من هو أسوأ و أحسن معلم مر عليك ؟

[سالم]

السلام عليكم ورحمة الله وبركاته

أكيد معظمكم دخل المدرسه وعرف زينها وشينها

و أعجب بمدرس ( أعجبة بمدرسّه )

و كره مدرس و ( كرهت مدرسّه ) ,,,


وياريت كل واحد من اللي يبون يشاركون يكتب


أسوأ مدرسّ ؟؟

أحسن مدرسّ ؟؟



وشكرا لكم وياقرد المدرسين مننا ,,,











سالم الشمري

الدمام

[سالم]

السلام عليكم ورحمة الله وبركاته ,,,

والله أنا من الناس اللي مايجامل أحد ,, ( أفقشها بوجهه ) ,,,,,,,


ودرست أنا بمدرسة ( ....... ) ,,,


من الأول الى الثالث ثانوي ( فلة الحجاج ) ,,,,

ومارحت لأي مدرسه غيرها ,,,,,,,,,,



و مر علي مدرسين بالأبتدائيه والمتوسطه والثانويه ( الله يذكرها بألف خير ) ,,,

و ماكرهت منهم الأ واحد ,,,


































مدرس الرياضيات ,,,,,

بكل المراحل ,,,,







___________


نرجع للمدح ,,( واحد نصاب ) ,,,,,,,










أحسن مدرس مر علي من

أول أبتدائي

و

ثاني أبتدائي

و

ثالث أبتدائي

و

رابع أبتدائي

و

خامس أبتدائي

و

سادس أبتدائي

و

أول متوسط

و

ثاني متوسط

و

ثالث متوسط

و

أول ثانوي

و

ثاني ثانوي

و

ثالث ثانوي

.
.
.
.
.
.
.
.
.
.
.
هو يعرف نفسه ,,

درسنّي بالثاني ثانوي والثالث ثانوي ,,,,

هذا مامثله من المدرسين أف لو يدرسكــّــم ....



















ماني قايل أسمه ( أبيكم تموتون من الشفاوه ) .....











وأعذروني على الأطاله ( بايخه ) ..






سالم الشمري

الدمام

[الفاضي]

هههههههههه بزعمه جايب شي جديد

تروا الي درسه انا يالفاضي

بزعمه يبي يذبحكم من الشفايه

مسكييييييين علمتهم

تحياتي
الله يمخضك

[سالم]

الفاضي ,,,

أنا ماودي أقول لهم أنك أنت مدرسّي ,,,

لكن أنت من أسوأ المدرسين اللي درســّــك ؟

( ياقرد المدرس هذا ,, أكيد أمه دعت عليه ) ,,,,

من أحسن مدرس عندك ؟

( ماهقوتي فيه مدرس تعزه ... أنت فاضي وأكيد تكره الحصه وكل المدرسين ,, )




لنا عوده













بااااااااااااااااااااااااااااااااااااااا اااااااااي

[الفاضي]

هلا بسالم ياخوي عادي علمهم اني مدرسك عشان ادرسهم

اما المدرسين هم كل مدرسين مواد الرياضيات ماعدا








وش هالشفايه

ماعدا الي يبي يرد بعدي على طول
يالله منهو مدرس الفاضي
اسرعوا فالعدد محدود ههههههه

[النجلا]

مسا الخير

<------- ماعليه هاذي تشارك:)

الاسوء
معلمة الرياضيات السوريه :( عصبيه وماتضرب الا بالمتر


واحسن شيء معلمة العربي المصريه عجيز ونلعب بحصتها على كيفنا:D


وموضوع لطيف وممتع
تحياتي
اختك النجـــــــلا

[الماس]

الحين بعد ما صرت مدرسه ماقدر أقووول شئ عن المدرسات إلا جزاهم الله

عنا كل خير...(وحده مؤدبه);)


بس لو كان ذا الموضوع قبل ما صير مدرسه كان صارت سوالف وعلوم:D :D

[--(برق النفود)-]

