المساعد الشخصي الرقمي

مشاهدة النسخة كاملة : سلامي مني عليكم يالرجال القروم


فهد الاسلمي
04-11-2002, 16:33
السلام عليكم للي يحب اللعب يشارك والاول له المعلبه .



سلامي مني عليكم يالرجال القروم =
مني عدد ما انتشر وسط السما نجومها
ابي لي شاعر يسوق القاف عند اللزوم=
وعلى المعاني بيوته غاليٍ سومها
ســاير الرماحي
04-11-2002, 21:16
أخوي الاسلمي



من شفت هالموضوع جيت مطبق ابي استلمك :)



بس طلع ناقص الشطر الاخير




اعد الكتابة وانا بإنتظارك



اخووووووووك
بشير اللويش
04-11-2002, 23:24
سلامي مني عليكم يالرجال القروم = مني عدد ما انتشر وسط السما نجومها

ابي لي شاعر يسوق القاف عند اللزوم = وعلى المعاني بيوته غاليٍ سومها



>>>>>>> اخي الغالي فهد


بيض الله وجهك

واصلوا انت وساير ونحن متابعين

..اخي ساير....قمت بعمل اللازم واتمنى ان مايكون هناك خطا بنقلي للابيات

والباقي عليكم

..........دمتوا لنا شامخين

تقبلوا تحيات اخوكم الصغير

الراسي
ســاير الرماحي
04-11-2002, 23:43
هلا بفهد الاسلمي من جديد



والشكر لاخي لبشير اللويش الراسي



اتمنى انها كذا . . ولو ماهي كذا . . يعني حوالى معناها


المهم استلم لاهنت . .









يامرحبا بك ياغالي عدّ وبل الغيوم=يومنك اليوم جيت الدار مع قومها

ترحيبةٍ من عوايدنا وحلو السلوم=ياجعل يفداك ناسٍ كثّرت نومها
فهد الاسلمي
05-11-2002, 02:41
الله الله الله يا ساير ... يامرحبا والله ومسهلا
وصح لسانك
حييت يامسهلا يا جعل عمرك يدوم=

عداد ما هلت الامطار بوسومها

يا ساير ابنشدك عسى تجيب العلوم=

حيثك بخيصٍ تعرف الناس وعلومها



تسلم ولا هنت اخوي بشير اللويش .. وابد هي على ما قال يا ساير وننتظر منك الرد يالامير ......:)
ســاير الرماحي
05-11-2002, 08:49
هلا بفهد . .




صح لسانك . . واستلم لاهنت . .







يامسلا ياغلا باهل اللحيسة عموم=اللي ارتفع قدرها واليوم هو يومها
أنشد وتلقى جوابي واضحٍ كالوسوم=اجيك انا كافخٍ من عالي رجومها
فهد الاسلمي
05-11-2002, 17:51
هلا وغلا والله بك يالرماحي وجميع الاخوان الماتبعين للمساجله ...

صح لسانك ولا هنت ... استلم يالامير .



انا اشهد انك تجيبه لو هي فوق النجوم=
حيثك عرفت المعاني وجبتِ مفهومها
قبل لا ننشد نقول من أي فخذٍ وقوم=
والحر شرواك يشمّر نازل كمومها
ســاير الرماحي
05-11-2002, 20:46
هلا بالاسلمي



تسلم ولا يسلم ردي العزايم . . واستلم لاهنت . .








انا سلايل ألي ياما شبع من لحوم=رمحان هم عزوتي والرمح زيزومها

سنجاريٍ من زميل ودايمٍ بس نحوم=ياما وطينا يومنه كامنٍ بومها
ابو غازي
05-11-2002, 21:21
شعارنا الافاضل

فهد الاسلمي

ساير الرماحي

بيض الله وجيهكم ترونا نصفق لكم يالربع

تحياتي للجميع
فهد الاسلمي
06-11-2002, 03:35
تسلم والله يالغازي ووجهك انشالله يابعدي .

