بن قشعم
17-11-2002, 00:03
اخبار من الارشيف ...
فطس 22 صيني وتعور حول ميتين واحد في وسط الصين عقب ما جاهم عجاج مصحوباً بقطع ثلج يقولون انها حول حبات الفقع المغربي (والله من واحد وواحد قال حلالات من يفقع بهالصيف ولا يرجم حصى .
ويقولون ان العواصف اللي جت الصين كانت سرعتها 70 كيلو (بس لا تخافون رابطة الحزام) وقلعت شجرهم وقلبت سنجتهم.
وقال ابو سعد ان البلا مهوب في ان العواصف قوية بس البلا في ان صناعتهم تايوانية، ونغزته ام سعد وقالت شفناكم يوم تجيكم البردية من كم سنة وش جاء مواتركم وتراه هاك العاصفة اللي جت الرياض تمشي 30 كيلو لانها ماسكتن الخدمة.
وهاش ابو سعد ام سعد يوم بلش وكملوا سماع الاخبار في جو من الرومانسية البريئة.
وتقول الاخبار ان مستشفيات الصين امتلت بالمتعورين وان الحكومة بلشانة في التفريق بينهم لانهم يتشابهون. ويقولون ان مسؤول صيني علق على هالمشكلة وقال: مالك الا خشمك ولوهو افنس!
وتقول المصادر ان وزراء الحكومة بالصين متلاقطين لان كل واحد عاد العاصفة مسؤولية وزارة الثاني.
***********************************************
فنكش اليوم 23 واحد على الاقل وتعوّر حول الستين في ملهى ليلي في ليما عاصمة بيرو
بسبب حريقة قبست في ملهاهم يوم قام واحد بثر من حقين السيرك يستعرض بشعلة ضو
مسوي فيها فنان وهو من جنبها وقام ينطّلهاياما نطلها منّا وياما نطلها مناك ومادرى الا وهي صامخة في غمى الخيمة وقابعة ٍ فيهم
وكانت الصالة مليانة ٍ ملي وفيها حول 1000 سمرمدي وسمرمدية
واللي خلاهم يفطسون انهم قاعدين يناظرون الضو أول ماشبّت ولا نحاشوا ولا شي يحسبونها جزء من العرض
وما دروا الا وهي واصلتهم ويقومون ويهجّون جميع وتزاحموا عن البوابة وفطس بعضهم وتعوّر بعضهم ويقول
مراسلنا عزيّز السملّقي قال ان وزير صحتهم طمننا
وقال لا تخافون ترى كل هاللي ماتوا ماتوا مختنقين مافيه أحد منهم مات محترق " ايه اشوى الله يريّحك ، وفكهم الله ما احترقوا "
وقال رئيس بلديتهم ان الملهى ماعنده تصاريح ولا وفّروا وسائل سلامة ولا شي وكل يمشي بالبركة ،
والدليل انه خليطي كلش فيه عروض حيوانات مفترسة والعاب ورقص وشراب وديسكو وسامري وكلش يعني انواع فلة الحجاج
وحظ اللي في هالملهى ان الاسد والنمر اللي في وسطه فطسن مع من فطس والا كان عرّشن الباقين تعريش
وأشوى جو الدفاع المدني حقهم الله يسلمهم يوم رمّدت الضوّ " وسوو اللازم والاسعاف بعد ماقصّر
***********************************************
قال مغنّي البوب البريطاني جورج مايكل وهذا للي مايعرفه أحسن فنان
بريطاني ومن روعة أغانيه وشهرته يلقّبونه الانجليزبـ " فيصل علوي "
المهم ان جورج مايكل يقول مافيه أمل أقبّل على امريكا ولا أروح لها لأني ان رحت يبي يغربلوني الامريكان ويحسّرون بي ويمكن انذبح بعد
يحتكّ براشد الماجد لأن الامريكان معصّبين عليه عقب أغنيته الاخيره واللي يتطنّز فيها
بالحرب على الارهاب واللي تقودها أمريكا وتطنّز بعد في هالاغنية ببوش هو وبلير
وقال بعد مدري ورى الامريكان الله يهديهم مهمب ينطحون ويطنقرون وتجيهم أم العبيد بسرعة
ومن طرف الاغنية اللي خلت أمريكا تولّع هي أغنية " Shoot the Dog"
( ويقولون ماعندي لغة ) ومراعاة ً للي مايديرونها في الانجليزي ترجمة الاغنية هي " أطلق النار على الكلب "
وهو مصوّرها على شكل رسوم متحركه ومخلي توني بلير " كلب " في بخشة البيت الابيض
عند بوش ويقول جورج مايكل اني ما اقصد بهالاغنيه الا التنديد بتبعية بلير الكامله لسياسة أمريكا وخصوصاً في الشرق الاوسط
وان توني بلير يدربي راسه ورا بوش ويديدب وراه في في كلش
ويقول بعد اني متشره ٍ على بلير لأنه طاوع أمريكا ووافق انه
يفزع معها ان حاربوا العراق
ويوم نشدت مراسلنا هالحين انت ماتخاف يقاطعونك المحطات اللي تتبع للحكومة قال الا اتوقع انهم يبي يقاطعوني بس ماعليّ منهم المفروض
يخلون الناس يسمعون الاغنية مايمنعونها عشان نناقش هالقضايا الهامه
وسلامتكم ........:D :D
فطس 22 صيني وتعور حول ميتين واحد في وسط الصين عقب ما جاهم عجاج مصحوباً بقطع ثلج يقولون انها حول حبات الفقع المغربي (والله من واحد وواحد قال حلالات من يفقع بهالصيف ولا يرجم حصى .