طبعا الكلام عن المدرسين من جد وناره حاميه احسن مدرس
الله يرحمه ويغفر ذنوبه استاذ راضي ( يامل الجنه يستاذ راضي )
كان الله يرحمه عنده (انيميا حاده جدا) وكان يغاب ولا يحضر لدرجة اني مابعمري شفته ولا اعرفه ماحظر الا مره وحده وكنت انا غايب ( بالعربي شاطف) وذكروه لي .
اما اشين مطرس مطرس الرياضه بالثنويه استاد احمد الله لا يحله ولا يبيحه
مره فقعنا الكوره وخلانا ندور على الملعب لمده ساعتين لا وهو متقفينا بعد وعدو عينك بس ياقف وما يركض
بس بدال ما يعلمنا علمناه تقابسنا معه بالطلعه تخيل فصل كامل على مدرس واحد
اما الباقين بين وبين
ووووووووووخلاص

[سالم]

عاد تصدقون من أول أبتدائي ,, لين ثالث ثانوي ( الله يذكره بالخير ) ’’’

مادرسنّا ولا مدرس سوداني ....

من قرادتنا ,,

والا كان نتونس أحسن وناسه ,,,,

بس في مصايب صارت لنا بالثالث ث ,,

و ماودي أتطرق لها ...

والله لو أقولها لتنفقع بطونكم من الضحك ,,,

بس ,,


الحق



في بالمنتدى مدرسي السابق ( آه لو يدرسني الحين ) ,,

وماودي أقول شي عن مدرسين الثانويه لأني محترمه ,,,,,

واذا قلت يا

يكذبني

او يهزئني



شكرا

[سالم]

بما أنك مدرسه الحين ,,,

وتعلمتي من المدرسه كل شي ,,,

أبسألك سؤالين وتجاوبين بكل أمانه وبكل صراحه ( أي مدرس أو مدرسه يشارك ) .



السؤال الأول :

ليه المدرس / المدرسه ماوده يقول شي أمام تلاميذه يوم أنه طالب ؟

السؤال الثاني :

ليه المدرس / المدرسه أذا كان مراقب عليك بالأختبارات يمنعك من الغش ,,

ويقول الغش حرام ,, وأنا بحياتي ماغشيت ,,,,,

وهو / هي أكبر نصاب ,,

مدرسينه ماسلموا منه ,,,, ( ضاق جيبه من أوراق الغش ) ,,,


لا تنسين / لاتنسون ,,,

الأجابه بكل أمانه وصدق ,,,

وشكرا لكم ,,,,,,,

[الماس]

أخوي سالم


تقصد ليه ما كلم طالباتي عني يومني كنت طالبه....بالعكس والله

نتكلم معهم بس بشئ يفيدهم بس خرابيطنا نخليها مدسوسه:D


أما الغش فهو حرام صح ولا لا ...واذا كنا وقعنا فيه ما نبي طالباتنا

يقعون في نفس الشئ وصدقني ما عمري سمعت مدرسه قالت

أنا ماكنت أغش لا يوم كنت طالبه ولا الحين...

أخوي سالم....كنت أحسب التدريس مريح وسهل لقيته حفر بالصخر

ومسئووليه وهم ما تتخيله..الله يعينا (أعرف أنك الحين تقول وش عندهم

ذولا المرسين صجونا)

[سالم]

شكرا لك على هذا الرد ,,

واتمنى ان تكون صحيحه وصريحه ( لاتزعلين مصدقك )


و وين باقي المدرسبن

[أبو سامي الشمري]

......... اسوا معلم بدون جدال هو معلم العربي (نحو)

وهو معلم سوداني.......


اما احسن معلم هو اللي ماهو سعودي ..........


من غير السودانيين...............

ابو سامي الشمري

[أم فهد]

جتكم المدرسه

بصراحه احسن مدرسه مرت علي مدرسه علم الاجتماع والانجليزي

واسواء مدرسه مدرسه التاريخ

مع اني احبها لكن خلتني اتحنط بجنب الحايط وش كثر

صارت بيني وبين الحائط الخلفي موده

كانت تفاجئني باسئله وانا ماني دارسه.....وتقوم عيني تروغ يمين وشمال ابي مساعده من صديق...بس كانت تلقطن وتزفن ورا


بالنسبه للاسئله

السؤال الاول خلاص حنا اللحين قدوه لهم وش زيننا نعلمهم بسوالفنا عشان يسون اللي اكبر منها

والسؤال الثاني يعني علشان اكون مجاوبه بذمه وضمير...كنت اغش بس بطلت يوم دريت ان الراتب اللي يجي من ورا الوظيفه حرام ونار وشرار بطلت
مو اقولكم ماكنت ادري انه حرام...لا والله ادري بس الشيطان لعن ابو جده..طيحنا بالحرام
بس يوم عرفت ان الحرام راح يدخل بيتي....بطلت

