عبقرينو...عبقرينو....
مرااااحب
اقتباس:
انا اهني فيك روح الحماسه والنقد البناء اللي انت تقول انه شرشحه لكنه نقد وهذا المهم وانا من الناس اللي انتقدتهم واشكر لك هذا الانتقاد
شكرا اخي عبقرينو على تفهمك
واحب اوضح نقطه هااااامه..
انا ادري ان فيه ناس يقولون هذا شفيه يحبط وينتقد بشده كأنه يقول لا تكتب مره ثانيه
احب انوّه ان كل واحد منكم يتمنى انه يقرى موضوع يرسم الابتسامه
بالعربي يفقع بطنه من الضحك:)
وهالشي اذا قعدنا نجامل اللي موضوعه مو بالمستوى المطلوب
ماراح نلقى الابتسامه وبالتالي راح يؤدي هالشي لنزوح قراء من متابعين الفلّه
وهالشي مايرضيني انا ولا يرضي اهل الفلّه او المضايف عموما
وصدقوني اني انا بنفسي افرح واسعد اذا انتقد احد موضوعي نقد بنّاء
لاني انا راح استفيد بالمقام الاول
اقتباس:
سؤالي الأول \ اغلب الكتاب الكوميديين كانت عيشتهم عكس مايكتبون هل انت من ضمنهم ؟
الحمدلله على كل حال
مادام مستورين وهذا اهم شي ما ابي شي ثاني
اقتباس:
السؤال الثاني \هل خضت بيوم من الايام حربا مع الشعر و نتج عنه قصيده لك و ان نتج نريد الاطلاع على شعرك ؟
شعر؟؟
ما اعتقد
لكن لي اقدر اسميها ... خرابيط
وكنت مغصوب من ابوعمر (متفائل ) وشاركت فيها انا والمحروووم
مع اني اتمنى اني اكون شاعر ولكنها هبه من الله
اقتباس:
السؤال الثالث \ الاحظ في بعض الاحيان ان لم يكن اغلبها ان ردودك اطول من مواضيع الاخوان هل السبب في ذلك انك تسثير حتسي ااو شي تعرفه ويجهلنا ؟
والله قالها واحد من الاخوان
ههههههههههههههههههههههههههههههههههههههه
جملتك راح ارد عليها على شقّين
الشق الاول...
بالنسبه لطول الردود
السبب لاني ما احضّر لردودي
لاني اكتب بعفويه
يعني من نفوخي الى الكيبورد طاااااازج
وهالشي يخليني ما احس اني طولت بالرد الا بعد ان اضغط (انشر):)
الشق الثاني..
لما تقول اني كثير حتسي او اني اعرف شيئا انتم تجهلونه يعني بالعربي(مهايطي)
اعتبره غلطه بحقي
فوالله العلي العظيم
ان عمر ماكان التعالي والغرور صفه دخلت حياتي
واسأل اللي تعاملوا معاي
اما بالنسبه لكثرة الحتسي
اسأل شنقل والاصيل ونافع الطواله
فقد رأوني على الطبيعه
واسألهم عن كثرة كلامي ولا تنصدم:)
اقتباس:
السؤال الرابع \ يذكرون ان كاس العالم بسنة الفين وخمسين يبي يصير بالجهرا والمباراة النهائية برفحاء عند الحنشل هل صحيح هذا ؟
صحيح
حتى اخر تذكره اشتراها الاصيل
وللعلم انه اشترى تذكرة الكرسي اللي بجنب جوزيف بلاتر:)
الشكر لك عزيزي