ويقولون ان العواصف اللي جت الصين كانت سرعتها 70 كيلو (بس لا تخافون رابطة الحزام) وقلعت شجرهم وقلبت سنجتهم.
وقال ابو سعد ان البلا مهوب في ان العواصف قوية بس البلا في ان صناعتهم تايوانية، ونغزته ام سعد وقالت شفناكم يوم تجيكم البردية من كم سنة وش جاء مواتركم وتراه هاك العاصفة اللي جت الرياض تمشي 30 كيلو لانها ماسكتن الخدمة.
وهاش ابو سعد ام سعد يوم بلش وكملوا سماع الاخبار في جو من الرومانسية البريئة.
وتقول الاخبار ان مستشفيات الصين امتلت بالمتعورين وان الحكومة بلشانة في التفريق بينهم لانهم يتشابهون. ويقولون ان مسؤول صيني علق على هالمشكلة وقال: مالك الا خشمك ولوهو افنس!
وتقول المصادر ان وزراء الحكومة بالصين متلاقطين لان كل واحد عاد العاصفة مسؤولية وزارة الثاني.
***********************************************
فنكش اليوم 23 واحد على الاقل وتعوّر حول الستين في ملهى ليلي في ليما عاصمة بيرو
بسبب حريقة قبست في ملهاهم يوم قام واحد بثر من حقين السيرك يستعرض بشعلة ضو
مسوي فيها فنان وهو من جنبها وقام ينطّلهاياما نطلها منّا وياما نطلها مناك ومادرى الا وهي صامخة في غمى الخيمة وقابعة ٍ فيهم
وكانت الصالة مليانة ٍ ملي وفيها حول 1000 سمرمدي وسمرمدية
واللي خلاهم يفطسون انهم قاعدين يناظرون الضو أول ماشبّت ولا نحاشوا ولا شي يحسبونها جزء من العرض
وما دروا الا وهي واصلتهم ويقومون ويهجّون جميع وتزاحموا عن البوابة وفطس بعضهم وتعوّر بعضهم ويقول
مراسلنا عزيّز السملّقي قال ان وزير صحتهم طمننا
وقال لا تخافون ترى كل هاللي ماتوا ماتوا مختنقين مافيه أحد منهم مات محترق " ايه اشوى الله يريّحك ، وفكهم الله ما احترقوا "
وقال رئيس بلديتهم ان الملهى ماعنده تصاريح ولا وفّروا وسائل سلامة ولا شي وكل يمشي بالبركة ،
والدليل انه خليطي كلش فيه عروض حيوانات مفترسة والعاب ورقص وشراب وديسكو وسامري وكلش يعني انواع فلة الحجاج
وحظ اللي في هالملهى ان الاسد والنمر اللي في وسطه فطسن مع من فطس والا كان عرّشن الباقين تعريش
وأشوى جو الدفاع المدني حقهم الله يسلمهم يوم رمّدت الضوّ " وسوو اللازم والاسعاف بعد ماقصّر
***********************************************
قال مغنّي البوب البريطاني جورج مايكل وهذا للي مايعرفه أحسن فنان
بريطاني ومن روعة أغانيه وشهرته يلقّبونه الانجليزبـ " فيصل علوي "
المهم ان جورج مايكل يقول مافيه أمل أقبّل على امريكا ولا أروح لها لأني ان رحت يبي يغربلوني الامريكان ويحسّرون بي ويمكن انذبح بعد
يحتكّ براشد الماجد لأن الامريكان معصّبين عليه عقب أغنيته الاخيره واللي يتطنّز فيها
بالحرب على الارهاب واللي تقودها أمريكا وتطنّز بعد في هالاغنية ببوش هو وبلير
وقال بعد مدري ورى الامريكان الله يهديهم مهمب ينطحون ويطنقرون وتجيهم أم العبيد بسرعة
ومن طرف الاغنية اللي خلت أمريكا تولّع هي أغنية " Shoot the Dog"
( ويقولون ماعندي لغة ) ومراعاة ً للي مايديرونها في الانجليزي ترجمة الاغنية هي " أطلق النار على الكلب "
وهو مصوّرها على شكل رسوم متحركه ومخلي توني بلير " كلب " في بخشة البيت الابيض
عند بوش ويقول جورج مايكل اني ما اقصد بهالاغنيه الا التنديد بتبعية بلير الكامله لسياسة أمريكا وخصوصاً في الشرق الاوسط
وان توني بلير يدربي راسه ورا بوش ويديدب وراه في في كلش
ويقول بعد اني متشره ٍ على بلير لأنه طاوع أمريكا ووافق انه
يفزع معها ان حاربوا العراق
ويوم نشدت مراسلنا هالحين انت ماتخاف يقاطعونك المحطات اللي تتبع للحكومة قال الا اتوقع انهم يبي يقاطعوني بس ماعليّ منهم المفروض
يخلون الناس يسمعون الاغنية مايمنعونها عشان نناقش هالقضايا الهامه
وسلامتكم ........:D :D