الرماحي لاخلا ولاعدم منك تسلم وصح لسانك ..استلم لاهنت





مليون نعم بكم انتم رياح السموم=
والّي يبي المعركه تسقونه سمومها
ومثلك نسوق المراجل فوق روس الحزوم=
يا ما تفيض الشهامه وتستوي حزومها
ســاير الرماحي
06-11-2002, 11:06
أبو غازي




يسلم لي حضورك يالغالي




ومشكور على الاطلالة




تحياتي




أخوك
ســاير الرماحي
06-11-2002, 11:08
فهد الاسلمي



تسلم ولا يسلم ردي العزايم



استلم . .
















في كل ديرة اجاويد وعيالٍ شهوم=واللي يبي طيب نفسه ياخذ لزومها

لاشك بنشد عميلي دام عقله فهوم=من اي الاسلم جدوده تتبع قسومها؟
فواز الشبيكان
06-11-2002, 12:04
تحيه ألأسلمي وساير الرماحي شدوا حيلكم والله متابعين للمساجله



أخوكم القديمي
فهد الاسلمي
06-11-2002, 13:09
هلا والله وغلا ومشكور على المرور القديمي .. ولا خلا وعدم منك انشالله
فهد الاسلمي
06-11-2002, 13:12
هلا والله ساير وصح لسانك ولا هنت .. استلم






انا سلايل رجالٍ ضيفها ما يقوم = ياكود إن شاربه مدسّم بمكرومها
منصور جدي وسلمي ديرتي له تشوم=مناصير اليا اعتزوا تجمعّ عمومها
ســاير الرماحي
06-11-2002, 13:33
القديمي



شكرا للمرور والمتابعة



لاهنت


تحياتي
ســاير الرماحي
06-11-2002, 13:34
هلا بالاسلمي



واستلم لاهنت . .









نعمين فيكم معا عشرين نعم ونعوم=لاشك هاوي لعب والناس في صومها

وشد قافك عسى يفداك كل الرخوم=والملعبه ذيبها ياتيها و يرومها
فهد الاسلمي
07-11-2002, 00:31
بك المهلا يالرماحي

واستلم لاهنت ولا هانو المتابعين ...









نبي نتسلى شويّه دام حنا نصوم = ولاّ العذارى ما نجرّد ضافي هدومها
إن كنت تسبح ترانا حنا نعرف نعوم= وبدين ربي نعرف الشرع وحكومها
ســاير الرماحي
07-11-2002, 01:33
الغالي الاسلمي



استلم لاهنت . .







مادامك اليوم للبحر تقطّ الهدوم=انا ترى عارفك وخابرٍ عومها

دامك تحديت بحرك ياولد لاتنوم=صحصح وبحرك ترى بلاّع لزلومها
فهد الاسلمي
07-11-2002, 01:54
ولا انت يالامير ... استلم يابعدي










وأنا لها يالخوي وللسلامه سلوم = واعلم ترى سيوفها تردها سهومها
والبحر لا بد موجه يستوي له بيوم = والنار مثلك خبير تولع جرومها
الرقيب الساطع
09-11-2002, 01:22
لاهنتوا واصلوا وحنا قاضبين الصف لكم,,,,,

تسلموووووووووووووووو
فهد الاسلمي
09-11-2002, 01:25
هلا والله وغلا الرقيب الساطع ..



تسلم على المرور وانشالله إن حنا مواصلين

تقبل تحياتي \\ فهد الاسلمي
ســاير الرماحي
09-11-2002, 10:30
الرقيب الساطع



تسلم على مرورك ومتابعتك يالغالي


تحياتي لك
ســاير الرماحي
09-11-2002, 10:31
فهد الاسلمي


اعذرني على التأخير أمس


ارتباطات وعزايم ومثلك يدري



استلم . .
وطيت في كل ديرة والسهل والردوم=مع البدو والحضر فرسان وقرومها

فلا خبرت السيوف اتردها هالسهوم=مدري وهم او عميلي طاح في حومها
فهد الاسلمي
09-11-2002, 13:23
هلا والله وغلا بالرماحي من جديد وبجميع متابعين المساجله ... وبسيطه يالرماحي انا والله كنت ناوي اختمها ببيتين يوم اني تباطيتك مير اشوى إني ما استعجلت بها :)

الرماحي ..... استلم لا هنت
انا هقيتك تعرفه يا شديد العزوم = السهمِ طاير وسيفك قاضب شحومها

احرص ترى يالرماحي ياحرارٍ تحوم = لازم تعرف المغازي وتعرف ترومها
ســاير الرماحي
09-11-2002, 20:08
الغالي فهد الاسلمي



تسلم والله لاهنت


بس ودّي انبهك . .



