عسى عسى اللي بالاسى يبعد الاسى

[align=center]اعجبتن هالقصيده مادري منهي لوه
يقولون انه للقاضي

المشكله لقيته بورقه مع واحد
وخطوه تقل مراح غنم عجزت افهموه
فاعذروني على الاخطاء

صراحه شي هالقصيده[/align]

[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عسى عسى اللي بالاسى يبعد الاسى=يغطي خطا امس بطلمس الشمس ساتر
دجى مالاجبي داج في لاج مهجتي=رجيتها رجوى رجا راج طاير
بالاقدار دار مدير الافكار داربي=كما فر دولاب الدواليب شاطر
رسايل رسول الفكر يرسل رسالتي=كما اني اسير بالمعاسير حاسر
ياهل عوج الهجن الوجن بالعجل=عودو عجال قدر فنجال صادر
على على كيمٍ وهجنٍ همايم=هميمات همام حد النواضر
هجن هجاهيجن مناهيج الياوجهن=تروم مع قطع الحزوم الدعاثر
مناجيب انا اجيب المواجيب واجبي=على من تعالى الكور فرض مقادر
اسجل كتسجيل السجنجل سجلتي=ازجها بزاج من زجاج المحابر
سطر ططر طرس القراطيس والوطر=خطر كالمطر من زجر بحور زواجر
سلام تسلسل من سلايل مسايلي=بالارسال سار بسر الاسرار ساهر[/poem]
[align=center].
.
.
"هذا الجنون اللي اسموه جنون"

الله حق هي اطول من كذا بس تعاجزت اكتبه
تقريبا هي حوالي ثلاثين بيت
لكن حبينا نعطيكم نبذه منه[/align]

[align=center]قصيده جميله

صح الله لسان الشاعر

وسلمت لطرحك اخي مشعل

دمت بنور[/align]

[align=center]هلا ابو ياسر


القصيده ماعليها كلام


لكن قويه وصعبه وبه جذعن صغير اعرفه شخصيا حافظه

وانا لاقريته لساني اخذ ثلاث ايام يالله اظهر الحرف :(



شكرا لك للنقل[/align]

ابو ياسر تسلم والله يعطيك العافيه وهذه القصيده للشاعر محمد بن عبدالله القاضي راعي عنيزه وتعتبر من اصعب ماقيل في الشعر من حيث المعنى والصياغه

[poem=font="Simplified Arabic,5,orange,normal,normal" bkcolor="black" bkimage="" border="double,4,black" type=1 line=0 align=center use=ex num="0,black"]
عسى عسا لي با لأساء يبعـد الأسـى =يغطي خطا أمس بطلمس الشمس ساتر
فجاء ما لجابي راج فـي لاج مهجتـي =رجيته رجاء رجـوا الـذي راج طايـر
بالأقـدار دار مديـر الأفـلاك دالـبـي =كمـا فـر دولاب الدواليـب شـاطـر
أسايل رسول الرسـل يرسـل رسايلـي =كما أنـي أسيـرا بالمعاسيـر حاسـر
يا هيه يا أهل الهجن والوجن بالعجـل =عوجوا لي اعجال قدر فنجـال صـادر
علـى علاكـيـم وهـجـنٍ همـايـم =هميمـات همّـات حــداد النـوظـر
مناجيب أناجيـب المواجيـب واجبـي =علاكـم تعالـى الكـور فـرضٍ يبـادر
بالارسان بأمراس اربطوا روس عوصكم =من الضيق أفيق افداير الفكـر حاضـر
أسجـل كتسجيـل السجنجـل سجلتـي =أزجـه بـزاجٍ مـن زجـاج المحابـر
سطر للططر طرس القراطيس والوطـر =خطر كالمطر من زجر حـور الزواجـر
سـلامٍ تسلسـل مـن سلايـل مسايـل =بالارسال أسال بسـر الأسـرار ساهـر
سلامٍ خضوعٍ مـن وضـوعٍ يضاعـف =سلف بألف ألـف يلـف الولـف باهـر
تحيـات حـيٍ عـدة الحـي والحيـاء =تـلألأ تلالـيـه ابـتـلال الجـواهـر
مطيـف لطيـف مـن ضريـفٍ ينمـق =نـور الإنـارة نـور نـار المشـاعـر
فلما انتهى يهدي الـى منتهـا البهـاء =صفيٍ صفـا لـي بالتصافـي معاشـر
فهو سيـد ساداتـي وقـادات مهجتـي =حبيب رحيب عن رياء الريـب طاهـر
نشاء بالهوى شاه المهاء شارق البهاء =كما غصن مـوزٍ ناعـمٍ فـوق ساهـر
طفل عطوف لي عطوف الـى طـردت =طواريـه طيـرت الدمـوع المحاجـر
أنا سال مـن سـال عنهـم ولا سـلا =طوى اليأس وأمسى حاسر الجسم ساهر
قولوا ولو طال النيـاء وأبعـد المـدى =تراني على العهـد الـذي كـان خابـر
نهاري جليـس امسجلاتـي وبالدجـاء =جليـس الجـوار الساهـرات الزواهـر
أجـول ولـي قلـبٍ خجـول مـؤجـل =سقيم مقيـم بـي وهـو لـك مسامـر
لكني بروجات الهواجيـس لا أوجهـت =غريـقٍ بلجـات البحـور الـزواجـر
فلـولا أن لـولا ثـم تلويـت ليتنـي =لداعـي الغـرام إنـي مجيـب مبـادر
تجلجل بلاجـي لجـة المـوج التجـى =على حال جانب حامـد الصبـر عابـر
أعـال عليـل علتـه عـال عرفـهـا =ومن شفـت أشافيهـا بشافيـه قـادر
فلـو بلبلـو بالـي عذالـي وعالجـو =فأنا فيـه آلاوي منكـر الشـوق بايـر
ولا لامنـي إلاّ لئـيـمٍ بــلا مـهـا =علامـي ألاوي لايـمٍ غـيـر عــاذر[/poem]

والقصيده اطول من ذالك ويعطيك العافيه يابو ياسر

[align=center]اختي بنت النور

تسلمين على هالمرور

وشاكر تعقيبك

لاهنتي[/align]

[align=center]وبك المهلا يانبراس

ماشاء الله على رفيقك
انا عجزت اقراه وهي بورقه
ماشاء الله عليه

ياعلك سالم وغانم[/align]

[align=center]هلا والله ببو فراج

كعادتك مبدع يابعدي

تسلم على الاضافه

لاهنت[/align]

[align=center]رددتها اكثر من مره / واقول في نفسي
يالله الخيره
سلمت الانامل / على الحضور
العاطر/ والماطر شعرياً
دمت بخير
اختك/ المهرة[/align]

انا اشهد انها جزله وبيوتها وافيه ...................سلمت يا بو ياسر


ونتمنى منك المزيد.........................