-
قالت وداع
السلام عليكم
وبعد انقطاع عن عالم النت لفترة ليست بالقصيرة عدت بكل الشوق لكم
اخر ماكتبت نص اتمنى ان يجد مكانه في ذائقتكم الشعرية ولكم العذر مقدما فاعذروني
[GASIDA="type=1 width="100%" border="none" font="bold large Arial" bkimage="""]
قــــــالت وداع وقلــــت ماله داعي
بابٍ فـتـحـتـه يـا غــلا جــــا غـلـقه
حاسب حساب اللحظه ذي من ياعي
و عـصـابـتـي ولـمـتـــهـا لـلـفـلـقـه
مـــاني بـبـاكي هـالـغـلا ولا نـاعي
تـعـبـت ادور لـك عــذر واخـتـلـقـه
الحــب اذا مـــا هــو لقـلبـك لاعي
واودع بـصـدرك جـمـرةٍ مـعـتـلـقه
وخـــلا عيـونـك للحبيـــب جياعي
ونفسـك الا مـن غـاب عنـك قـلـقه
لو قلت ذا جـرحي وذي اوجـاعي
تـر مـا بـقـلـبـك مـنـه حـتى شلـقه
طشه وقل له ضيعة اللي ضـاعي
واليا رجـع ثــوُر بـراسـه طـلـقـه
اثبت على دربــك وخلــك واعي
واعرف ترى هالحب ارضه زلقه
ولاتـشتـري مـنـهـو لقلبـك باعي
بـيـعـه لا تـبـقـى ناشـبٍ في حلقه
ومن ماسعى لك لاتجي له ساعي
الا اذا انـك ضـــاريٍ لــلـعـلـقـه
الحر لا خاوى الرخوم يعــاعي
يـشـويـه جـاهـل او يـبـدُي سلقه
لازم تطيع اذا الزمن ما طـاعي
واعـرف ترى لله شؤون بخلـقـه
[/GASIDA]
-
صح لسانك لاهنت ولا عدمناك
قصيده جميله
-
الزبن هنا
ترحيب كبييييير....وعتب اكبر
مرحبا بعودتك
اما الابيات
صح لسانك ... ونحن من تلاميذك ياشاعرنا
ونتمنى تواجدك
-
أهلاً
أهلاً
أهلاً
أهلاً بالحاضر بعد غيبه ليست قصيرة
ظاهر المتصفح يغرد فرحاً بحضورك
صح لسانكـ .. ودام تواجدكـ
لكـ الود
-
صح لسااانك اخوي ابيات جميله
-
صح لسانك اخوي ظاهر حياك الله منور
تسلم وتدوم على القصيدة الرائعة
ولك تحياتي
الظفيري
-
المسعودي
صح بدنك يالغالي
لك شكري وتقديري
-
عبدالله الجعيثن
ياهلا وغلا
والعتب منك مقبول وابشر بما يرضيك
وجود امثالك هنا هو مايشجع على النشر
والمضايف بيتنا الاول وهو الاحق والاجدر بتواجدنا فيه
والاستاذيه حق لك علينا استاذي
تقديري لشخصك العزيز
-
عبدالله المهيني
هلا وغلا
اسمك هو من اضاء المتصفح
وصح بدنك
تقديري واحترامي لك
-
موجود
صح بدنك
كل الشكر والتقدير لك
