المساعد الشخصي الرقمي

مشاهدة النسخة كاملة : قصــــــه مؤلمه تبكي القلوب المتحجره



NaJeM@7AiL
14-10-2002, 04:14
حكاية شاب وسيم عمره بين 22 و23 ما يعرف عن الحب شي

ولا مره بحياته حاول انه يعرف شي عن الحب.

له طله مقبلوه

واللي يشوفه على طول يحبه .

سافر والله وفقه بوظيفة بس

بعيد عن منطقة أهله اللي ساكن فيها والمكان اللي توظف

فيه يمشي الحال بس زيارات البنات علي المكان هذا كثيره

وبيوم جت وحده ودخلت المكان هذا وشافت الولد هذا فأعجبت

فيه و أخذت رقم المحل لانه موجود على اللوحة برا

ويوم راحت

للبيت اتصلت عليه وحاولت تحتك فيه بالكلام بس حست أسلوبه

جاف شوي ولا قدرت تأخذ وتعطي معه . وصار كل يوم الســــــاعة 11 المساء

تتصل عليه على شان تتعرف اكثر عليه وتتكلم معاه وهو

ما يعرف ايش يقول بس يسمع ويقول آيه ولا طالت الأيام على

الطريقة هذي تشجع مره وسألها أنتي ايش الهدف من مكالماتك

هذي ولوين تبين توصلين

هي جاوبت على طول لأنها منتضره السؤال

هذا قالت ابي أوصل لقلبك

!!! قال طيب آنا ما اعرف شي عن الحب

ولا حتا اعرف أتكلم فيه ولا اافهم لغتة قالت آنا بعلمك على

أيديني واخليك فيلسوف حب . المهم طالت المحادثة وجت أيام

وراحت أيام وعلى الطريقة هذي وهي تعلم فيه وهو يستوعب بسرعة

لين خلاااااااااااااااااااااااص حب الولد من كل قلبه لدرجه

انه صار ما يقدر ينام الليل من كثر التفكير فيها وكل اصدقاه

صاروا يحسون انه متغير ولا يأكل ونحف وصار يفكر كثير ويسرح

كثير وأحيان يخطي باسمها وينادي اصدقاه وهم مايبون يسألونه

من الاسم هذا لان من شكله مبين انه حب وخلاص أعلى مراحل الحب وصل .

درات الأيام ومرت سنه على الطريقة هذي.

اتصل عليها بيوم وكان مزعوج قالها أنتي شفتيني وشفتي شكلي

وعرفتي أسلوبي وصار لنا سنه الحين ولا شفتك ولا حتى شفت صورتك

قالت له انتظر شوي لين يضبط وضعي واخليك تشوفني قال.. لا ..لا.. لازم

أشوفك وما راح اسكر لين توعديني متى قالت طيب الخميس الجاي راح

نطلع للمكان الفلاني نتقابل هناك والكلام هذا كان يوم السبت .

( تخيلو الانتظار كيف راح يكون من يوم السبت لين الخميس اصعب لحظات

عمره كان مقضي يومه كله نوم على شان بسرعة الأيام تمشي )

وصل يوم الأربعاء بدا يفكر كيف راح يكون شكلها طويلة قصيرة

بيضا سمره نحيفه دبدوبه حلوه مثل ما هو راسمها بخياله .

كان يفكر بكل شي .

واتصلت عليه يوم الخميس قالت له يالله طالعين وسيارتنا كذا

شكلها ولونها كذا ورقم اللوحة كذا قال تمام قال اسمعي آنا كل

الطريق مقدر اصبر أبيك كل دقيقتين تشيكين على جوالي

علشان

أحس انك معاي موجودة وادري انك ما تقدرين تكلمين لان اهلك معاك صعبه

بس اقل شي كل دقيقتين شيكي قالت اوكي تحركت السيارة وهو حرك

بعدها على طول وكل دقيقتين تجيه تشييكه وعلى الجوال لين انقطعت

التشييكات اكثر من عشر دقايق ما قدر يصبر أرسل رسالة ولا ردت عليه

تردد بالاتصااال تردد و تردد كثير ما يدري يتصل آو يخاف يحرجها مع

ا هلها المهم قرر ويوم دق على جوالها مر من جنبه سيارة إسعاف

متجهة بنفس الطريق اللي هو يمشي فيه من كثر ما هو مخبوص نزل

الجوال جنبه أسرع ورا السيارة وخلى الجوال يدق ( معاودة الاتصال آليا )

المهم وصل شاف حادث اكثر من رعب منظرة مافية.

عائله كاملة يمين الخط منتثرة فيها أربع بنات وشايب وحده عاجوز

كلهم حالتهم وإشكالهم ميئوس منها بشكل خيالي . السيارة هي نفس

السيارة ونفس اللوحة ونفس اللون بس كيف راح يعرفها بين البنات الأربع

وهي ما وصفت له حت شكلها نزل مع اللي نزلو يشوف بقايا حلمه وبقايا

أمله صار يناظر يمين يسار ولو يشوفها ما راح يعرفها

!!!!!!

