المساعد الشخصي الرقمي

مشاهدة النسخة كاملة : الرد المفتـــاحي على قصيدة الرمـــاحي


مفتاح14
17-11-2002, 22:35
محاولة رد ..أتمنى أن تحوز على رضا الغالي ساير الرماحي والاخوة بمضيف فلّة الحجاج:)



من غير ساير صار للشعر دكتور =انور سمانا يوم شفنا وقاره
قم يامحارش ثم فرّع عن (الكور) = من هو اللي مثلك موقدن دوم ناره
دَنّ الدلال بمجلسن دوم معمور= هات الحطب والنار زيّن وجاره
الكيف مقرونن مع الطيب مذكور=الكيف للشعّار رمزن وشاره
حط اشقر البن وبهاره على الفور= ومن زعفران ايران زوّد شقاره
جانا الرماحي طيب الذكر مخبور=وصل قبل ياتي صيته وكاره
ابيات شعره ماس من فوق بلّور = محدن من الشّعار وصّل مداره
وابي السموحه كان جا منّي اقصور = النقص (وارد) ..والقصايد مهاره
الادمي عمره من اسنين وشهور=والفعل يبقى بعد فرقى دياره

مفتـــــــاح14



وسامحونا يالربع تروني ماني شاعر :)
ابو غازي
17-11-2002, 22:52
الشيخ مفتاح 14

لله درك وصح لســـــــــــــنك

الحقيقة إنك ماقصرت والقصور عنك بعيد

والشاعر الكبير ساير يستاهل كل خير

من غير ساير صار للشعر iiدكتور ++ انور سمانا يوم شفنا وقاره
قم يامحارش ثم فرّع عن ii(الكور) ++ من هو اللي مثلك موقدن دوم ناره
دنّ الدلال بمجلسن دوم iiمعمور ++ هات الحطب والنار زيّن iiوجاره
الكيف مقرونن مع الطيب iiمذكور ++ الكيف للشعّار رمزن وشاره
حط اشقر البن وبهاره على الفور ++ ومن زعفران ايران زوّد iiشقاره
جانا الرماحي طيب الذكر مخبور ++ وصل قبل ياتي صيته iiوكاره
ابيات شعره ماس من فوق iiبلّور ++ محدن من الشعار وصّل iiمداره
ابي السموحه كان جا منّي iiقصور ++ النقص (وارد) والقصايد مهاره
الادامي عمره من اسنين iiوشهور ++ والفعل يبقى بعد فرقى iiدياره

تقبل خالص تحياتي
الفاضي
17-11-2002, 22:56
طااااااااااااااااااااااط
الفاضي وصل

اخس يا مفتاح 14

والله انك مسكت لدرجه صرت الرهيب وقلبت الى العجيب<<<<صارت جوالات نوكيا

وساير يستاهل اكثر من هذا بعد

تحياتي الفاضي
abuturky
17-11-2002, 23:12
وين مغيب عنا هالقصيد كا هالسنين ياللوتي .... والله قصيده حلوه والرماحي يستاهل صح لسانك وكل عام والجميع بخير والمضايف في تقدم.

أخوك:أبوتركي
بن قشعم
17-11-2002, 23:53
صح لسانك يلبناخي .
عبدالله المهيني
18-11-2002, 00:30
صح لسانك يابو 14

كل هذا وتقول ماني شاعر زين زين ترى الوعد مضيف الشعر النبطي

وساير يستاهل المدح
ابو مشاري الشمري
18-11-2002, 03:31
14
صح السانك
ماشاءلله عليك
شاعر ومن أروع الشعار
وساير يستاهل كل خير
بس يابو 14 هالحين ثبت أنك شاعر ومأنت بسيط
لازم على مضيف الشعر تتحفنا بقصيدة
ماهي بس وحدة نبي قصايد وقصايد
صح السانك مره ثانيه وثالثة ........ ماله حد
الله لايعطيك عافية (المغرب) ويعطيك عافيتنا حنا
تسلم
مفتاح14
18-11-2002, 03:38
شكرا الف شكر لكل اللي ردوا..واشوا انّه اعجبتكم :)

الرماحي يستاهل اكثر.. بس ما اشوفه رد اخاف ما اعجبتوه :(


تحياتي للجميع :)
ســاير الرماحي
18-11-2002, 14:14
اخوي مفتاح 14



صح لسانك يالغالي 1000


وتسلم على هالرائعة



ولاهنت يابعد حي



بالعكس اعجبتن وزيادة



بس ليش تقول انك مانت شاعر:)


تحياتي لك والشكر موصول لابو غازي والفاضي وابو تركي وابن قشعم والمهيني وابو مشاري الشمري