وليه مانقول لطلابنا...لان طلابنا راح يقولون هذي مدرستنا تغش ورا مانغش مثلها وهي غشاشه حصلت على الشهاده والوظيفه


صعب لاننا اللحين نمثل لهم قدوه

والله يصلح الجميع

الشكر كل الشكر لهذا الموضوع الذي ذكرنا بمدارج الطفوله..وجعلنا نحتظن ذكرياته ونظمها لصدورنا

اختك أم فهد
تحياتــــــي

[سالم]

والله نتمنى من الجميع ترك الغش ,,,,

ولكن ,,,








سمعت ( من ناس عاديين ) ,, وليس من مشايخ ,,,

أن اللي غش بالثانويه ,,,

وبعدين اذا كتب له التخرج ,,, يكون الراتب اللي يستلمه حلال ,,,

أرجو من من لديه علم أفادتي ,,

,اكرر وأقول أنني سمعت ولم أصدق ,,,

أم فهد ,,

أشكرك جزيل الشكر على مشاركاتك ,,

وأتمنى منك كمعلمه عدم التهاون مع الغش ( طلعا مع الطالبات) ,,

وأتمنى أن يصدر قرار تجاه الغش ,,,,


( من غشنا فليس منـــا ) ,,



شاكرين ومقدرين ,,,



















سالم الشمري

الدمام

[شجون الروابي]

مرررررررحبا

أول شي كل عااااااام وانتوا بخيررر جميعا ..


أسوأ مدرسه ..

هم بصراحه كثار بس انا هنا بكتفي بذكر ثنتين فاقعين مرارتي و ودي أفضفض شوي :)

الأولى ..
مدرّسه الأحياء في ثاني ثانوي .. كان نص شرحها خطأ ..
و لما نقول لها شي تخز فينا وتسكت ( يعني بلا قله أدب أنا المدرسه و أنا الصح ) :rolleyes:

الثانيه مدرّسه عربي في أول ثانوي
ذاك اليوم كانت كاتبه جمله على السبوره
و قامت بنت بتعرب الجمله و فيه اسم أعربته ( مبتدأ )

قالت الاستاذه : لا هذا فاعل










البنت تقول استاذه صدقيني هذا مبتدأ












و المدرّسه مصرّه على راياها ..
















و لما حسيت ان الوضع بيتأزّم قمت أنا بحل الخلاف :o

قلت لها : استاذه إذا هذا فاعل وين الفعل ؟ :p



قامت المدرّسه تطالع بالسبوره |513| |513|




وبعد لحظه صمت قالت : شوفوا بنات كل وحده تعربه بالطريقه اللي تعجبها :D


أما أحسن مدرسه ..

يعني تقدرون تقولون فيه مجموعه كبيييييييييره من المدرسات أحبهم كثير و اعتبرهم بالفعل خير قدوه لنا ..
بس المدرّسه اللي عمررررررري ما راح أنساها
هي مدرسه الكيمياء ( ثاني و ثالث ثانوي )
جد كانت رووعه بكل المقاييس شرح و اسلوب و معامله ..
بالفعل أعتبرها مثل امي ..

تخيلوا بحفل تخرجنا بكت :(


لا و بيوم اختبار الكيمياء ( ثانويه عامه ) دخلنا القاعات و فوق طاوله كللللل بنت ورده و بطاقه توديع منها :(

و الله ذاك اليوم كل البنات كانوا يبكون ..
و هي تاخذ كل وحده من يدها وتدخلها القاعه وتدعي لنا .. :(
الله يوفقها ان شاء الله و يجزاها خير ..
ويهدي باقي المدرسات و يصلحهم .. :)

بالنسبه للغش أنا بعد سمعت ان الطالبه اذا غشت و توظفت يصير راتبها حرااام
لأن كل مابني على باطل فهو باطل ..

( أنا ما أفتي .. هذا اللي سمعته و مقتنعه فيه 100 % :) )


تحياتي للجميع ..
و مشكور على هالموضوع الحلو أخ سالم :)

[سالم]

شجون الروابي ,,


بالنسبه للراتب بعد التخرج ,,,

ماني مقتنع وانا متأكد أنه حرام مثل ماتقولين ,,

لكن أسال وأرد الخبر ,,,



تقبلي تحياتي