ولا كل ما خفى دره ....

[سيف الاسماء]

اجل دام الفرح حاظـــرعلامك تنثر الدمعه
.......عـــلام الحزن في كفك تشيله قاسـيا حــره

علامك تهدي الظلمى من خيـــوط الامل شمعــه
.......وش اللي يجبرك كانه نوى فجر الرجا مــره

تناظر هالبـــشر همك ولا همـك سوى جمـــعـه
.......سقى سمك جرح دمك ولا يهــــون القدر ذره

تركد استرح افـهم ترى الدنــيا مهي رمعه
.......ترى الدنيا تبي منا الى جـا كـرها فــره

يا قلبي وش تفيدك رزحةٍ ما تــاصل لسمعـه
.......يا قلبي ما دريت انه سلى خير الهوى وشره

ولا يغرك بها شمس ٍ لها لمن بـــدت لمــعــــه
........فلا كل ما لمع ماسٍ ولا كل ما خفـــى دره

يا قلبي انثر الفرحه رجيتك امسك الدمعـه
........ترى لمن درى فيها عذولك ساعةٍ ســـــره

[بشير اللويش]

تسلم يالسمن العرابي

صح لسانك

فعلا مشاركة حقها كبير جدا مما اقول
من غير مجااامله

تناظر هالبـــشر همك ولا همـك سوى جمـــعـه
.......سقى سمك جرح دمك ولا يهــــون القدر ذره

شكرا اخي السمن العرابي على مشاركاتك الفعاله

يسعدني ان اعفب على قصيدة خياليه من شاعر كبير بشعره

تقبل تحيااات اخوووك الصغيررر

بشير اللويش

[سنـعـوسـي]

بسم الله الرحمن الرحيم


الحمد لله على السلامة ياخوي يالله حيه اشتقنالك ياقاطع 0


وعلى شانك جبة الغنيمة خلاص بسكت عنك 0

بالفعل عندما يخاطب المرء نفسه لابد بأن الأمر مهم جدا وخطير والسمن اراد ان يعكس ما عرف بأن المرء بعقله فأستبدل ذلك بالقلب 0 ولأن القلب هو من يعشق في عرف اهل الغرام اراد ان يعقل عليه بتلك الكلمات الرائعة يهدية يشجعة يمنيه ينصحه لأنه قلبه ولأنه سمننا الغالي ايظا نحن نريده ان يتحلى بالصبر 0 فالصبر جمل حتى وان ضاع الدليل 0

[ثاني]

السلام عليكم
سمن شكرا على المشاركه الحلوه وصح لسانك الغالي
رائع يا سمن جميل ما قلت دمت لنا دام لنا حرفك الجميل

تحياتي واحترامي

[برزان]

تركد استرح افـهم ترى الدنــيا مهي رمعه
.......ترى الدنيا تبي منا الى جـا كـرها فــره
,,,,,,,,,,,,,,,,,,,,,,,,,,,,,,,,,,,,,,,,,,,,,
طيب هالحين وش نقولك
رائع ؟؟؟
مبدع ؟؟؟؟؟
متمكن ؟؟؟؟؟
,,,,,,,,,,,,,
لا ابي اقولك انت رائع ومبدع ومتمكن
...
تحياتي

[ابوعلي]

اخي السمن العرابي

ما ادري وش اقول عقب اللي قالوه الاخوان

لكن الله يوفقك ويطيل في عمرك

وصح لسانك

[سيف الاسماء]

الاخوه الاعزاء ...........

شكرا لكم اعزائي ودمتم لي .......

وعلى المحبة دوما نلتقي .....

[صالح العلي]

الاخ السمن ,,,,
صح لسان على هالكلام الحلو والقصيدة الرائعه

[خلف العنزي]

الاخ الشاعر السمن
صراحه ابيات قوية جدا
ومعنى جميل وخيال واسع لكاتب الابيات
..........

[سيف الاسماء]

الاخ صالح العلي


الاخ العزيز خلف العنزي

اعزائي افتخر بشهادتكم واعذروني لتاخري بالرد وكل عام وانتم بخير .......

[سيف الشمال]

مهم قلنا ماراح نوفيك ومهم كتبنا

مانوفي القصيده حقها

بس صراحه انت شاعر كبير السمن العرابي

ونبي منك الكثير بالمستقبل


سيف الشمال

[يتيمي]

الاخ العزيز السمن العرابي
صح لسانك على هالابيات الجميله
ونحن بانتضار المزيد من ابداعاتك
*******
تحياتي

[سيف الاسماء]

الاخ سيف الشمال شكرا لك عزيزي...

الاخ يتيمي الشكر والتقدير لك اخوي ....