فهد الاسلمي
07-11-2002, 01:21
السلام عليكم كل امل ان اتحوز القصيده على رضاكم وتقبلو تحياتي ..
ضاع الرجا وتجدد الياس بالراس = وتهت اتفكر ويش ولّى بحالي
على حبيبٍ ماخذٍ كل الاحساس = خلٍ دعاو القلب وقلبه دعالي
افرح اليا من قالها غالي الناس = كلمة احبك يا بعد كل غالي
اهيم بالدنيا واعوّد على الراس = واقول هالدينا حلاها هنالي
واليوم زال الفرح مع كل الاوناس = صارت هواجيسٍ من أول وتالي
قلبي عليه من الحزن ماله قياس = قلبي عليه من الحزن صار بالي
ويالله يا منشي جبالٍ بلا ساس = يامفرجٍ لأيوب تفرج لحالي
تفرج لمنهو بالفكر صار محتاس = اللي مع التفكير داله وسالي
ويهل دمعي كل ماهب نسناس = من الجنوب اتذكر اللي مضى لي
الناس تفرح لها بأعياد واعراس = وعيني تفيض الدمع بعيدٍ بقى لي
عيد الجروح اللي على القلب غطّاس = جرحٍ غزيرٍ دايمٍ ما يشالي
ياليتني طيرٍ مع الجو قرناس = عن مسكنه والله ماني بجالي
ولاّ كما نجمٍ ماهو بدساس = نجمٍ يشوفه ساهرين الليالي
نجمٍ يبيّن ماخفى عند الاجناس = ليته يبيّن لأجلهم ماجرالي
ضاع الفكر في ضرب الاخماس بأسداس = ضاع الفكر يشرح لهم مابدالي
وجف القلم يكتب ابياتٍ بقرطاس = وكن الورق يبكي على ماصفى لي
صفى لي التفكير والهم مع الياس = ودرب الفرح من عقبهم ماطرالي
واليا اجتمع ربعي ماني بجلاّس = خوفي بزود الحكي قولة هبالي
خوفي من الجاهل يزيد التعوماس = وابدي بسرٍ مادروا به رجالي
قلبي عليهم كما بنٍ بمحماس = بنٍ بمحماسٍ على النار صالي
وفكري معه ما بين هجسٍ وهوجاس = امشي وقلبي دالهٍ ما يبالي
ولا عدت اميّز حرٍ ابيض وشرياس = حرٍ اصيل وافي بالخصالي
حرٍ بكفخه معتلي روس الاضراس = متعوّد في صيد صعاب المنالي
وان قالو ابشر قلت بالافلاس = شفّي ومطلوبي بقطر هو راس مالي
قومه رجالٍ شفّهم قطع الانفاس = من ضدّهم يذبح ولا به شكالي
ولاني بأنا اللي من وطى درب الادناس = والنفس من تجزع يجيها جفالي
هذه قصيده قلتها يوم الاشراس = عيّو عليها تنعقد في حبالي
ضاع الرجا وتجدد الياس بالراس = وتهت اتفكر ويش ولّى بحالي
على حبيبٍ ماخذٍ كل الاحساس = خلٍ دعاو القلب وقلبه دعالي
افرح اليا من قالها غالي الناس = كلمة احبك يا بعد كل غالي
اهيم بالدنيا واعوّد على الراس = واقول هالدينا حلاها هنالي
واليوم زال الفرح مع كل الاوناس = صارت هواجيسٍ من أول وتالي
قلبي عليه من الحزن ماله قياس = قلبي عليه من الحزن صار بالي
ويالله يا منشي جبالٍ بلا ساس = يامفرجٍ لأيوب تفرج لحالي
تفرج لمنهو بالفكر صار محتاس = اللي مع التفكير داله وسالي
ويهل دمعي كل ماهب نسناس = من الجنوب اتذكر اللي مضى لي
الناس تفرح لها بأعياد واعراس = وعيني تفيض الدمع بعيدٍ بقى لي
عيد الجروح اللي على القلب غطّاس = جرحٍ غزيرٍ دايمٍ ما يشالي
ياليتني طيرٍ مع الجو قرناس = عن مسكنه والله ماني بجالي
ولاّ كما نجمٍ ماهو بدساس = نجمٍ يشوفه ساهرين الليالي
نجمٍ يبيّن ماخفى عند الاجناس = ليته يبيّن لأجلهم ماجرالي
ضاع الفكر في ضرب الاخماس بأسداس = ضاع الفكر يشرح لهم مابدالي
وجف القلم يكتب ابياتٍ بقرطاس = وكن الورق يبكي على ماصفى لي
صفى لي التفكير والهم مع الياس = ودرب الفرح من عقبهم ماطرالي
واليا اجتمع ربعي ماني بجلاّس = خوفي بزود الحكي قولة هبالي
خوفي من الجاهل يزيد التعوماس = وابدي بسرٍ مادروا به رجالي
قلبي عليهم كما بنٍ بمحماس = بنٍ بمحماسٍ على النار صالي
وفكري معه ما بين هجسٍ وهوجاس = امشي وقلبي دالهٍ ما يبالي
ولا عدت اميّز حرٍ ابيض وشرياس = حرٍ اصيل وافي بالخصالي
حرٍ بكفخه معتلي روس الاضراس = متعوّد في صيد صعاب المنالي
وان قالو ابشر قلت بالافلاس = شفّي ومطلوبي بقطر هو راس مالي
قومه رجالٍ شفّهم قطع الانفاس = من ضدّهم يذبح ولا به شكالي
ولاني بأنا اللي من وطى درب الادناس = والنفس من تجزع يجيها جفالي
هذه قصيده قلتها يوم الاشراس = عيّو عليها تنعقد في حبالي