اغلى ماخلق ربي

[نوف]

جيتني بالمنام يااغلى ماخلق ربي
جيتني وضميتني..ومسحت على راسي

ياجدي.. والله اشتقت لك

الموت مايرحم احد
الموت خذاك مننا

ياجدي..وربي اشتقت لكلامك..لضحكتك..لهمسك لبسمتك لنبرة صوتك..لسوالفك..

حتى آآآهتك
حنيت وربي لها

يايبه..حنيت للجلسه معك..
اشتقت لكل شي جمعني بك..حتى راسك وجبهتك..
لاجيت وقبلتك على راسك..احس بفخر..لانك جدي..لانك سندي..

رحمه الله عليك..يااغالى ماخلق ربي..

يايبه..البيت عقبك مظلم موحش..
عقب ماكنت انته شمعته ونوره وضيه
يابوي كلش يهون بهالدنيا الى موتك..
بموتك ماتت افراحي وافراحنا كلنا
ماتت قلوبنا
ضحكنا وبسماتنا
وربي نسيناها

بعدك


يابوي ياجدي يااغلى ماخلق ربي
هذا الشهر الفضيل يبي يدق ابوابنا
وشلون بنصبر عقب ماراحو احبابنا

يايبه مكانك منهو بيشغله.. جلستك بعد الصلاه بيننا.. سوالفك وغشمرتك..
وش اللي بيحل محلها
يايبه والله فقدتك واشتقت لك ولوجودك بيننا..

البارح بكيت لان الوله ذابح
لان الشوق جارح

ادري بكيت لكن ماادري ليه
بكيت وانا متأكده انك منت براجع منت براد لنا..

يبه ذبحني الشوق ذبحني الالم

آآآآآآآآآه ياجدي رحمه الله عليك


يابو محمد ..ياجدي..يانور عيني
......................غلاتك بقلبي..واسمك حافرته بيديني..
الله يرحمك ويغفر لك ذنوبك
..........................ليتني مكانك..واهديت لك سنيني


وش حاله العيد بعدك يابوي
وش حاله عقالك..بشتك..وثوبك

والله مافرحت بعد موتك ثواني
وشلون بيدق الفرح جدران قلبي وقبلعا قالولي
يانوف:: البقيه في حياتك...

والله مابه شي في حياتي
وش بقى فيها غير احزاني والامي وجروح مالها دوى

يابوي ياجدي
وربي وربي اشتقت لك
وابي شوفتك
وحشتني عيونك خدودك السمرا
وحشتني مشيتك وربي حتى عصايتك
كل شي وربي وحشني فيك


ياجدي
يابوي
يااغلى ماخلق ربي
رحمه الله عليك





نوف

[فهد المويهي]

اختي الغاليه نوف ..

رحمة الله عليه وعسى الله يسكنه فسيح جناته يارب

خاطره تستاهل الوقوف وتستاهل القراءه


بها صدق المشاعر وصدق الاحاسيس

وفعلا البكي مايرد اللي راح

لكِ اصدق تحيه .. وعسا مثواه الجنه

اخوك


فهد المويهي

[نوف]

اخوي فهد

مشكور على مرورك الكريم
وجزاك الله الف خير


اختك
نوف

[موال]

نــــــــــــــــــــــــــــــــوف اردت ان البس الجوخ فوق عرش كلماتك
تمتعينا بصفصفة روح هائمه
ليلتك سعيده

[فلاح السعد]

نوف


رحم الله اموات المسلمين


واسكنه فسيح جناته امين



وانا بصراحه احب ان اشكرك


على تنّوع مواضيعك فلست


من يكتب في كل مره في نفس


القصه اوالحكايه اعني الموضوع


بل في كل مره نجد هناك تجدد وتغيير



اشكرك ولك التحيه

[فيصل اللويش]

يانوف:: البقيه في حياتك


الله يرحمه ويغمد روحه الجنه


فيصل اللويش

[نوف]

اخواني

موال
فلاح السعد
فيصل اللويش

شكرا لكم من الاعماق لمروركم الذي شرفني كثيرا
والله لا يحرمني منكم ياغالين
والله يجزاكم الف خير

اختكم
نوف

[الوليد البسطي]

الغاليه

نوف

الراعه

الله يرحمه ويرحم اموتنا

والله يصبركم على الفرق

أخوك الوليد البسطي

[نوف]

اخوي الوليد
تسلم على المرور الرائع
والله يسمع منك يارب


تقبل تحياتي
اختك
نوف

[سالم]

لاتعليق ......

[نوف]

اخوي سالم الشمري




شكرا لمرورك
اقصد لصمتك




اختك
نوف