المساعد الشخصي الرقمي

مشاهدة النسخة كاملة : آخـــــر لقــــاء(U_U)


الرهيب 2002
11-11-2002, 21:27
تناظرني واناظرها تهز قلوبنا الاشواق
انا احبس دمعتي عنها واهي ماتحبس الدمعه

تهامل دمعها مثل الندى لاداعب الاوراق

كسب له من سنا خد ينور بالدجى لمعه

همستلها الستر مطلوب كفي دمعك الدفاق

ترانا في مكان عام فيه الناس مجتمعه

تبي تحكي تبي تشكي ولاكن جفت الارياق

فمان الله قالتها بصوتن خافتن سمعه

في بحة صوتها حسيت شي يمزع المعلاق

وبدها الدمع هل ولاقدرت اقوى على منعه

وراحت تسحب الخطوة وانا في ماقفي منعاق

أشـــوف الروح تتبعها تحايلها على الرجعه

وغابت شمسها غيبه مايجي بعدها اشراق

وظلام اقدارنا ممنوع تولع للامل شمعه
بشير اللويش
11-11-2002, 22:42
اخي العزيز

مشاركه رائعه

تنبأنا عن عضو فعال ان شاء الله

سجل اعجابي

وتقبل تحيات اخوك الصغير

الراسي
(ة_ة)
12-11-2002, 02:43
الرهيب 2002

في حاله .. كحالات الفراق الأبديه..تتفلت حروف الأبجديه من مقاعدها..
عندما تتمكن من رصفها هكذا .. بالتأكيد أنت متقن...

قصيده جميله جداً..وعنوانها اجتذبني لسببٍ ما ..

:)

تحياتي لك
سلطان الشمري
12-11-2002, 02:50
يالله ............يالله ..................يالله



الرهيب ....صح لسانك




والله حطيت ايدك على الجرح ........ رائع جدا وسجل اعجابي ودام هطولك

ولوهي بيدي ثبت القصيده



تحياتي
مهندس اللفظ
12-11-2002, 07:42
صح لسانك

بدايه جميله..

ولكن اعتقد انك نسيت حرف ما في هذا البيت في الشطر الثاني واعتقد انه خطأ كي بوردي..

عموما ماقصرت

في بحة صوتها حسيت شي يمزع iiالمعلاق

وبدها الدمع هل ولاقدرت اقوى على منعه



.......

مهندس اللفظ
الرهيب 2002
15-11-2002, 06:10
اخوي الراسي



اسعدني حظورك جدا ويا هلا فيك وصح بدنك
الرهيب 2002
15-11-2002, 06:12
اخي الحبيب (ة_ة)


تقول العنوان اعجبك على شان العيون والا ايش



الله يحييك يالغالي ووجودك هنا يدل انه ( لسا الدنيا بخير)



وشاكر لك على ذوقك الرفيع اخي




وتقبل تحياتي..
الرهيب 2002
15-11-2002, 06:15
اخي الحبيب نبراااس




تسلم والله يالغالي واعجابك بالقصيده بس من ذوقك العالي



واذا القصيده ماتثبتت بالموقع فثق ثقه تااامه انها مثبته في قلبي النازف




شكرا اخي الحبيب الف شكرا
الرهيب 2002
15-11-2002, 06:17
اخي الحبيب مهندس اللفظ



اسعدني تواجدك كثيرا

وبالنسبه في الاملاء قراة القصيده اكثر من مره وما تبين لي شي:confused:




يمكن ان المشرف عدله:rolleyes:




على العموم حياك الله اخوي



ومليووووووووون مرحبا