تحياتي لكم
بشير اللويش
19-11-2002, 03:08
اخي العزيز

جداً رائعه

لله درك

سجل اعجابي

تقبل تحيات اخوك الصغير

الراسي
الاشعل
19-11-2002, 21:30
روعه يا ابو اربطعش

المفروض اسمك هاللحين يتغير

لمفتااااااااح ابو اربعطعش فنجال لحنيف صبيت

وصح لسااااااااااااااااانك
خلف الرويتع
19-11-2002, 22:17
اخي مفتاح 14

صح لسانك والبناخي ساير يستاهل كل خير

هذا ونت منت شاعر كيف لو انت شاعر

اسمح لي اقولك انت شاعر ورائع تقبل تحياتي
مفتاح14
19-11-2002, 23:07
والله تستاهلون ارد عليكم كلكم لانكم بصراحه ( كبرتوا راسي :) )

<<--- من اليوم ورايح يبي يطق لوه خيمة بمضيف الشعر النبطي :D
مفتاح14
19-11-2002, 23:08
الغالي ابو غـــــازي /

صح بدنك.. وتسلم والله على هالاطراء :)
والف شكر على تفضلك بالمرور
مفتاح14
19-11-2002, 23:09
الفاضي /

اخس هذي وش معناه؟!! يعني زي صح لسانك ؟!!!!!!

شكرا لمرووورك الكريم :)
مفتاح14
19-11-2002, 23:10
abuturky / صح بدنك يالغالي :)

بس ممكن تترجم لي معنى ( اللوتي) !
هي وحده من ثنتين : اما انك غلطان بكتابته أو انك تبي تسب بس هداك الله :D
مفتاح14
19-11-2002, 23:12
بن قشعم /

صح بدنك مليون يالغالي..
وشكرا لك :)
مفتاح14
19-11-2002, 23:13
المهيني /

صح بدنك.. والله انا زي ماقلت ( ماني شاعر ) بس حالة الشِعر تجيني مرّه بالسنه وجتن هالمره بعد ما قريت قصيدة الرماحي :)

تحياتي لك
مفتاح14
19-11-2002, 23:14
ابو مشاري /

صح بدنك ..
انشاء الله بمثل هاليوم من السنة الجايه ابنزل قصيده ثانيه..كان الله احيانا :)
<<-- مدحوه وقام يتمنّن :D
مفتاح14
19-11-2002, 23:15
ساير الرماحي /

صح بدنك .. وزين اللي اعجبتك :)
بس وينك مارديت على الخاص ;)

نتمنى انك تتواصل مع فلّة الحجاج :)


<<-- جالسن بفلّة الحجاج عشان محارش معطيه بخشيش وان مدحتوه
زياده تروه يبي يقش عفشوه ويروح لمضيف الشِعر :D:D
مفتاح14
19-11-2002, 23:17
اخوي بشير اللويش/
الف شكر لمروورك واعجابك :)
لاهنت يالغالي
تحياتي لك
مفتاح14
19-11-2002, 23:18
الاشعل /
صح بدنك..

واشادتك وسام على صدري .

<<-- يسمع بكلام الشعراء :)

تقبل تحياتي
مفتاح14
19-11-2002, 23:19
خلف الرويتع /
صح بدنك .. وبالفعل ساير يستاهل اكثر.
والف شكر على مرورك واشادتك

تحياتي يالغالي
أبو فيصل
20-11-2002, 03:54
ماشاء الله عليك
صرت مفتاح 14 مختوم بالآبداع
سجل اعجابي بهذة الصامولة التي ختمت عليها بأبداعك
واخونا الغالي علينا ساير يستاهل كل خير
دمت لنا اخا غاليا نستمتع بأبداعاتة
اخوك
ابو فيصل
أبو طنب
20-11-2002, 21:41
والله عجست القى در على هالقصيده الرائعه
تصدق من قريت قصيدتك وانا ادور كلمه توفيه حقه ما لقيت
<<< اكبر تسذوب
بس صح لسانك
مفتاح14
21-11-2002, 02:26
اخوي الصارم /


شكرا لك يابو فيصل على قرائتك..و اعجابك..و ردك.
تقبل تحياتي :)
مفتاح14
21-11-2002, 02:28
اخوي ابو طنب /

تسلم على هالاطراء ( حتى لو هو تسذب ) :)

الف شكر على مرورك وردك..
تحياتي لك :)
ريم شمر
26-11-2002, 05:31
رائعه
ورائع من قالها

والاروع من قيلت فيه

تحياتي

الريم
مفتاح14
26-11-2002, 21:30
الاخت ريم شمر /

شكرا على اعجابك و اطراءك..
رغم اني ارى ان الابيات اقل مما يستحقه المبدع ساير ..