[poem=font=",6,white,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حتى انت يالمشراف.. ماعاد بك خير=ماكنت من سجات رجلي.. تهول؟
اما نسيت مواعدي (تالي عصير)=والا ان ميقافي على الضلع.. طول
يامزبن العشاق.. والذيب ..والطير=واللي على (فرقا المحبين).. مول
تواردوا (ورد العطاشا )على بير=هذا رقا ضلعك ..وهذاك حول
اول ليا صكت هجوسي طوابير=(اسوقها لك)( وانتخي بك).. من اول
والضيقة اللي تشطر القلب وتحير=يحظر عليها ليلها ..لا تجول
القى لها في راس ضلعك تدابير=وارمي بعبرات ..الخفوق المغول
لا يذبح.. الشرهه (صدود المعاذير)=تمسي بحلق الشامتين ..تقول
(لو تحتويني) عن.. كلام المعيثير=(لا تحتويني )يا..(بلاد المعول)
ياصار طبعك غير..! والاصدقا غير=(وش له )تجاري طبعهم.. وتحول
[/poem]
خميس والله كل بيت عن قصيده من مبطي
ماقريت مثل هالشامخه ..!
صح لسانك وسلم بنانك يابعدي والله جزل
جزل ..
من مبطي وانا اقول متاااابعك ولاتبطي
بالجديد يابوصلفيق
صح كلك
.
.
اخوووك
