي
...
..
الامـّعه لا صار هرجه سماجه
أرفع جنابي عنـْه واحشم جنابي
مالي ومال اللي طبوعه لجاجه
ماني مضرّي في دروبه ركابي
وشعاد لو هبهب علينا عجاجه
يركد عجاجه من مناشي سحابي
الراسي
....
..
العز ياهل العز .... في عز الاصحاب
واللي يفرّق شملنا ،،، ما هو بعز
كنـّه تناسى ان الانسان لتراب
حتى ولو انه مع الوقت معتز
الراسي
...
..
مال ( للرياض ) بغيتك اي قيمه
الشمس غابت عنـّها من غيابك
ياخي تعال وشوف كيف الجريمه ؟
جفـّت ينابيع الوله في سرابك
الراسي .. الرياض 1431/5/26
..
.
مات المكان ولا ذكرت في موتته شي ٍ عظيم
الا الوفا لاهل القدر .. واهل القدر دايم عظام
الراسي
...
..
محروم من شوفك ومحروم ٍ الصوت
يعني على ما قيل محروم الاثنين
(ما ينفع المحروم لافاته الفوت )
وآنا آترجى ما مضى يمكن يحين !!
الراسي
...
..
لا تعتقد باني نسيتك مع الوقت
لا والذي سواك ماني بناسي
يكفي بغيابك كل ما قلت " اشتقت "
كنـّي معك لو كنت في وسط ناسي
الراسي
،،،
،،
وتقول وينك ؟ ( والهوى حيل غلاب )
وانا على درب المواصيل ساري
ما تدري ان القلب شرّع لها الباب !!
والخوف لامات الرجا بانتظاري
الراسي
...
..
الله يسامح بعض الملازيم يا شوق
اللي خذتنا من بعضنا دقايق
وشلون اجل بالله لا سلهم الموق ؟
وردد عليك اليوم حالوا خلايق
انا اشهد اني بحالة ٍ كلها عوق
الفكر ضايق واكثر الناس رايق
الراسي
،،،
،،
وإن مرّة الصدفه ..... وجيتي ( لركني )
إقري قصيدي .... وافهميني عشاني
شاعر .. شعوره صب (( يا ملهمتني ))
لعيون .. / شوقي / .. فايض ٍ من حناني
ابفتخر واقول في يوم :..... حفظتني
واني معاها ... واحد ٍ في زماني
الدمام / الخميس صباحا 1431/6/6
الراسي
...
..
مبطي حبيبي تمنيتك
وليت الاماني على كيفي
...
..
ماهي بغريبه نلتقي دون ميعاد
بس الغريبه نفترق دون تلميح
الراسي
..
.
معي ... معي .. من وين ما رحت القاك
يا مصعبك // يا مسهلك في حياتي
الراسي
،،،
،،
الله يرحم زمان اوّل
يوم المحبه بايادينا
هلحين وقت الجفا طوّل
وضاعت علينا مبادينا
الراسي
،،،
،،
نقطة نظام وليت منهو فهمها
يرسل مراسيل ... الغلا والموده
وشذنب نفس ٍ بالليالي ظلمها ؟
ومن وين ما مديت يدّي يردّه
وحقه علي إن فرصته يغتنمها
وقالوا : (ترى اللي تستحي منـّه بدّه )
الراسي
..
.
المسأله ,,, ياصاحبي مسألة ( وقت )
ماهي بعلى ما قلت .. ناس ٍ عذوله
اكفيك انا .. لاقلت لي كلمة ( اشتقت )
انسيك كل الناس .. فرد .. وحموله
الراسي
....
..
للمرجله رجـّال لا قلت رجـّال
يبهج صدر ويفك عقدة رجاجيل
مركا / ملاذ اللي تعناه ولوال
قرم ٍ عليه الوصف بيّن وحلحيل
مثل الجبل شامخ على كل الاحوال
لو مالت الاشناب بالوقت مايميل
الراسي
،،
،
تدرين يا بوح المشاعر والابيات
إن القصايد قلتها فيك بالذات
وان ما دريتي منزلك في قصيدي
إلهام شعري مايبي لك دلالات
شوفي ملامح سيرة الحب شوفي
وإن ما لمحتيها عليها السلامات
الراسي
..
.
الدقــّه اللي كل ابوها مغثــّه
الله يلعنها .... ويلعن ابوها
مات الكلام وهقوتي تستحثـّه
والناس ما ترحم ولو افهموها
الراسي
...
..
بين الحنايا مجلسك حط مركاك ...
ما غير انا .. واياك .. والجو هادي
الراسي
،،،
،،
بعد البطا .. ياصا حبي جيت واهلين
في جيّتك شفت الفضا ما وسعني
مقدر أوصّف لك شعوري .. فـــبيتين
ولو قلت له ارجوك .. ما قال دعني
لأنك دفعته مُـلهم ٍ بين ضلعين
نبض ٍ أحسـّه للمعالي رفعني
ما بين شوق الحرف والقلب والعين
مبطي خذاني ... في خفوقك وضعني
الراسي
""
"
سولف معي ارجوك ... عطني علومك
وخل الشعر بعدين لا تطلب ... آآآآآقول
في غيبتك والله لاتبع غيومك
وانثر لك الاشعار بالعرض والطول
الراسي
...
..
زاد الوله والشوق في ذمتي زاد
وآنا على درب المواصيل ناوي
اطوي مسافات التعب والتوجاد
قاوي عليها والولي فوق قاوي
الراسي
...
..
وشعاد باقي ماحصل والحظ عيـّا لا يقوم ؟
با الله قلـّي يابعد حيي وميتي وشبقى ؟
لا صار دربي عاثر ٍ .. ارجوك خلـّك بي رحوم
ابقى على خبرك جبل ترقابي كل مانتَ تهقى
والله لا شيل كل همـّك .. ولو كلـّي هموم
وأعيّشك عيشة رغد والحب فيها والنقى
الراسي
..
.
مدري علامك .. كل ما جيت يمّك ؟
صاير تغلا مووووت .. مدري علامك ؟
إن كان فعلا صرت واحد أهمّك
خذني معك .. والا تعال بغرامك
الراسي
... ..
ما للغموض فبعض الاحيان داعي
ارفق علي شوي ... وخذني حياتك
حدد مسارك بالفجوج الوساعي
واترك عموم الناس تتبع سماتك
الراسي
...
..
الساعه اللي تجمع احباب باحباب
اقسم قسم بالله .. ما مثلها شي
يا الله انا طالبك يارب الارباب
يا الله عساها تصير ما دامني حي
الراسي
..
.
يمكن مع الايام تذكر كلامي
وتقول ما قلته صحيح ٍ وحاصل
ويمكن تكذبني وتنسى غرامي
وتقول ما قلته ... عسى مانتواصل
الراسي
،،،
،،
،
جيتك من ( الدمام ) جيتك أعاني
من زايد اللهفه ،،، ومن زايد الشوق
جيتك طموح وجيت كلـّي أماني
كن ( الرياض ) بناظري قمـّة الذوق
جيتك بعيد ... ومنـْزلك بالمحاني
وحدك .. ولا غيرك من الناس مخلوق
الراسي
...
..
وين انت ياللي مشغل البال وين انت ؟
ضاق المكان ولا لقيتك ... مكانك
الراسي
صدق من قال :
الصبر زين .. وفيه مقضاة ثنتين
تكسب جميل وتأخذ الحق وافي
الراسي