المساعد الشخصي الرقمي

مشاهدة النسخة كاملة : القديمي . . . . تعال أبيك بسالفه !


ســاير الرماحي
16-10-2002, 22:11
اخوي القديمي هلا بك ..


ما ابي شي بس نبي نتكامخ انا وياك:)



استلم... لاهنت...


مرحبا يالقديمي قدركم عارفينه=حي هالشاعر اللي مايبي له فهامه

أمسك القاف شدّة شدةٍ خابرينه=شب نار التحدي فوق راس العدامة
فواز الشبيكان
17-10-2002, 00:48
هلا أخوي ساير (هلحين يقال حيدهم بيدهم)

على العموم مشتاق للعب معك

ولاهنت وسم واستلم
ياهلا بالرماحي قدركم شايفينه=حي هلشاعر اللي ابتدى في كلامه

قوة القاف ياسايرقوافي سمينه=والتحدي مع القيفان نمسك خطامه
سعد الحطاب
17-10-2002, 02:00
العزيزان ساير الرماحي والقديمي
كم انتظرناكما ، ولكن بدل انتظارنا نريدها
طويلة ونحن بجانبكما في الصفوف نصفق لكما.


تحياتي


سعد الحطاب
ســاير الرماحي
17-10-2002, 21:07
هلا اخوي سعد الحطاب

شكرا لمرورك وزيادة حماسنا


بس انت بصفي ولا لا؟

تحياتي
ســاير الرماحي
17-10-2002, 21:08
هلا اخوي القديمي
سم واستلم . .




قالو ان القديمي زايدٍ به حنينه =جتني قصة وتذكر صاحبي في غرامه

ياولد شايفينك وسط سوق المدينة=تاه فكري عميلي وش يدوّر علامه؟
فواز الشبيكان
18-10-2002, 13:16
اسف على التأخير اخوي ساير


سم واستلم


الرماحي معه قصه طويله ثمينه=أعطنا قصتك بالخيرِياأبودلامه

قصتك يا الرماحي لاتطيح ابكمينه=وانت مثل الجمل اللي تعلا سنامه
بشير اللويش
18-10-2002, 16:19
اخواني الاعزاء

ساير

القديمي


الف شكر لكما على امتاعنا

وواصلا ابداعكم

فالجمهور صفوق



تقبلا تحيات اخوكم الصغير

الراسي
ســاير الرماحي
18-10-2002, 20:46
هلا اخوي بشير الراسي



تسلم يالغالي على المتابعة



مرورك وتعقيبك يشرفني




تحياتي لك يابوسلطان
ســاير الرماحي
18-10-2002, 20:48
هلا القديمي


استلم



قالو الناس انك واقعٍ بالشنينه=قلت خابره عاقل مايحب الملامه

هيئة الامر بالمعروف ذا متعبينه=والشوارع ملاها ركضةٍ وانهزامه!
سعد الحطاب
18-10-2002, 21:58
قالو الناس انك واقعٍ بالشنينه ............. قلت خابره عاقل مايحب الملامه

طبعا انا بصفك يالرماحي إلا إذاالعزيز القديمي اثبت برائته
من تهمة الناس.

المهم واصلا
تحياتي

الحطاب
فواز الشبيكان
20-10-2002, 23:50
الأخ العزيز/ ساير اعذرن للتأخير

وذلك حسب ضرفك وماجور


الرماحي خساره خبطت المكينه=اطلب الله عسى يذري عليه السلامه

لاتجيهل وأنا أدري انتِ من صانعينه=اعذرن يا الرماحي غصبِ وانت ابكرامه
ســاير الرماحي
21-10-2002, 00:58
هلا القديمي


ياخوي معذووور . . . واستلم . .



ماصنعته ذكرها رجل حيٍ فطينة=ماخبرت النمايم حول كلمته حامة

المهم وش تدور أيمن من الكبينة=ليش تنقل رقومك وانت مابك وسامة
ســاير الرماحي
21-10-2002, 01:01
اخوي سعد الحطاب



شكرا لمرورك وتشجيعك



و تحرمنا من اطلالتك



تحياتي
فهد الاسلمي
09-11-2002, 17:37
فطاحلة القلطه(الرماحي + القديمي ) كملو وحنا قاضبين الصفوف


لا خلا ولا عدم ...