كل عااام وأنت تقليدي يا مشعل
اقبلوها
واسمحولنا
لازال بوحنا تقليدي
وأيّ بووح
وأي تقليديّه في هذا النص
ربما هنا الجمال كلّه
والعطر كلّه
هنا الجزاله
ولا شيّ غير الجزاله
هنا قرأت شعر قلّ ما يكتب الآن
قال الذي عدا على راس مرقـاب
يزبن جنابه بالخـلا كـل مرتـاب
موحش خلا منحي عن الدار مبعد
ممحل جنابه من عنا طول الاجداب
منزاح جاله منتزح عـن مداهـم
عن البشر دونه مراقيب وهضاب
منحاف..ملويٍ..عسير المحـاري
مشمرخٍ..راسه تقل راس مخلاب
مايطلعه ياكـود منهـو تجلـوى
بديار عسرين اللقاء يم الاجنـاب
اليا تذكـر موطنـه ثـم تهيـض
يجض قلبه جضة الذيب ياعقـاب
انا رقيتـه مـن عقـب مارقابـه
حالي مثل حاله تشابه بالاسبـاب
واللي تغرب عن محـاري ديـاره
تو الامل في رجعة الدار ماخـاب
مار البـلا منهـو بـداره تغـرّب
عزاه والله بين ربعـه والاقـراب
عـزاه والله عقبهـم ماسليـنـا
دمعٍ نثرته من شفا العين سكـاب
شابت معاليق الحشا من هواهـم
شبنا وشاب القلب والجرح ماشاب
بعض الجروح المرمسه له طبيبه
والبعض الاخر موجعٍ ماله اطباب
ياكن وسط الروح رمح الزناتـي
او وسطها طعنة ابازيـد وذيـاب
احسب خطانا يالغضي تدمحونـه
ولايبعدك عن حبنـا كـل كـذاب
واحسب علومي يالفتكم من عداي
ماينفتح له عندكم يالغضي بـاب
واثري على ماقيل خابت هقـاوي
سهمي تعدا وسهمكم يمنا صـاب
ياعـل والله كـل حـيٍ تــوده
عقب الهوا عقب الغلا خاطره طاب
يقطع مواصيل الهوا من طرفهـم
ياعل قلبي من هوا حبهـم تـاب
ياصـار بالدنيـا قريـبٍ وخـلاك
وسط القبر مابه حبايب ولااقراب
ان ماخذيت الود منه وانـا حـي
وش ينفعن وده وانا داخل تـراب
اقبلوها
واسمحولنا
لازال بوحنا تقليدي
صح بوحك
ولهذا السبب فقط سأثبّت قلبي هنا
دمت وسأعود
دائماً وأبداً
وعلى فكره .....
من طوّل الغيبااااات جاب الغنايم
( مقيوله )