كلمة تحوم استعملناها قبل بصيغه نحوم عن طريقي ولها نفس المعنى


وكلمتك ترومها استعملناها قبل بصيغة يرومها


المهم صح لسانك وتسلم ولا يسلم ردي العزايم



استلم . . .










السهم هذا للي يلبد بوسط الخشوم=هذا سلاح الضعيف بعالي خشومها

لاشاف بيرق ربيعه انكسر بالهزوم=والسيف وجهٍ لوجهٍ كاسب نعومها
فهد الاسلمي
10-11-2002, 01:41
هلا والله وغلا الرماحي .... ومنكم نستفيد



والله يالرماحي ترن جديد على لعبة القلطه ولكني من مستمعينها وحبيت العب بها ..



والنقطه هذه اشكرك على توضيحها وانت اخو كبير.. لنا على كلٍ استلم لا عدمتك .















انا وصلني كلامك في كبير الحجوم = من زود كبره صغرن كباير حجومها

يا ساير يابن الرماحي استعد للهجوم = تبي تشوف المنيّه بأول قـدومها
ســاير الرماحي
10-11-2002, 12:57
هلا بفهد الاسلمي


يالغالي لاخلا ولاعدم . . .



واسلم واستلم لاهنت . . .






ماينفعك زود هرجك ياقليل الختوم=وترى الحكي مختلف عن ثورة صرومها

وان كان بك هوشةٍ فأنا عقيد وزعوم=وجدّي عقيدٍ وابوه بمقدم لمومها
فهد الاسلمي
10-11-2002, 18:16
كفو كفو والله يالرماحي ...


لا خلا ولا عدم استلم هالمراوغه عسانا مانذوق يومك
... :)
نبي السموحه ونفسك عندنا لا تزوم = عساكِ تبقى السند إن كثرت خصومها
الذيب ما ينطح عياله عليهم رحوم = وانت ابن عمٍ نبيك إن سالت دمومها
ســاير الرماحي
11-11-2002, 12:40
هلا بفهد الاسلمي


ترى الدعوى مزح :)



صح لسانك ولاهنت


وتسلم ولا يسلم ردي العزايم . .



واستلم . . .










انتا ولد عم عن زلات دهره يشوم=وأخبارنا الماضيه ماعاد مرحومها

ولا العدو ماعتدل ولزوم يرغم رغوم=لازم يعفّر خشيمة دايمٍ دومها
فلاح السعد
11-11-2002, 13:25
فهد الاسلمي


وساير الرماحي


صح لسان الجميع


ومشكورين


والله لايهينكم


وكذلك الحضور الكريم


ويعطيكم الف عافيه
فهد الاسلمي
12-11-2002, 23:46
تسلم تسلم يا فلاح ولاهنت على مرورك يالغالي



تقبل تحياتي ..



الشاعر \\ ساير الرماحي لاهنت يابعدي على مجاراتك الطيبه ... وسامحنا كان بدا منّا خطأ ولا شيٍ منا ولا منا ........السموحه طال عمرك



تقبلوا تحيات اخوكم الصغير فهد الاسلمي
ســاير الرماحي
13-11-2002, 12:43
الغالي



فلاح السعد




ياحيي الله لايهينك على الحضور


واشكر لك تواصلك معنا يابوسعد وهذا مهو مستغرب عليك ابد



وهذي عوايدك دايم الدوم



تحياتي فلاح
ســاير الرماحي
13-11-2002, 12:44
الشاعر فهد الاسلمي


تسلم والله ولايسلم ردي العزايم يالغالي



وان كان على المسامحه فأنت المفروض تسامحنا . .


وترى الدعوى كله مزح في مزح;) وتبهيج خاطر:)



وعلى دروب الخير نلتقي


تحياتي اخووك