بقولها واللي عقد روس الحبال يحلها (القديمي)

[فهد الاسلمي]

القديمي وشلونك يابعدي ما ودك نتقاضب شوي انا وياك ...... :)

استلم وترى البساط احمدي على ما يقولون



سلام مني للقديمي قل هلا يا مسهلا = خلنا نهل الملعبه بحق كتابٍ منزلا

انا معك يالوايلي نبي نسوي مشكلا = (بقولها واللي عقد روس الحبال يحلها)
. . .
للقديمي سلامٍ عدّ نوح الحمام =تزفّه هبوبٍ جتك به من ريح الكويت
















تقبل تحياتي \\ فهد الاسلمي

[نضال الحسينى]

انا حزين وما لقيت غير قصيدك يسليني........ وما قصرت يالغالي

[فهد الاسلمي]

هلا والله وغلا نضال الحسيني .... والحزن برا وبعيد انشالله










وعساك انشالله ماتشوف الحزن



تشكر على مرورك وتعقيبك








تقبل تحيات اخوك \\ فهد الاسلمي

[فواز الشبيكان]

تحيه اخوي لك يا الأسلمي

واتشرف اني العب معاك

والبساط احمدي ورمضان كريم

سم لاهنت
يامرحبا ردية(ن)بالأسلمي بالأسلمي=ترحيبة(ن) يالأسلمي لمن سمعها يسلمي
والأسلمي ياناس جاني حامي(ن) وِمحتمي
(اقولها واللي عقد روس الحبال ايحلها)
. . .
ابن وايل عطاك اليوم حلو السلام=عطرها من شمال المملكه لالفيت

[فهد الاسلمي]

تسلم ولا يسلم ردي العزايم ......

وصح لسانك اخوي القديمي ولا هنت

اسلتم يالامير ...


قبل لا نبدا بالجدال حييت يانسل الرجال =عداد ما هبت هبوبٍ بارده لي من شمال
يالوايلي طبع الرجال تشيلِ عسراتٍ ثقال
(اقولها واللي عقد روس الحبال يحلها)
. . .
خذينا منك السلام يابن الرجال الكرام = ومن عقبها نبتدي بنظمها بيت بيت

[همس الليل]

الى المبدعين .. فهد الاسلمي والقديمي ..
انتما رائعاااان وما اقدر ازود لانه خانني التعبير..

[فلاح السعد]

الله لايهينكم


وترونا معكم



يعني ماسكين الصف


تحياتي

[فواز الشبيكان]

أخ/ فهد

صح السانك وسم واستلم لاهنت



اهل اللحيسه نعم والله كلكم نسل القروم=يالأسلمي عطني علومك واستلم مني علوم
عطني علوم(ن) واضحه مثل القمر بين النجوم
(أقولها واللي عقد روس الحبال ايحلها)
. . .
كلِ يدري ترى ضرب(ن) بميت حرام=واحكم القاف لي ياصاحبي لابنيت

[فهد الاسلمي]

الاخوان ..همس الليل , فلاح السعد

اشكر لكم مروركم وتعقيبكم لكم جزيل الشكر

تقبلوا تحياتي \\ فهد الاسلمي

[فهد الاسلمي]

هلا والله وغلا بالقديمي وسامحنا على التأخير ..لضروف الدوام

صح لسانك ولا هنت ... استلم يابعدي



انا من نسل الاسلم وقومي المناصير= يا ما فكينا المجير من يومٍ عنده عسير
وانـا ترى افدا بشمّر رجلٍ كبير وصغير
واقولها واللي عقد روس الحبال يحلها
. . .
أظن عرفت العلوم اللي تبيها تمام = وانا لي نفس السؤال وجاوبن لا بليت

[فواز الشبيكان]

اخوي فهد

والله ونعم وصح السانك

سم لاهنت
وانا تراني من سلايل وايل(ن)من وايلي=من جارنا يالأسلمي لازم همومه تنجلي
والضيفِ لامنه لفى يقلط على حيل وطلي
(اقولها واللي عقد روس الحبال ايحلها)
. . .
علمكم ياعميل الخيرِ يبغى له حزام=ارقِ ضلع(ن)تريده وانتبه لارقيت

[ســاير الرماحي]

اخواني الشعراء

فهد الاسلمي

والقديمي



ونعمٍ بكم جميع



أطربتو خواطرنا بهالردّية


ونستونا وترانا معكم متابعين



تحياتي

[فهد الاسلمي]

هلا والله وغلا وميلون نعم بكم والله القديمي

على كلٍ استلم لا هنت ... وصح لسانك


نعم بكم يالاجودي جنّابت العلم الردي = اولاد وايل يابعدي من بعد شمر مسندي
لو بيننا اكوانٍ مضت كثيره ماتعددي
اقولها واللي عقد روس الحبال يحلها
إن كنتِ ظلعٍ طويلٍ شاهقٍ عالي المقام = انا ترى حرٍ فوق راس الضلع به عليت

[فهد الاسلمي]

ساير الرماحي


الله لا يهينك على المتابعه ومروك حافز لنا يشجعنا


واقضب الصف لا تخليني تكفى ى ى ى ى :)



دمت وسلمت ...... تقبل تحياتي \\ فهد الاسلمي

[فواز الشبيكان]

تحياتي /فهد اســـتلم لاهنت


اكواننا راحت عساها ياعميلي ماتعود=الله يعز المملكه ويعزبه ابن سعود
والا انتِ خلك في ذرى جابر عسى عمره يزود
(اقولها واللي عقد روس الحبال ايحلها)


وانا حر(ن)تعلى فوقِ حام=وانتِ حر(ن)لاحي ولانتِ ميت

[بشير اللويش]

اخواني الاعزاء


دام هطولكم الرائع

سجلوا اعجابي

وهنيئاً لنا بكم ايها العمالقه

تقبلوا تحيات اخوكم الصغير

الراسي

[فواز الشبيكان]

القافِ حنانحكمه والقافِ معنا مايبور=والقلطه اللي تذكره تبي سعه وسط الصدور
يا لأسلمي لالا تحاول لاتلف ولا تدور
(اقولها واللي عقد روس الحبال ايحلها)
غيري ناس(ن) متعرف الا الخطام=دونِ دوره تعلا صيتنا مادريت

,وسع صدرك اخوي فهد

كله مزوووووووووووووووح جزاك الله خير[poet font="Simplified

[فهد الاسلمي]

الاخ العزيز والقدير القديمي انا كتبت وشطبت وسماحنا على شطبي للكتابه الاوله لأن اللحن او الطاروق تغير علي مدري وش الطاري المهم اني سعيت بأن اجاري اللعبه على طاروق اللي ذكرته بالاسفل عساه يناسب طاروقك اللي تبني عليه ... تقبل تحياتي واستلم لا هنت




شددّ بقافك واحكمه قبل لا تطبع اضبطه= كثير الناس اللي تحب تتابع لعبت القلطه
نبي شعر نبي لعب ما نبغى حنا خربطه
اقولها واللي عقد روس الحبال يحلها



يالقديمي اسمع مني الكلام = في طاروق اللعب كنّك غديت