-
كســر الخواطــر
مصافحه اولى كعربون اخوه من اخ الى اخوانه
عسى ان تحوز على اعجابكم
مع قصيدة كسر الخواطر
عذّب خفوقي واجرحه لاتشاور
////////////// وش تنتظر مادام بانت خوافيك
كسّر اذا ودّك بكـسر الخـــواطر
///////////// لاصار هذا اللـي تــودّه ويرضيك
امّا تروح وخل ذنبي وســافــر
//////////// والا تقــول الـذنب ذنبي وابا جيك
انا على خبرك مثل مانت خابر
/////////// ان جيت اهيـ....يبك وارحب واحييك
وان رحت صرنا بيت شعرٍ وشاعر
//////////// اكــتبك مــره والف مــره اغــنـّيك
وان كان حظي ماتجمل وعـاثر
/////////// ملعون حظٍ طــاح دونـك ويخــطـيك
احسبك طيف ايمر مره وعــابر
/////////// واثرك حــقيقـه يفــز قلبي لطاريك
كنك مثل ليلٍ له اشفق وساهر
/////////// ولانـجــومٍ بــاول اللـيـل انــاجـيـك
خلتك سحابٍ في ضلوعي وناطر
/////////// تسـقـي عــروقٍ يابسـه من تغليك
تروي ظمى قلبي وتحيي المشاعر
/////////// وتسعد عيون اللي عـيونهتراعيك
تدري احبك مابي اكذب واكابر
/////////// ومافيه شيٍ في حياتي يـساويك
وش تنتظر يالله معي لاتشــاور
/////////// مادام ماخــابت بحــبـي هـقــاويك
تمت وتقبلوا تحياتي
اخوكم / خليف الجهيلي
-
اخي خليف الجهيلي الف هلا والف سهلا بالقدوم الرائع والجميل لاسم كبير في عالم الشعر وهذا ليس بمستغرب من شاعر مبدع ومعروف للجميع انما اتيت ارحب بك فقط والا القصيده في غنى تام عن اشادتي الف هلا وبك رحب الله في منتداك منتدى شمر
-
قصيده فارهة الجمال
قصيده رائعه وعذبه للغايه
تحمل توقيع خليف الجهيلي
اخي الغالي...خليف
من يملك مثل هذه الابداعات....يجعلنا ننتظر المشاركات القادمه بشوق
لك اعجابي و تحياتي
وحياك الله بمنتداك و بين ربعك و ناسك
لا عدمناك يا الغالي
-
وقفت مندهشا
وكررت الا سم لا كثر من مره غير مصدق
نعم انه الا ستاذ000 خليف الجهيلي
ابو عبد الكريم
شاعرنا واستاذنا بالشعر
وربي ان المضايف جميعا قد استفاقت وصفقت لحضورك وليس الشعر فقط
شاعر بحجمك قد اطل علينا مما يزيدنا غرورا وابتهاجا
نعم فأنت استاذنا بالشعر ورائعنا
يامرحبا بأستاذ كل القصايد0000 يامرحبا بخليف عطر القصيده
اهلا وسهلا بك اها الرائع
وانا بالنيابه عن اخواني الشعراء بهذا المنتدى ارحب بك
واقول
ان الا ستاذ خليف الجهيلي غني عن التعريف كما قال اخي الروحي محارب الخيال
ان خليف الشعر من احد فرسان الساحه الشعبيه والذي نشرت له عدة قصائد رائعه وحفظناها عن ظهر قلب
ولست هنا لا اعقب على قصيده لشاعر مثل ابو عبد الكريم
انما هنا انا تلميذا يرحب بأستاذه
فاهلا وسهلا بك ايها الرائع ولا تحرمنا من مشاركاتك وتعقيباتك الرائعه
اخوك 0000 فيصل اللويش
-
الا خ خليف الجهيلي
هلا بك في منتداك منتدى شمر
مرحبا بك بين اخوانك
والمنتدى منور بحضورك
والقصيدة لا تحتاج الى تعقيب
جزلة ورائعة
ولا تحرمنا من مشاركاتك
-
اهـلاً هـلا والـفٍ تحـيه وترحـيب
------------------------ بالشاعـر اللي ترجم احلا المعاني
من روس قومٍ فيه عـزٍ وتـوجيب
---------------------- اهل الكرم والجود .. كبار الصياني
هلا حيالله الشاعر ابو عبدالكريم
لاهنت يابعد حيي
صح لسانك وسلمت يمينك على ماسطرته لنا من قصيده رائعه
لااقدر ان اقول او اظيف اكثر مما قالوه اخواني الاعظاء عن القصيده وعن شاعرها
اتعلم لماذا؟
انزل
انزل شوي
يالله بعد شوي
لانك شاعر محترف وهاوي عسف الكلمه والمفرده حتى تصبح نادره وتحفه شعريه
شاعر من مواريث شعراء ..
سجل اعجابي بالقصيده يالغالي
يكفي البيتين
تدري احبك مابي اكذب واكابر
/////////// ومافيه شيٍ في حياتي يـساويك
وش تنتظر يالله معي لاتشــاور
/////////// مادام ماخــابت بحــبـي هـقــاويك
........
لاتحرمنا من المشاركات فالطيب اللي مثلك وشرواك يقول ابشروا
تقبلتحيات اخوك الصغير
-
اخي محارب الخيال
الف هلابك ويامرحبا
ويكفيني شهادتكم بنا حيثها شهاده نفتخر بها مدى الايام
ماعليك زود
اخوكم / خليف الجهيلي
-
اخي عادل
ياهلا ويامرحبا
بصراحه انتم من جعلني اتشرف بالانتساب الى هذا الصرح الكبير
شكرا لك على الترحيب
وشهادتك نعتز فيها
اخوك خليف الجهيلي
-
اخي ابوطلال
اعطيتنا فوق مانستحق
فشكرا لك على هذا التعليق
انت الشعر ياستاذ عذب الفرايد
//////////// وانت المعاني للقوافي رصيده
ماقصرت وبيض الله وجهك يااباطلال
اخوك خليف الجهيلي
-
اخي خليف الجهيلي ....
قصيده اجمل من الجمال ...
تعانق الغمام روعه ........
سلمت يمينك ....
