-
البارحه راسي من الجور محتاس !!
كنّ (الفرح) سهم ٍ و (الأحشاء) له قوس
وأحوالنا فحروب و أياااام جسّاس
ما وفّروا من شدّة الحال لو موس !!
ثارت عليّ الناس .. يامعشر الناس
من شان درس ٍ قمت به كان مدروس
يا لايمي هونك كفى حكّ الأضراس
ترى ( الحلاو ) اليا كثر ورّثك ( سوس ) !!
عيّن من الله خير ما حولنا بـاس ..
وفرقى العواذل يرّث أعيااااد وعروس
ترى الرفيق اللي به شويّة احساس :
ما تزعله هدّاية الروس للروووووس ..!
انا أحمد الله بيّن ( الطي ) و ( الماس )
وبيّن رفيقي بالوناسات و البوس ,,
والله يا لولا ( حسبتي ) خذت لي كاس !!
وغيّبت عن دنيا ً بها الحق مدسوس
عشنا و شفنا من بني آدم أجناس
و ذقنا من الضيقات ما حاسنا حوس
لكن صمدنا صمدة الدرع والطااااس
لا داست العربان رعيانها دووووس
طلنا من الطولات ما حطّنا راس
وسرنا على الملّه ولا احنا بهندوس
اليا زعلت اضرب لي الراس بالساس
واليا رضيت البس من الذل ملبوس !!
-
أنا أشهد ان بعض الكلام عقوبه
ما دام من يكتب جهل مكتوبه !!
اقرأ عليّ الفاتحه يا مطوّع ..
واذكر عليّ الله بكم من نوبه
ابذكر اللي صار حبه حبه
وابرتحل عن مقعد ٍ باقوا به
نفسي تقول انزل .. وانا أعلّيها
ما تدري ان لي كلمة ٍ محسوبه !؟
خلوا سبيلي واتركوني .. برحل
وش لي بناس ٍ ما تضب عيوبه !؟
اسقيتهم من عدّي الماء صافي
وان جيت ابشرب عثربوا مشروبه !!
والله لو ادري بما يجري لي :
( خليت نسّاج اللغى بدروبه )
خلّوني المايل ..! وانا متساااوي
مثل الجبل صعب ٍ تهز جنوووبه
يشهد لي الحر النداوي عادل
انا بنيت الساس طوبه طوبه
حسيبه الله خاااالقه والظالم :
لا بد ما يغرب واكيد غروبه ..
يا ناحر الندّ اندهه ثم قلّـه :
ما احد ٍ يشوف النار جوّى صوبه
لا واحسافه ليتني ما جيته
ولا عرفت المنكسه والحوبه !!
ارعوا رفيقي بالشدايد ياسر
قولوا له النصبه تقل منصوبه !!!
طلّقت انا فلاااانه قبل لا آخذها
اليا نزلت لمستواهم نووووبه ,,!
ابشعب ركابي وانا قايدها ..
حملة ( مشينا والخلف زاروبه )
ماني بمن يصبر على لدّاغه
والداب لا قررررب شلعنا نوبه
ولاني بمن يصبر على من هانه
الحر يشلع .. ما حسب لدروبه
ولاني بمن ينسى سوايا ندّه
لا شك والله ما نسيت اسلوووبه
ابذكره واليا طراه الطاري ...!
ماني بقايل به سوى و الكوووبه !!
عشرين بيت وعدّها يا معلّـم
وكل ٍ على نفسه يعد ذنوووبه !!!
-
عساه ما يضبط ولا يركب أبد !!
برواز صوره ما ضبط بروازها
وش يستفيد ال*** لا منّه جحد
عرش يدي من ضيّعت معكازها
يا ليت من صد وتغطرس لا صعد
يطيح وتحل النفوس ألغاااازها
حتى غراب البين سوّاه وقصد !
والطفس نال الطايلات وحازها
الطيب فات وبآخر المجلس قعد
نغزه .. وقلّه يحتمل منغاااازها
يقطعك ثم يقطعك ياعين الحسد
والخبزه اللي ما أشبعت خبّازها
والا الرجال انواع والهيلع صمد
ما ردّه اعن النار فقدة كازها
والزارع اللي يزرع البذره حصد
والناس لا منها وفت لك جازها
غاب النظر وعيونهم كله رمد
ناس ٍ تكدّس بلّها و أمعاااازها
والمشكله لا شفت بعيونك بعد :
( ..................................... )
-
الذين يشاهدون محتوى الموضوع الآن : 2 ( الأعضاء 1 والزوار 1)
نووووووور و غيث ..!!
صباحك ورد ,,
-
صديقي الشاعر البطل .. اليك مني واليّ منك :
يسعد صباحك يا كريم الساس ,,, ياللي على بالي تجي دايم
اهلا هلا بك طق كاس بكاس = هايم وجوه طاح في هايم
عطني يديّك بأصعد النوماس ,,, ما دامك ببحر الهوى عايم
ماني بهايم بس .. لا محتااااس = من شفة ٍ يفطر بها الصايم
ياخوي لا تقني عديم احساس ,,, خلك مع اللي حسّها قايم
اقول .. راح كليب ياجساس = والزير اظنه يا الخوي نايم
ماهو بزير ان ما وعى للناس ,,,, الا اذاه بجوّه الغاااااايم
المحبره ما ملّت الكرّاااس = وانا لك الله للقلم لاااايم
اخاف ملّ من القلم قرطاس ,,,, واخاف طيرك ماهو بحايم ..؟
تتعب معي حتى يجيك نعاس = احذرك من جوي الغايم
-
الذين يشاهدون محتوى الموضوع الآن : 2 ( الأعضاء 2 والزوار 0) عبدالمجيد الشمري , ريوفـ
مطر ممزوج ببرد ..!!
-
-
-
وآضيييييييييييييييييييييييييق
؟؟؟؟؟؟؟
-
لنّ الحبيب اللي خذا الروح ضايق !!
