نعاف الكرا

[حليف شمر]

الشاعر يحيى بن شيبان

نعاف الكرا من فوق فرشن عليها فراش=عليها البطاين وأفخم الريش نفاشي

الا واعـــــذابي كل ما قــــــــرّب المغباش=ما غير اتصدد عن هل القيل والواشي

سبايب صغيرن لا ذكرته يجيني رعاش=شبيه المريض اللي دخل غرفة انعاشي

الى من ذكرته جاني الحزن والاجهاش=وباح الخفا اللي منكتم في وسط جاشي

انا بي جروحن ما تضمد بلفة شاش=شبيه الصويب اللي طِعن في يد الفاشي

الى يا وجودي وجد بن صالح العفاش=وخِذ في نهارن غدر من طلقة كلاشي

ضميري مثل حبن غدى في يد الجراش=يلف الرحى منصح ولا هو بغشاشي

الى واعـــذابي كل ما شـــال بالمنقاش=لا كنه يحـــرك بالغضا جمـــرة الجاشي

انا صوت في جوفي مثل دقة المهباش=سبايب غلاها داخل الصدر جياشي

بعد ماشريته باعني مثل بيع الكاش=احسبه وليفن واثري في يدين بطاشي




https://www.youtube.com/watch?v=oko03J8DHRU