سمع صوت جوال يرن حاول يتبع الصوت لقا وحده من ا لبنات ماسكه الجوال

ويرن بيدها وهي شبه ملطخه بالدم ومافي آمل من إنها تعيش آلا بعد إذن

الله شاف اسم المتصل بجوالها لقا مكتوب!!!!! ( آمل عمري) قال يمكن

هذي وحده من صديقات البنت هذي لكن بدون شعور رفع الجوال وناضر

للاسم اللي هـــــو ( آمل عمري ) وفتح الرقم وكانت الصدمة انه شاف

الرقم حقه لان الجوال لقاه مع وحده كان الجمال ما انخلق لغيرها

بس للآسف فارقت الحياة وانقلبت اسعد لحظات عمره بثواني

إلى اتعس

أيام العمر الرقم لقاه رقمه ولقا اسمه مكتوب ( آمل عمري )

صدمة خلته ينهار ويغمى عليه وانقلوه معاها للمستشفى هي

انتقلت الى رحمة الله بس هو عاش آو اقصد ما عاشت الضحكة بعدها يوم .

وترك الوظيفة وتعقد من عيشته وصار يكره نغمة الجوال

ولا يتكلم مره غير اذا كان مجبور انه يسولف

ويكره أي واحد يجيب أبجدية كلمة حب عنده

سافر عن المنطقة

اللي كان موظف فيها وتعرف على آمل عمره اللي أنــــتــــها فيها .

واخذ عهد على نفسه انه مايجي المنطقة هذي آلا بنفس اليوم

اللي توفى فيه حلمه وصار كل سنه بنفس اليوم يسافر للمنطقة

ويمر نفس المكان ويجلس فيه ساعة ويرجع لمنطقته |502|

لكم تحياتي(كلي وفا وحب)أخوكم :- نجــ حائل ــم
NaJeM|15|7AiL

عايد الماضي
14-10-2002, 12:39
قصة والله تبكي فعلا

ولكن

هل هي تبكي للنهاية (الحادث المؤلم)!!!

او لنهاية الحب بينهما!!

او لشكل اول مقابلة!!

انا اعتقد انها تبكي لنهاية العائلة كحادث شنيع, وبالأخص هذه البنت ونهايتها( لأنها كانت على موعد مع رجل غريب عنها(غير محرم لها) فكيف لها ان تواجه ربها, هل كانت ذاهبة لحلقة ذكر ,اولقراءة قران, او لزيارة اقارب, اولصلة رحم اخرى......., بل كانت ذاهبة للخلوة مع رجل غريب .. ربما كان الشيطان ثالثهما, ومقابلته.

هل مازالت القصة تبكي لنهاية الحب, ولحظة القابلة!!!!!!!!!!!!

اسأل الله ان يتوب عليها ويغفر لها ذنوبها , انه هو السميع العليم
وان يوفقناالى مافيه خير نهايتنا.

وتشكر يانجم حائل على ايراد مثل هذه القصص للإتعاض , واخذ العبرة والدروس.




تحياتي
عايد الماضي

الفيتو
14-10-2002, 18:18
والله قصه فعلا مبكيه جدا

وتضيق الصدر صراحه

الله يعينه ويرحم حال ويرحم هالبنيه ويتوب عليه ان شاءالله

تسلم اخي نجم حائل على هذه القصه الرائعه والمحزنه

راعي الاوله00
14-10-2002, 22:33
قصه محزنه بس روعه

عبدالله المهيني
15-10-2002, 01:26
والله الموقف صعب

يهد جبل مو رجال

الاصيل
15-10-2002, 10:36
هذي النهايه الي ما كان احد يتوقعها ...............


يعني انا يوم قريت البدايه قلت الحين هذي بتطلع سمراء بس ..... ممكن تكون مي حلوه بس

ان النهايه تكون باشكل هذا ما توقعت ..........................

الله يعينه ....... بعدين بصراحه يمكن تزعل البعض شويه .........

هذا نهاية العلاقات الي زي كذه ............

يعني هذي كانت في السيارة مع ابوها غيرها كانت راح تكون مع صاحبها في السيارة واهلها ما يدرون عنها الا في المستشفي او الهيئه .........

ايهم احسن ..........

ان شاء الله ما احد يزعل مني ........

الاصيل الغائب .........

سالم
16-10-2002, 13:15
والله قصه محزنه جدا ,,,


الله يرحمها ,,,,, والله يعينه ,,,,




وانت






























يعطيك العافيه مليون مره







تقبل تحياتي







سالم الشمري

الدمام

مندوب بني وائل
16-10-2002, 14:55
لاتـعـليق :( :( :(

المغرمه
16-10-2002, 15:54
قصه حبيبين انتهو لي غير سعاده
والله ابكيتني يانجم ذكرتني في ذكر ماضيه
قصه حقيقيه مثيره ومتعبه
الله يسلمك وعافيك

المغرمه

ريم البوادي
17-10-2002, 08:20
الله المستعان
الله يتوب عليها ويرحمها برحمته
يالله اني سألتك حسن الخاتمه
.......
اختكم////// ريم البوادي

NaJeM@7AiL
22-10-2002, 05:54
أخواني واخواتي الاعزاء :-
عايد الماضي
ابـــو مـــرزوق
المهيني
الاصيل
سالم الشمري
مندوب بني وائل
المغرمه
ريم البوادي

شكرا لكم ولكل كلمة عقبتم بها على هذه المشاركة
لقد اسعدني تعقيبكم ومروركم على هذه المشاركة
لكم مني اجمل تحية مع اجمل باقة ورد.


لكم تحياتي أخوكم :- نجــ حائل ــم(كلي وفاوحب)
NaJeM|15|7AiL